ကျွန်တော့်ဘဝမှာ အမြဲသတိရ နေတတ်တဲ့ ဆရာ ၄ ယောက်ရဲ့ စကားရှိတယ် ။

၁)ပထမတစ်ယောက်ကတော့ သူငယ်တန်းကနေ ၄ တန်းထိ သင်ရတဲ့ သချာင်္ဆရာ ။ ကျွန်တော် က ဗရိုက် မဖြစ်ဘူး ။ သူငယ်တန်းကနေ ၃ တန်းထိ ကျွန်တော်သချာင်္ မှားတိုင်း သူခေါ် တဲ့ နာမည်ရှိတယ် ။ "ချာတူး" တဲ့ ။ တစ်ရက်တော့ သချာင်္ တစ်ပုဒ်တွက်တယ် ။ မှတ်မှတ်ရရ ကျွန်တော် ၁၃ ခါ တိတိ မှားတယ် ။ မှားတိုင်း လက်ဝါးဖြန့်ပြီး အရိုက်ခံရတယ် ။ နောက်တော့ ဆရာ က ရိုက်ရတာ အားနာလာတယ်ထင်တယ် ။ တပည့် ... "ဓားတိုရင် ရှေ့တိုးခုတ်ရတယ်ကွ" တဲ့ ။ ဥာဏ်အားနည်းရင် လုံ့လအား ပိုစိုက် တဲ့ ။ အဲဒီပုစ္ဆာ ကို သူများတွေကျောင်းဆင်းတဲ့ ထိ သူထိုင်စောင့်ပြီးတွက်ခိုင်းတာ ညနေ မိုးချုပ်မှ ပြီးတယ် ။ အဲဒီနောက် ကျွန်တော် ဓားတိုတိုင်း ရှေ့တိုးတိုး ပဲ ခုတ်တော့တယ် ။ ခုတ်မရ ခဲ့ တဲ့ အခါတွေလည်းရှိတော့ရှိခဲ့တယ် ။ ၂)နောက်တစ်ယောက်ကတော့ အလယ်တန်းတုန်းက ကျောင်းအုပ်ကြီး ။ ကျွန်တော် အထက်တန်းကျောင်း ပြောင်းတော့ ဆရာကြီးက မှာတယ် ။ " ဒီလိုနေချင်ရင်ဒီတိုင်းနေပါ ၊ ဒီတိုင်းမနေချင်ရင်ဒီလို မနေပါနဲ့ " တဲ့ ။ ကိုယ် လုပ်တဲ့ အလုပ်တစ်ခု ရလာဘ်ထွက်လာတိုင်း ကိုယ့်ကိုယ်ကိုပြန်စစ် မိတယ် ။ ဒီ ရလာဘ်ဟာ ကျွန်တော် နေချင်တဲ့ အခြေနေတစ်ခု ဟုတ်လား ၊ မဟုတ်ဘူးလားပေါ့ ။ ဟုတ်တယ်ဆိုရင် အဲဒီတိုင်းပဲ ဆက်သွားတယ် ။ တကယ်လို့ ကျွန်တော်လိုချင်တဲ့ ရလာဒ် မဟုတ်တော့ဘူးဆိုရင်တော့ ဘာတွေလိုနေလဲ ၊ ဘာတွေ ပြောင်းရမလဲ ပြန်သုံးသပ်ပြီး နေထိုင်မှု ပုံစံ က စ ပြောင်းလဲ ပစ် မိတယ် ။ ၃)နောက်တစ်ယောက်ကတော့ ဗိုလ်လောင်းတုန်းက တပ်ခွဲမှုး အရာရှိပေါ့ ။ Do as I Do . ဆိုတဲ့ အထက်အရာရှိ ၊ Follow me ဆိုတဲ့ ခေါင်းဆောင်တစ်ယောက်ပါ ။ တချက် မှ ရိုက်မဆုံး မဖူးပေမဲ့ သိပ်ကြောက်ရသလို ၊ သိပ်လည်းလေးစားရပါတယ် ။ အထက်အရာရှိဆိုပေမဲ့ အပြစ်ပေးတာ က အစ ဘယ်တော့မှ စည်းမျဉ်းစည်း ကမ်း မကျော်ပါဘူး ။ သူ အပစ်ပေးတဲ့ ခါ စစ်မြေပြင်မှာ အကျိုးရှိ မဲ့နည်းပဲ ပေးတယ် ။ ခရာတချက်တုပ် တိုင်း ... ပစ် ၊ထောက် ၊ လှိမ့် ၊ မှောက် .. လုပ်ရတယ် ။ တခါတခါ အပြစ်ပေးတိုင်း တံတောင်တွေ ပွန်းတဲ့ထိ ပေးတယ် ။ ကျောင်းဆင်းတော့ ဆရာသမား က မှာတယ် ။ " တပည့် မင်း ကမ်းကိုလွတ်မြောက်အောင်ကူးခတ် နိုင်တဲ့ အခါ ကူးသွားလိုက်ပါ ။ အဲလို မှ မဟုတ်ရင်တော့ ရေစီးကြောင်းမှာ အားမွေးပါ ၊ ယက်ကန် ယက်ကန် တော့ ဆန်မတက်နဲ့ အချိန်ကုန်လူပမ်း တယ် ၊ လိုရာလည်းမရောက်ဘူး ၊ ပတ်ဝန်းကျင်နဲ့လည်းသဟဇာတမဖြစ်ဘူး" တဲ့ ။ အခုလက်ရှိ တပ်မတော် မှာ ဆရာသမား ဟာ ကျွန်တော်နဲ့ အဆင့် အတူပါ ။ ဒါပေမဲ့ ဗိုလ်ချုပ်တွေ ရှေ့ ခေါင်းမော့ ရပ်ရင် ရပ် ရဲ မယ် ။ သူ့ ရှေ့ ရောက်ရင်ကျွန်တော် ဟာ ကလေးလေး တစ်ယောက် ပါပဲ ။ ၄)နောက်တစ်ယောက်ကတော့ ကျွန်တော့် တပ်ရင်းမှူးပါ ။ ဗိုလ်လောင်းတုန်းက စာပေက ဆရာပါ ။ နောက်တော့ ကျွန်တော့် တပ်မှာ တပ်ရင်းမှူး ဖြစ်ပါတယ် ။ ရဲဘော်ဖြစ်ဖြစ် ၊ အရာရှိဖြစ်ဖြစ် ဘယ်တော့ မှ မောက်မောက်မာမာ မဆက်ဆံသလို ၊ ရင့်ရင့်သီးသီးလည်းမဆူဖူးပါဘူး ။ တရက်တော့ တပ်ကိစ္စ တွေ ကို အရာရှိတွေ ၊ ရုံးအဖွဲ့ တွေကို တာဝန်ခွဲပေးတယ် ။ ပြီးတော့ သူက ပြောတယ် ။ ငါ လက်နက်ကိုင် တိုင်းရင်းသားတွေ နဲ့ ငြိမ်းချမ်းရေးဆွေးနွေးဖို့ လူကြီးရဲ့ ကိုယ်ရေး အရာရှိတွေ နဲ့ လိုက်သွားဖူးတယ် တဲ့ ။ အဲဒီမှာ Level တူတွေ အလ္လာပ သလ္လာပ ပြောကြရင်း KNU က ဆက်ဆံရေးအရာရှိတွေ ကို သူကမေးတယ်တဲ့ ။ မင်းတို့လည်း မိုင်းထောင်တာ ၊ ငါတို့လည်း မိုင်းထောင်တာပဲကွာ ။ မင်းတို့ မိုင်း တွေ က ကျတော့ ခဏခဏ ကွဲပြီး ၊ ဘာလို့ ငါတို့ မိုင်းတွေ က မကွဲတာတုန်းကွ ဆိုတော့ ... KNU က အရာရှိက ပြောတယ်တဲ့ ...မင်းတို့ ယုံမယုံတော့ မသိဘူး ... ငါတို့ မိုင်းထောင်တိုင်း မိုင်းနားမှာ ခဲ လုံး တစ်လုံး ချ ၊ ပြီးတာနဲ့ ခဲလုံးကို အလေးပြု ပြီး " 'ဒီမိုင်း ကွဲအောင်စွမ်းဆောင်ဖို့ သင့်ကိုတာဝန်ပေးတယ်" ဆိုပြီး ခဲလုံးကို တာဝန်ပေးစေခိုင်းတယ်တဲ့ ။ ဒါက မင်းတို့ ကို ဗဟုသုတ အနေနဲ့ ပြောပြတာ ပါ ။ တာဝန်ပေးရင် ခဲလုံးတောင် ကျေပွန်အောင်ထမ်းဆောင်တယ်ကွ ။ မင်းတို့ လည်း ဘယ်တော့မှ ခဲလုံးထက်အဆင့် နိမ့်သူတွေ မဖြစ်ကြစေနဲ့ တဲ့ ။ အချိန်တွေ ဘယ်လောက်ကြာကြာ ၊ နေရာတွေ ဘယ်လောက်ဝေးဝေး အဲဒီ ပုဂ္ဂိုလ်တွေ ပြောတဲ့ စကားတွေက ရင်ထဲ က ပျောက်မသွားဘူး ။ မနေ့ တနေ့ ကလိုပဲ ။