တွေးမိတွေးရာမြန်မာစာ (၅)

အစက်အပြောက် အပိုအလို ဖြုတ်တန်ဖြုတ်၊ ထည့်တန်ထည့် ကျွန်တော်သည် မြန်မာစာပေပညာရှင်တစ်ဦးမဟုတ်သလို မြန်မာစာအဓိက ဘာသာ ရပ်ဖြင့် ဘွဲ့ရထားသူ လည်းမဟုတ်ပါ။ မြန်မာစာပေ ချစ်မြတ်နိုးသူ တစ်ယောက် သာဖြစ်ပါသည်။ ချစ်မြတ်နိုး ဆိုသည့်စကားမှာ အလွန်အဓိပ္ပာယ် နက်ရှိုင်း ပါသည်။ မြတ်မြတ်နိုးနိုး တယုတယနှင့် အလွန်တန်ဖိုးထားနှစ်သက်သည် ဆိုသည့် အဓိပ္ပာယ်ဖြစ်ပါသည်။ အများစုမှားတတ်သော အမှားများကို ကျွန်တော်လည်းမှားတတ်သည်ဖြစ်၍ ထိုအမှားတို့ တတ်နိုင်သမျှ ကင်းစင်စေရန် တွေးမိတွေးရာ မြန်မာစာ ဟုခေါင်းစဉ်ပေးပြီး ကျွန်တော် မှတ်သားသည့် နည်းကိုပြန်လည်မျှ ဝေခြင်းသာဖြစ်ပါသည်။ အင်္ဂလိပ်ဘာသာစကားတွင် apostrophe + s ('s) ကို subject နှင့် verb to be တစ်ခုခု တို့တွဲသည့်အခါ အတိုကောက် ပုံစံအဖြစ် (He is = He's, She was = She's, She has been = She's been, It is = It's, It has been = It's been စသဖြင့်) တွဲဖက် သုံးစွဲသလို၊ possessive adjective အဖြစ်လည်း apostrophe + s ('s) သုံးစွဲ သည် ကို တွေ့ရမည်ဖြစ်ပါသည်။ ဥပမာ- John's car, Mary's mother, David's uncle ။ ဂျွန်ရဲ့ကား၊ မေရီရဲ့အမေ၊ ဒေးဗစ်ဦးလေး။ မြန်မာဘာသာစကား တွင်လည်း အင်္ဂလိပ်ဘာသာစကား apostrophe + s ('s) ကို possessive adjective အဖြစ် သုံးသလိုသုံးသည့် သင်္ကေတ တစ်ခုရှိပါသည်။ ယင်းမှာ အောက်မြစ် (.) ဖြစ်ပါသည်။ ပုံမှန်အားဖြင့် အောက်မြစ်ကို သံရှည်မှ သံတိုပြောင်းသည့်စကားလုံးများအတွက် အသုံးပြုလေ့ရှိပါသည်။ ဥပမာ- မယ်၊မယ့်၊ သယ်၊ သယ့်၊ ရဲ၊ ရဲ့၊ တဲ၊ တဲ့၊ ခဲ၊ ခဲ့၊ သည်၊ သည့်၊ မည်၊ မည့် အစရှိသည့် စကားလုံးများတွင် အောက်မြစ် မပါသော စကားလုံး များကို အောက်မြစ်ထည့်လိုက်သည့်အခါ သံရှည်မှ သံတိုပြောင်းသွားပြီး သံပြင်း (ဃောသသံ) ထွက်သွားသည်ကို တွေ့ရမည်ဖြစ်သည်။ ထိုကဲ့သို့အသုံးမျိုးအပြင် ပိုင်ဆိုင်မှု အဓိပ္ပာယ်အဖြစ်လည်း အောက်မြစ်ကို သုံးနိုင် ပါသည်။ ဥပမာ- ခင်ခင်ရဲ့/၏ ဦးလေး ၊ ခင်ခင့်ဦးလေး၊ ကျော်ကျော်ရဲ့/၏ အမ၊ ကျော်ကျော့်အမ၊ ဇော်ဇော်ရဲ့/၏ ရည်းစား၊ ဇော်ဇော့် ရည်းစား၊ ငါရဲ့/၏ ဦးခေါင်း၊ ငါ့ဦးခေါင်း၊သူရဲ့/၏ ဆွဲကြိုး၊ သူ့ဆွဲကြိုး၊ စသည်ဖြင့် ပိုင်ဆိုင်မှုကိုပြသော ရဲ့နှင့်၏ တို့ကိုဖြုတ်၍ အောက်မြစ် ထည့်လိုက်သည့်အခါ ပိုင်ဆိုင်မှု အဓိပ္ပာယ်ဖြစ်သွားပါသည်။ အချို့နေရာတွင် ယင်းကဲ့သို့ အောက်မြစ်ထည့်၍ ရေးပါက စာ/အသံ ပို၍ချောမွေ့ပြေပြစ် ပါသည်။ "ကျော်ကျော်ရဲ့ဦးလေး က ဇော်ဇော်ရဲ့ အဖေအတွက် ဂျပန်က နာရီ တစ်လုံးဝယ်လာတယ်" အစား "ကျော်ကျော့်ဦးလေး က ဇော်ဇော့်အဖေ အတွက် ဂျပန်က နာရီတစ်လုံးဝယ်လာတယ်" ဟုပြောဆိုရေးသား ခြင်းက ပိုအဆင်ပြေသလို ငါရဲ့နိုင်ငံတော်၊ ငါရဲ့နိုင်ငံသား အစား ငါ့နိုင်ငံတော်၊ ငါ့နိုင်ငံသားဆိုသည့် အသုံးက ပိုချောမွေ့ပါသည်။ အောက်မြစ်တွေ အများအပြားပါသော "ငါ့အိမ်၊ ငါ့ရာ၊ ငါသာကောင်းစားရေးအတွက် ငါကျိုးကြည့်ကြသလေ။ ငါ့သား၊ ငါ့မယားပါမကျန်၊ ငါ့ဆွေ၊ ငါမျိုး၊ ငါကျိုးတစ်ရာ၊ ငါ့ကမ္ဘာ ငါဆောက်၊ ငါတစ်ယောက်တည်း ကောင်းချင် သာချင်ပေ။" ဆိုသည့် ကျွန်တော်တို့ ငယ်စဉ်က မြန်မာ့အသံက မကြာခဏ ထုတ်လွှင့်လေ့ရှိသည့် အတ္တအကျဉ်းသား သီချင်းကို သတိရမိသည်။ ထိုသို့အောက်မြစ်ထည့်ရာတွင် မူလစကားလုံးက သံညှင်း (အဃောသသံ) ဖြစ်နေ မှသာ အောက်မြစ်ထည့်လို့ရပါသည်။ မူလစကားလုံးက သံပြင်း (ဃောသသံ) ဖြစ်နေ လျှင်မူ အောက်မြစ် ထည့်စရာမလိုဘဲ အလိုလိုပိုင်ဆိုင်မှု အဓိပ္ပာယ်ထွက် ပါသည်။ ကျော်ကျော်ရဲ့ကွန်ပြူတာကို ကျော်ကျော့်ကွန်ပြူတာဟု ပြောဆိုရေးသားလေ့ရှိသော်လည်း ထွန်းထွန်းအဖေ၊ အေးအေးဒေါ်လေး၊ ဇော် ဦးယောက္ခမ၊ ကျော်သောင်းကုမ္ပဏီတို့တွင်မူ အောက်မြစ် ထပ်ထည့်စရာမလိုပါ။ ထည့်လို့လည်းမရပါ။ ခြွင်းချက်အနေဖြင့် သံညှင်း (အဃောသသံ) ဖြစ်သော် လည်း အောက်မြစ်ထည့် စရာမလိုသည့် စကားလုံးအချို့ရှိပါသည်။ တိုင်း သည် သံပြင်း (ဃောသသံ ) ဖြစ်၍ အောက်မြစ်မထည့်ဘဲ တိုင်းလက်ရွေးစင် ဟု ပြောဆိုရေးသားသော် လည်း ပြည်နယ်လက်ရွေးစင်ကို ပြည်နယ့်လက်ရွေးစင်ဟုရေးလေ့မရှိပါ။ တို့ ကို တစ်ခုထက်ပိုသော ပစ္စည်း အဖြစ်လည်းကောင်း အများကိန်းပြောသူ နာမ်စားအဖြစ်လည်းကောင်း သုံးကြသည်ဟု သဒ္ဒါစာအုပ် အတော်များများ တွင်ဖေါ်ပြကြပါသည်။ "ခင်မောင်မြင့်တို့ကတော့ လုပ်လိုက်မှဖြင့် တလွဲချည်းပဲ" တွင် ပါသည့် တို့မှာ မြန်မာနိုင်ငံတစ်ဝှမ်းရှိ ရှိရှိသမျှ ခင်မောင်မြင့်အားလုံးကို ဆိုလိုသည် မဟုတ်ပါ။ "ကျုပ်တို့ကတော့ ဒါမျိုးမကြိုက်ပေါင်။" ဟူသည့် ၀ါကျတွင်ပါသော ကျုပ်တို့ ဆိုသည်မှာ ကာယကံရှင်တစ်ဦးတည်းကို ရည်ညွှန်း ပြောဆိုခြင်းဖြစ်ပါသည်။ "ကြံကြံဖန်ဖန် ရန်ကုန်သူ မန္တလာမြင့်တို့ရန်ကုန်သူ မန္တလေးသွားလို့ အသားမဲပြန် သတဲ့ဆူ" ဆိုသည့်သီချင်း စာသားကို ငယ်စဉ်က သဘောမပေါက်ခဲ့။ "ဘယ့်နှာလဲ… မန္တလာမြင့်လည်းပြောသေးတယ်၊ ရန်ကုန်သူလို့လည်းဆိုသေးတယ်" ဟု ငယ်စဉ်က ကလေးအတွေးနှင့် အတွေးခေါင်မိပါသည်။ နောင်မှ မန္တလာမြင့်တို့ရန်ကုန်သူ ဆိုသည်မှာ ချစ်စနိုးဖြင့် ငေါ့ထားသည့်လေ မှန်း သဘောပေါက်လာပါတော့သည်။ "ကျုပ်တို့ကျော်မြင့်ကြီးကတော့ဗျာ၊ ခင်သစ္စာကလျာ သိမ့်သိမ့်ဖြိုး တို့ကတော့လေ" စသည်တို့မှာ အများကိန်းကိုပြောဆိုခြင်းမဟုတ်ဘဲ တစ်စုံတစ်ယောက်ကို အထူးပြု ပြောဆိုခြင်းသာဖြစ်ပါသည်။ တစ်ဖန် တို့ တွင် ပိုင်ဆိုင်မှုသဘော၊ ရင်းနှီးကျွမ်းဝင်မှုသဘောပါသည် ကိုလည်းတွေ့ရ မည်ဖြစ်သည်။ "ပျိုလေးတို့ အိမ်ခေါင်မိုး ထိုးလာပါတဲ့ပေဖူးလွှာ" ဆိုသည့် သီချင်း စာသားပါ အဓိပ္ပာယ်မှာ ပိုင်ဆိုင်မှုသဘော၊ ရင်းနှီးကျွမ်းဝင်မှု သဘောပါ ပါသည်။ "ပျိုတို့မောင် ယာမလုပ်တယ်၊ ၀ါးခုတ်တဲ့တောင်" ဟူသည့် ကဗျာပါဒပါ "ပျိုတို့မောင်" စာသားမှာလည်း ထိုကဲ့သို့ပင် ရင်းနှင်းကျွမ်းဝင်မှုသဘော၊ ပိုင်ဆိုင်မှု အဓိပ္ပာယ်များဖြင့် ထုံမွမ်းရေးဖွဲ့ ထားခြင်း ဖြစ်ပါသည်။ မြန်မာစာရေးသားရာတွင် ၀ိဘတ်၊ ပစ္စည်း အချို့မှာ သဒ္ဒါသဘော အရထည့်ရေးနိုင်သော်လည်း ဖြုတ်ရေးမှ ဖတ်ကောင်း သော ၀ါကျများလည်းရှိပါသည်။ "ကျော်ကျော်မနေ့က ကော်ဖီတစ်ခွက်ကိုသောက်ခဲ့သည်။" ဆိုသည့် ၀ါကျမှာ သဒ္ဒါ သဘော အရ မှားသည်ဟုမဆိုနိုင်သော်လည်း အင်္ဂလိပ်စာသြဇာမကင်းသည့် မြန်မာ စာ အရေးအသားဖြစ်ပါသည်။ "ကျော်ကျော်မနေ့က ကော်ဖီတစ်ခွက်သောက်ခဲ့သည်။" ဟုရေးလျှင် အဓိပ္ပာယ် ပြည့်စုံပါပြီ။ "ကို" ထည့်ရေးစရာမလိုပါ။ အကယ်၍ ကိန်းဂဏန်း ကို အထူးတလည် ထည့်ပြောစရာမလိုပါက "ကျော်ကျော်မနေ့ က ကော်ဖ်ီသောက်ခဲ့ သည်။" ဆိုလျှင် လုံလောက်ပါသည်။ တစ်ခွက်ပင် ထည့်ရေးစရာ မလို ပါ။ ကျွန်တော့်သဘောပြောရလျှင် ခဲ့ပင်မလိုဟုထင်ပါသည်။ မြန်မာအသုံး "ခဲ့" ဆိုသည်မှာ အင်္ဂလိပ် Past Tense မဟုတ်ပါ။ မြန်မာစာ၊ စကားတွင် Tense မရှိဆိုသည့် ဆရာမောင်သာနိုးအဆိုကို ကျွန်တော် သဘော တူပါသည်။ မြန်မာလူမျိုး တစ်ယောက်ကို မင်းအမေဘယ်သွားလဲဟုမေးပါက "အမေ ဈေးသွားတယ် ဦးလေး. ." ဟုသာ ဖြေပါလိမ့်မည်။ မည်သည့် မြန်မာလူမျိုးကမှ "အမေဈေးသွားနေတယ်၊ အမေ ဈေးသွားခဲ့တယ်၊ အမေဈေးသွားပြီးပြီ" ဟုဖြေလိမ့်မည်မဟုတ်ပါ။ "မြန်မာလူမျိုးတို့သည် ထမင်းကိုစားကြသည်။" အစား "မြန်မာလူမျိုးတို့သည် ထမင်းစား ကြသည်။" "မြန်မာ လူမျိုးတို့ ထမင်းစားကြသည်။" "မြန်မာတို့ ထမင်းစားကြသည်။" စသည်ဖြင့် အကြောင်းအရာပေါ်လိုက်၍ အဆင်ပြေသလို ရေးသားနိုင်ပါသည်။ "မေရီသည် ပိုက်ဆံအိတ်ကို ဖွင့်ခဲ့ပြီး ဒေါ်လာတစ်ရာတန် တစ်ရွက်ကို ဆွဲထုတ်ခဲ့ကာ လမ်းဘေးမှ အဖိုးအိုတစ်ဦးကို ပေးခဲ့သည်ကို ကျွန်တော် မနေ့က မြင်ခဲ့ပါသည်။" "လေ သည် သစ်ရွက်များကို ကြွေစေ၏။" "ဆရာသည် ကျောင်းသားများကို စာကျက်စေ သည်။" "သူမ၏ အပြုံးသည် ကျွန်တော်၏ သောကများကို ပြေပျောက်စေသည်။" ဆိုသည့် ဘာသာပြန် အရေးအသားမျိုးမှာ မြန်မာစာ မနိုင်နင်းသည့် အရေးအသား မျိုးဖြစ်ပြီး အလွန်ဖတ်ရဆိုးပါသည်။ အင်္ဂလိပ်စာသင်ရာတွင် မြန်မာကျောင်းသားများ နားလည်ရန် ရှင်းပြရာ၌ အချို့နေရာ များတွင် အခက်အခဲရှိပါသည်။ ဥပမာ verb to be ဖြစ်သော am, is, are, was, were သင်ရာတွင် မြန်မာကျောင်းသားများနားလည်စေရန် ရှိသည်၊ ဖြစ်သည် ဟုသင်ကြရ သည်။ မှားသည်ဟုမဆိုပါ။ သို့သော် ဆရာလုပ်သူက ရှင်းပြတတ်ဖို့လိုပါလိမ့်မည်။ am, is, are, was, were ဆိုတာ နောက်က noum ကပ်လျှင် ဖြစ်သည်/ဖြစ်တယ်၊ preposition နဲ့တွဲထားတဲ့ နေရာပြ ပုဒ်စုကပ်လျှင် တစ်နေရာရာမှာ တစ်စုံတစ်ခု ရှိသည်/ရှိတယ် လို့ အဓိပ္ပာယ်ထွက်သဟေ့။ ဒါပေမဲ့ ဆရာတို့ မြန်မာစကား မှာတော့ နေရာတကာ ဖြစ်သည်/ဖြစ်တယ်၊ ရှိသည်/ရှိတယ် လို့ ပြောလေ့/ရေးလေ့ မရှိဘူးကွ။ စသည်ဖြင့် ရှင်းပြသင့်ပါသည်။ ထိုသို့သေသေချာချာ မရှင်းပြသဖြင့် "I am a teacher. ကို ကျွန်တော် သည် ကျောင်း ဆရာ တစ်ယောက်ဖြစ် ပါသည်။ His father is a doctor. ကို သူ့အဖေသည် ဆရာဝန် တစ်ယောက်ဖြစ်ပါသည်။ They are farmers. သူတို့သည် လယ်သမား များ ဖြစ်ကြ ပါသည်။ He is in the room. သူအခန်းထဲမှာရှိသည်။ They are at mome. သူတို့ အိမ်မှာရှိကြသည်။" ဟူ၍သာရေးကြတော့သည်။ "ကျွန်တော် ကျောင်းဆရာပါ။ သူ့အဖေ က ဆရာဝန်လေ။ သူတို့ လယ်သမားတွေပါ။ သူအခန်းထဲမှာ။ သူတို့အိမ်မှာလေ။" ဟု ပြောရ/ရေးရကောင်းမှန်း မသိကြတော့ဟု ဆရာမောင်သာနိုးဆိုပါသည်။ ယင်းအဆိုကိုကျွန်တော်သဘောကျနှစ်သက်မိသည်။ မည်သည့် မြန်မာလူမျိုးမှမပြောသည့်စကားကိုပြောဆိုရေးသားနေသည်တို့ကို ကြည့်ရသည်မှာ မျက်စိစပါးမွှေး စူးရုံမျှမက နားပါကလောပါသည်။ ဘာသာစကားတိုင်း တီထွင်ဖန်တီးမှုအသစ်တို့ရှိစမြဲဖြစ်သည်။ တီထွင်ပါ။ ဖန်တီးပါ။ သို့သော် မဖျက်ဆီးပစ်လိုက်ဖို့တော့ အရေးကြီးပါသည်။

Read More

တွေးမိတွေးရာမြန်မာစာ(၄)

စာလုံးပေါင်းမှားလျှင် အဓိပ္ပာယ်လွဲပါသည် ကျွန်တော့်ဆောင်းပါးဖတ်မိသည့် မိတ်ဆွေတစ်ယောက်က “မြန်မာစာမြတ်နိုးတယ် လည်းပြောသေးတယ်။ ဆောင်းပါးထဲမှာ အင်္ဂလိပ်လိုတွေလည်းတွဲရေးထားသေး တယ်။”ဟုဆိုပါသည်။ မှန်ပါသည်။ ကျွန်တော့်ဆောင်းပါးထဲမှာ အင်္ဂလိပ်လိုတွဲရေးရခြင်းအကြောင်းမှာ ပညာ တတ်အသိုင်းအ၀ိုင်းများ ကြားတွင် မြန်မာစာသတ်ပုံသတ်ညွှန်း အမှားအများ ဆုံး တွေ့ရခြင်းကြောင့်ဖြစ်ပါသည်။ ပြီးတော့ ကျွန်တော့်ဆေးနည်းနှင့်တည့်ပါက လိုသလို မှတ်သားသုံးစွဲနိုင်စေရန် ရည်ရွယ်ပြီး ကျွန်တော်မှတ်သည့် နည်းအတိုင်း အင်္ဂလိပ်လို တွဲထည့်ထားခြင်းဖြစ်ပါသည်။ အမှားတွေ့ လျှင် ထောက်ပြပြုပြင် ပါ။ ကျေကျေနပ် နပ် ကျေးဇူးတင်စွာဖြင့် အပြုပြင်ခံပါမည်။ မှားတတ်သော စာလုံးပေါင်းများတွင် အလယ် နှင့် အလည် မှာလည်း မကြာခဏ မှားတတ်သည့် စာလုံးများ ဖြစ်ပါသည်။ မြန်မာအဘိဓာန်တွင် အလယ်ကို အလယ်၊ န- အကြားဖြစ်သောနေရာ။ ဗဟို။ ဟုပြထားပြီး အလည် ကိုမူမတွေ့ရပါ။ အလယ် မှာ တစ်စုံ တစ်ခု၏ အလယ် ဟုဆိုလိုပြီး၊ အလည်မှာ အလည်အပတ် သွားခြင်းဖြစ်ပါသည်။ လူပုံအလည်ဟု မှားယွင်းရေးသား တတ်ပါသည်။ လူပုံအလယ်ကသာအမှန်ဖြစ်ပါသည်။ ကျွန်တော်ကတော့ လယ်ကို အင်္ဂလိပ်စာလုံး [farm, centre, middle, among] တို့နှင့်တွဲဖက်မှတ်သားထားပြီး လည်ကိုမူ [visit, circle, cycle, round] စသည့် စကားလုံးများဖြင့် တွဲမှတ်ထားပါသည်။ လယ်သမားများ မိုးစပါး စိုက်နေကြ သည်။ ရေလယ်ခေါင်သောင်ထွန်း နတ်သမီးနေတဲ့ကျွန်း။ လူပုံအလယ်မှာ အရှက်ကွဲအောင် တမင်သက်သက်လုပ်တာ။ စုစုတို့အိမ်က မြို့လယ်ခေါင်မှာ။ အလယ်ကလူ စကားဝဲ၏။ စသည့်အသုံးများတွင် လယ် အသုံးကို တွေ့ရသည်။ လည် အသုံးကိုမူ ပျိုပျိုမေ အလည်အပတ်ထွက်တယ်၊ မော်တော်ကားနဲ့ရယ်။ အလည် သက်သက်ပဲလား။ ချာချာလည် မူးတယ်။ မျက်စိလည် လမ်းမှားတယ်။ စကားကို လိပ်ပတ်လည်အောင်ပြောပါ။ တော်တော်လည်တဲ့လူ စသည့်အသုံးများတွင် တွေ့ရပါ သည်။ မြန်မာစာ/စကားတွင် ဟထိုးမပါဘဲ ဟထိုးသံထည့်ရွတ်ရသည့် စကားလုံးများရှိသလို ဟထိုးပါသော်လည်း ဟထိုးသံ ဖြုတ်ပြီးရွတ်ရသည့် စကားလုံးများရှိပါသည်။ မြား၊ မီ၊ မွေး၊ နုတ်၊ နိုင် စသည့်စကားလုံးများတွင် ဟထိုးမပါသော်လည်း ဟထိုးသံ ထည့်ပြီး ရွတ်ဆိုရပါသည်။ မြားမှာ [arrow] ဖြစ်ပြီး ဟထိုးသံထည့်ရွတ်ရပါသည်။ တရုတ်လာသည် ရိုင်ရိုင်လော၊ ရိုင်ရိုင်၊ မြားမိုးရွာသည် ဖြိုင်ဖြိုင်လော၊ ဖြိုင်ဖြိုင်။ မြားအတွင်း ယာဉ်မရပ် ရ။ မောင့် အချစ်မြား အသည်းမှာစူး နုတ်လည်းနုတ်ချင်ခဲ့ဘူးပေ။ အချို့က မျှား ဟုမှားရေးကြ သည်။ မျှားမှာ [lure] ဖျားယောင်းသွေးဆောင်သည့် အဓိပ္ပာယ်ဖြစ်ပါသည်။ ငါးစာကို သာ မြင်သည်၊ ငါးမျှားချိတ်ကို မမြင်။ သူ့ကို လခကောင်းကောင်း အလုပ်ရမယ်ဆိုပြီး မျှားခေါ်လာတာ မသိရှာဘူး။ ဒီမိန်းမ တဖျစ်တောက်တောက် နဲ့ မြည်တွန်တောက် တီး နေတာကို နားထောင်မယ့်အစား ငါးသွားမျှားနေတာ နားအေးပါတယ် စသည့်အသုံးများကို လေ့လာကြည့်နိုင်ပါသည်။ မီ သည် ဟထိုးမပါသော်လည်း ဟထိုးသံထည့်၍ ရွတ်ဖတ်ရပြီး မိ မှဆင်းသက်လာသည် ဟု မှတ်သားရပါသည်။ [soon, in time, catch up with] စသည့်အဓိပ္ပာယ်မျိုးဖြစ်သည်။ မကြာမီ။ အချိန်မီ။ ရထားမီအောင် အမြန်မောင်းပေးပါ။ မင်းကြိုးစားရင် တစ်နေ့ သူ့ကို မီမှာပါ။ မှီမှာ တစ်ခုခုကို မှီနေသည်။ တစ်ယောက်ယောက်ကို မှီခိုအားကိုးနေရသည်ဆိုသည့် အဓိပ္ပာယ်ဖြစ်သည်။ “ဘုရား တောင် အမှီရှိမှပွင့်တယ်ဆိုတာ ထေရ၀ါဒရဲ့ ပိဋကတ် သုံးပုံမှာ မပါဘူးလို့ ဆရာကြီး ဦးသုခက ပြောဖူးတယ်။” “မှီခိုအားထား ရမယ့် မိဘနှစ်ပါးကလည်း မာနတွေပြိုင်ရင်း ကွဲသွားကြပြီဆိုတော့ ဒီလိုပဲ ရပ်ကွက်ထဲမှာ ကြုံရာအလုပ်ကို လုပ်ရရှာတာပေါ့ အေ။” “တိုင်ကိုမှီမနေနဲ့ ရေနံတွေပေကုန်လိမ့်မယ်။” အင်္ဂလိပ်လို [lean, depend on, rely on] အဓိပ္ပာယ်မျိုး ဖြစ်ပါသည်။ ဟထိုးမပါသော နုတ် ကိုလည်း ဟထိုးသံထည့်ဖတ်ရပါသည်။ [pull out, minus, reduce] အဓိပ္ပာယ်မျိုးဖြစ်ပါသည်။ ပျိုးနုတ်၊ ကောက်နုတ်၊ အပေါင်းအနုတ်၊ တစ်ပြည်လောက် ပြန်နုတ်ထားလိုက်မယ် နော်။ ဟ ထိုးပါသောနှုတ်မှာ [lip] အဓိပ္ပာယ်ဖြစ် ပါသည်။ သန္တာရောင်နှုတ်ခမ်း၊ နှုတ်ချို သျှိုတစ်ပါး၊ နှုတ်ခမ်းပဲ့ချင်း မီးမှုတ် စသည့် နှုတ်ခမ်းနှင့် ဆက်စပ်သော အသုံးမျိုးတွင် တွေ့ရပါသည်။ ထို့အတူ [can, able, capable] ဟု အဓိပ္ပာယ်ရသည့် ဟထိုးမပါသော နိုင် ကိုလည်း ဟထိုးသံ ထည့်ဆို ရပါသည်။ လုပ်နိုင် ကိုင်နိုင်၊ စားနိုင် သောက်နိုင်၊ ကျွေးနိုင် မွေးနိုင်၊ စွမ်းဆောင်နိုင်၊ သို့သော် မစွမ်းဆောင်နိုင်၊ မလုပ်နိုင်ဟု အဓိပ္ပာယ်ရသည့် မနိုင်ဝန်ထမ်း သည်ဆိုသော စကားမှ နိုင် ကို မူ ဟထိုးမပါဘဲ ရေးထားသည့် အတိုင်း မနိုင်ဝန် ထမ်းသည်ဟုသာ ရွတ်ဆိုရပါသည်။ အပေါင်း၊ အနုတ်၊ အမြှောက်၊ အစားတွင်ပါသည့် [multiplication] အမြှောက်တွင် ဟထိုးပါပြီး ရွတ်ဆိုရာတွင်လည်း ဟထိုးသံ ထည့်ရွတ်ရပါသည်။ သို့သော် [cannon, artillery] ဟု အဓိပ္ပာယ်ရသည့် အမြောက်တွင်မူ ဟထိုး မပါသော်လည်း အမြှောက် ဟုပင် ဟထိုးသံထည့်၍ ရွတ်ဆိုရပါသည်။ ထို့အတူ [foresight, vision] ဟု အဓိပ္ပာယ်ရသည့် အမြော်အမြင်တွင်လည်း ဟထိုး မပါသည့် အမြော်ကို ဟထိုးသံနှင့် ဖတ်ရပါသည်။ [ many, a lot ] စသည်ဖြင့် အဓိပ္ပာယ်ရသော စကားလုံးချင်းအတူတူ အများအပြားတွင် အများဟု ယပင့် နှင့်ရေးသော်လည်း အမြောက်အမြားကိုမူ အမြားဟုသာရေးရပါသည်။ ယင်းမှာ အမြောက်အမြား စကားလုံးပါ အမြားကို မူလပေါရာဏကျမ်းပါ စာလုံး ပေါင်းအ တိုင်း သုံးနှုန်းရေးသားသည်ဟု မှတ်သားဖူးပါသည်။ အိမ်ရာနှင့် အိမ်ယာမှာလည်း အများမှားတတ်သည့် စကားလုံးဖြစ်သည်။ အိမ်ရာက အမှန်ဖြစ်ပါသည်။ အိမ်ရှိသော နေရာဟု ရိုးရိုးလေးစဉ်းစားလိုက်ပါက မမှားနိုင်တော့ဟု ထင်ပါသည်။ ယာ ဆိုသည်မှာ ပဲ၊ ပြောင်း၊ နှမ်း စိုက်ပျိုးသည့် နေရာဖြစ်သည်။ အိမ်ယာ ဟုရေးပါက ပဲခင်း၊ နှမ်းခင်းထဲက အိမ်ဟု အဓိပ္ပာယ်ထွက်သွား မည်လား မပြောတတ်။ ဤမျှဆိုလျှင် အိပ်ရာနှင့် အိပ်ယာကို လည်း မည်သည်က အမှန်ဆိုသည်ကို မှန်းဆနိုင် လောက်ပြီဟုထင်ပါသည်။အသည်းကိုလည်း အသဲဟု မှားရေးလေ့ရှိတာ မကြာခဏတွေ့ရတတ်ပါသည်။ အသည်းက အမှန်ဖြစ်ပါသည်။ အသဲဆိုသည့် စာလုံးပေါင်းမရှိပါ။ သဲ မှာ ရေ၊ လေ စသည်တို့တိုက်စားသဖြင့် ဖြစ်ပေါ်လာသည့် ကျောက်အမှုန်အမွှား ဟု မြန်မာအဘိဓာန်တွင် ဖွင့်ဆိုထားပါသည်။ သည်း ကိုမူ ပြင်းထန်သည်။ လွန်ကဲသည် ဟု ဖေါ်ပြထားပါသည်။ မြန်မာစကားတွင် “ဒီမိုကရေစီရအောင် တိုက်ပွဲဝင်မဟဲ့ဆိုပြီး တောထဲကိုရောက် သွားကြတဲ့ ကျောင်း သားတွေ အချင်းချင်း ထောက်လှမ်းရေးလို့ စွပ်စွဲပြီး ရက်ရက်စက်စက် သတ်ဖြတ်ကြတယ်ဆိုတဲ့ သတင်းကိုကြားရတာ အသည်းနာစရာကောင်းလိုက်တာ။” “တော်တော် အသည်းမာတဲ့ကောင်။” “အသည်းကောင်းလို့ ပွဲတောင်းတယ်ပေါ့လေ။” စသည့်အသုံးမျိုးရှိရာ လူ့ခန္ဓာကိုယ်တွင်းရှိ အဓိကအင်္ဂါတစ်ခုဖြစ်သည့် အသည်း၏ စာလုံးပေါင်းတွင် “ပြင်းထန်သည်”ဆိုသည့် အဓိပ္ပာယ်ရသော “သည်း” ဟု ပေါင်း ထားလေသလား ဟူ၍ အတွေးပွား မိပါသည်။ ကျွန်တော် ရန်ကုန်ရောက်တာ နှစ်နှစ်ကျော် သုံးနှစ်နီးပါးသာရှိသေး သည်။ ရောက် ကတည်းက သတိထားမိ သည်မှာ စာရေးသူ အတော်များများ “အဲဒီ” ဆိုသည့် စကားလုံးကို “အဲ့ဒီ” ဟု အောက်မြစ်ထည့်ပြီး ရေးနေကြတာ တွေ့ရသည်။ “မှု” ကို လည်း မလိုအပ်ဘဲ အောက်မြစ်ထည့်၍ “မှု့” ဟုရေးနေကြသည်။ “အဲ့ဒီ” ဆိုသည့်အရေးအသားမျိုးကို ကျွန်တော် အခုမှတွေ့ဖူးခြင်းဖြစ် သည်။ အောက်မြစ် မလိုဟုထင်ပါသည်။ အောက်မြစ်ပါသော “အဲ့ဒီ” ဆိုသည့် အရေးအသားကို ဖတ်ရသည် မှာ ကျွန်တော့်အဖို့တော့ အစာကောက်သည့်ကြက် လျှာခင်ကပ်သလို တစ်မျိုးကြီး ခံစား ရသည်။ မှု ကတော့ရှင်းပါသည်။ သူ့ဘာသာ မဟထိုး တစ်ချောင်းငင် မှုပြီးသားကို ဘယ်လိုအတွေးပေါက်ပြီး အောက်မြစ် ထည့်လိုက်သည်မသိ။ အတော် အကြည့်ရ ဆိုးလှသည်။ အမှုတွင် အောက်မြစ်မလိုဘဲ အောက်မြစ်ထည့်ရေးတတ်သူအချို့မှာ အလှူ့ ရှင်နှင့်ရောထွေးစဉ်းစားမိပြီး အောက်မြစ် ထည့်ရေးမိကြလေသလားဟု အတွေး ပွားမိပါသည်။ အမှန်က အလှူ့ရှင် မှာပါသည့် အောက်မြစ် သည် ပိုင်ဆိုင် မှုကို ပြချင်၍ ထည့်ထားခြင်းဖြစ်ပါသည်။ အလှူရဲ့ပိုင်ရှင်ဆိုသည့် အဓိပ္ပာယ်ဖြစ်ပါသည်။ စာလုံးပေါင်းအကြောင်းပြောရာတွင် ရှေးမူကိုစံနမူနာယူရသလို ကြောင်းကျိုးဆီလျော်သည့် အသစ်တီထွင် ဖန်တီးမှုကိုလည်း မပစ်ပယ်သင့်ဟုမြင်ပါသည်။ ကြောင်းကျိုးဆီလျော်မှုမရှိဘဲ ရေးချင်သလို ရေးနေကြခြင်းမှာမူ ကိုယ့်ဘာသာစကားကို ကိုယ်ကိုယ်တိုင် ဖျက်ဆီးပစ်နေသည်နှင့်တူပါသည်။

Read More

တွေးမိတွေးရာမြန်မာစာ (၃)

မှား မှားနိုင်လွန်းတဲ့ စာလုံးပေါင်းတွေ စာရေးရာတွင် စာလုံးပါင်းမှားတတ်ပါသည်။ တစ်ခါတစ်ရံ အလွယ်လေးဟုထင်ပြီး ဇဝေဇ၀ါဖြစ်နေသော စာလုံးပေါင်းများ လည်း ရှိသည်။ တချို့စာလုံးပေါင်းကျတော့လည်း ကိုယ်က တစ်သက်လုံးအမှန်ထင်ပြီး ပေါင်းလာသည့် စာလုံးပေါင်းမှာ အဘိဓာန်နှင့် တိုက်ဆိုင်စစ်ဆေးကြည့်ပါမှ မှားမှန်းသိရတော့သည်။ မှားတာအပြစ်ကြီးတော့မဟုတ်ပါ။ လူတိုင်းမှားတတ်ပါသည်။ သို့သော် အမှားကိုသိလျှင် အမှန်ပြင်ရပါမည်။ ကိုယ့်အမျိုးသား စာပေ၊ စကားကို ကိုယ်ကမှတန်ဖိုးမထားလျှင် မည်သူကတန်ဖိုးထားမည်နည်း။ ကိုလိုနီခေတ်က မြန်မာစာဌာန ဖွင့်ပေးဖို့ တင်ပြခဲ့ သည့် ဆရာကြီး ဦးဖေမောင်တင်ကို မြန်မာစာဆိုတာရှိလို့လား ဟု အမေးခံရသည့် အကြောင်း ဆရာမ မလေးလုံရေးသည့် ဘသက်ရှည်စာအုပ်တွင် ဖတ်ခဲ့ရသည်။ မြန်မာစာပေမှမဟုတ်ပါ၊ ဘာသာစကားတိုင်းကို ကျွန်တော် တန်ဖိုးထားပါသည်။ ဘာသာစကားဆိုသည်မှာ လူ့ယဉ်ကျေးမှုကိုပြ သည့် တန်ဖိုးတစ်ခုပင်မဟုတ်ပါလား။ စာလုံးပေါင်းများကို မေ့တတ်လွန်း၍ အချို့ကို ကျွန်တော် အင်္ဂလိပ်လိုတွဲ၍ မှတ်ပါသည်။ ထိုသို့တွဲမှတ်ရာတွင် ကျွန်တော့်အတွက် ပိုမှတ်မိသလို ခံစားရသည်။ ကြိုက်လျှင်ယူနိုင် သလို မကြိုက်က ပယ်နိုင်ပါသည်။ ဥပမာ ပဲနှင့် ဘဲ စာလုံးပေါင်းဆိုပါတော့။ မြန်မာအဘိဓာန်တွင် ပဲ ကို ပဲ၊ စည်း-၁။ [အပြော] ရည်ညွှန်းသောပုဒ်ကို လေးနက်စေ သော စကားလုံး။ “လူပဲ။ နတ်ပဲ”။ ၂၊ ကြိယာ၏ အနက်ကို ကန့်သတ်လိုရာ၌ သုံးသောစကားလုံး။ “စားရုံပဲ စားသည်။” ဟု ပြပါသည်။ ဘဲ ကိုမူ ဘဲ၊ စည်း-ကြိယာ၏ အနက်ကို တားမြစ်လိုရာ၌ သုံးသောစကားလုံး။ “မသွားဘဲ။ မလာဘဲ။” ဟုပြပါသည်။ ကျွန်တော်ကတော့ ပဲ ကို သူပဲ၊ ငါပဲ၊ ကျွန်တော်တို့လည်းပဲ၊ သူတို့လည်း ပဲ၊ ကျော်ကျော် လည်းပဲ၊ စုစုလည်းပဲ၊ သူမှသူပဲ၊ ဒီလူမှ ဒီလူပဲ စသည့် အဓိပ္ပာယ် သက်ရောက်သည့် [only, too, as well, very] တို့နှင့်တွဲမှတ်ပြီး၊ မသွားဘဲ။ မလာဘဲ၊ မစားဘဲ၊ မရောက်ဘဲ စသည့် အဓိပ္ပာယ်ရသော ဘဲ ကိုမူ [without] နှင့် တွဲမှတ်ပါသည်။ ပဲ မှာ ပင်ဆိုသည့် အဓိပ္ပာယ်ပင်ဖြစ်ပါသည်။ ပဲနှင့် ဘဲကို တွဲမှတ်၍ကောင်းသော သီချင်းစာသားတစ်ခုမှာ အဆိုတော် ချမ်းချမ်း၏ “တကယ်ပဲလည်းနင်မချစ်ဘဲနဲ့၊ ညာပြီးတော့ လာချွဲမနေနဲ့” ဆိုသည့် သီချင်းစာသားပင် ဖြစ်ပါသည်။ ထို့အတူ ဖူးနှင့် ဘူးကိုမှတ်ရာတွင်လည်း ဖူး ကို လုပ်ဖူး၊ ကိုင်ဖူး၊ သွားဖူး၊ လာဖူး စသည့် အကျိုးသက်ရောက်မှု တစ်ခုခုကို ပြောလိုသည့် အဓိပ္ပာယ်ဖြစ်၍ အင်္ဂလိပ် [perfect tense] နှင့်တွဲမှတ်ပါသည်။ ဘူး ကား [negative] အဓိပ္ပာယ် ဖြစ်၍ ရှင်းပါသည်။ သို့သော် အင်္ဂလိပ်လိုတွဲ မှတ်လိုပါက [be not, have not, do not, auxiliary not] စသည်ဖြင့် တွဲမှတ်နိုင်ပါသေးသည်။ ဖူးနှင့် ဘူးကိုမှတ်ရာတွင် မြန်မာစာ အဖွဲ့က အကြိမ်ကြိမ်ထုတ်ဝေသည့် မြန်မာစာ၊ မြန်မာစကား စာအုပ် တွင်ပါရှိသော အဆိုတော် ချစ်ကောင်း၏ “ချစ်ဖူးတယ်၊ ချစ်ဖူးတယ်၊ အိုမလွယ်ဘူး ရူးနိုင်တယ်” ဆိုသည့် သီချင်းစာသားမှာ အလွန်မှတ်၍ကောင်းသော သီချင်းစာသားဖြစ်ပါသည်။ တစ်ဆက်တည်းပြောရလျှင် ကျွန်တော်အပါအ၀င် စာရေးသူ တော်တော်များများမှာ “ဘူးသီး” ကို “ဗူးသီး” ဟု မကြာခဏ စာလုံးပေါင်းမှား၍ ရေးလေ့ရှိသည်ထင်ပါသည်။ ဂျာနယ်တိုက်တစ်ခုတွင် ဘာသာပြန်လုပ်စဉ်က ဘကုန်းနှင့်ဘူးရမလား၊ ဗထက် ချိုင့်နှင့် ဗူးရမလား ဇဝေဇ၀ါဖြစ်နေစဉ် အတွေ့အကြုံရင့်ကျက်သော အဘ ဦးသန်းလှကို မေးရာ အဘက “ဗူးမမှုတ်နဲ့သမီးရယ်၊ ဖေဖေ့ကိုချစ်တယ်ဆို ကလွဲရင် အားလုံး ဘကုန်းနဲ့သာ ဘူး ပေတော့” ဟုပြောဖူးပါသည်။ အဘိဓာန်လှန်ကြည့်ရာ အဘပြော သလို ဗူး အသုံးမရှိကြောင်းတွေ့ရပါသည်။ လဲနှင့် လည်း မှာလည်း မကြာခဏ မှားယွင်းတတ်သော စကားလုံးများဖြစ်ပါသည်။ လဲ ကို ကျွန်တော်က အင်္ဂလိပ်လို [slip, fall, change, exchange, question mark] တို့နှင့်တွဲမှတ်ပါသည်။ ချော်လဲသည်။ လဲကျသည်။ အပြောင်းအလဲကို လူတိုင်း မျှော်လင့်နေကြသည်။ ပြောင်းလဲတတ်တဲ့မင်းကို။ ကုန်ပစ္စည်းချင်း လဲလှယ် သည်။ ဘယ်သွားမလို့လဲ။ ဘာစားမှာလဲ။ ဘယ်သူလဲ စသည့် အဓိပ္ပာယ်များ ပင်ဖြစ်သည်။ လည်းကိုမူ ပဲကဲ့သို့ [only, too, as well, also]စကားလုံးများဖြင့် လည်းကောင်း၊ သော်လည်း ဟု အဓိပ္ပာယ်ရသည့် [although, though, despite, in spite of] စသည့် စကားလုံးများဖြင့်လည်းကောင်း မှတ်ပါသည်။ ကျွန်တော်လည်း လိုက်ချင်တယ်။ ပုဂံကို လည်း ရောက်ခဲ့တယ်။ စာအုပ်လည်းရောင်းတယ်လေ။ တက်ရောက်လာသော အသင်းဝင်များကလည်း ကန့်ကွက်ကြပါသည်။ အမေရိကန်ကို ရောက်ဖူးချင်ပေမဲ့လည်း မတတ်နိုင်ပါဘူးကွာ။ ဖျားနေသော်လည်း စာကြည့်မပျက်ပေ။ မချစ်ရင်လည်းရပါတယ်။ မလာလည်းနေပေါ့။ လဲရော လည်းပါ နှစ်ခုစလုံးပါသည့် နမူနာဝါကျဖြင့် ဆိုရလျှင်- “ဘယ်တော့ပြန်လာမှာ လဲလို့မေးမနေပါနဲ့ကွာ။ ပြန်လာမယ် ပြောလည်း တကယ်ပြန်လာမှာမှ မဟုတ်တာ။ သူဘာ့ကြောင့်ထွက်သွားတယ်ဆိုတာ သူသိသလို ငါတို့လည်း သိနေကြတာပဲ။” အထက်စာပိုဒ်ပါ အလွန်အသံထွက်ရလွယ်ကူပြီး ပြေပြစ်လှသော “မေးမနေပါနဲ့” ဆိုသည့် အသုံးမျိုးကို အလွန်ထောင့်သည့် အသုံးအနှုန်းဖြင့် “မမေးနေပါနဲ့” ဟု ရေးသားနေကြသူများလည်းရှိပါသည်။ ပြန်မလာတော့ဘူး ဟူ၍သာရှိပါသည်။ မပြန်လာ တော့ဘူး ဆိုသည့်အသုံးမရှိပါ။ သို့သော် မပြောတတ်ဘူး၊ မလုပ်တတ်ဘူး ကိုမူ မြန်မာစကားတွင် ပြောမတတ်ဘူး၊ လုပ်မတတ် ဘူး ဟု ပြောထုံးမရှိပါ။ ဟထိုးမပါသည့် လျင်နှင့် ဟထိုးပါသည့် လျှင် အသုံးမှာလည်း မကြာခဏမှားတတ်သော စကားလုံးဖြစ်ပါသည်။ လျင်ကို အဘိဓာန်တွင် လျင်/လယင်၊လှင်/ကြိ-၁၊ မြန်သည်။ ၂၊ ပါးနပ်သွက်လက်သည်။ ကျင်လည်သည်။ ဟုဖေါ်ပြထားပြီး လျှင် ကို လျှင်/ လှယင်၊ ယင်/ သမ်- အကြောင်းအရာတစ်ခုသည် အခြားအကြောင်းအရာ တစ်ခုကို မှီ၍သာ လျှင်ဖြစ်မည့်အကြောင်း ဆက်စပ်ညွှန်ပြသော စကားလုံး။ “သူလာလျှင် ငါသွား မည်။ ပေးလျှင်ယူမည်။” /လှယင်/ စည်း- အရေအတွက်ကို အတိ အကျပြခြင်းဖြင့် လေးနက်စေသော စကားလုံး။ “တစ်ဦးလျှင် တစ်ခုစီယူပါ။” ဟုဖေါ်ပြထားပါသည်။ ကျွန်တော်ကတော့ အများနည်းတူ မေ့တတ်၍ ဟထိုးမပါသော လျင် ကို [rush, quick, fast] “အလျင်အမြန် လုပ်ကိုင် ဆောင်ရွက်သည်။” ဟုအလွယ်မှတ်ထားပြီး ကျန်အဓိပ္ပာယ်များဖြစ်သော ခြေလျင်တပ်ရင်း၊ အလျင်အမြန်၊ လျင်လိုက်သမှ လှစ်လှစ် ကလေး စသည်တို့ကို ဆင့်ပွားတွေးယူပါသည်။ ဟထိုးပါသည့် လျှင်ကို အလွယ်ဆုံး [if] နှင့်တွဲမှတ်ပါသည်။ အများသိပြီးသား [if, unless] ဆိုပါတော့။ ဘာဖြစ်လျှင်၊ ညာဖြစ် လျှင် ဆိုသည့်အဓိပ္ပာယ်ပေါ့။ မလုပ်သင့် တာကိုလုပ်လျှင် ဒုက္ခရောက်လိမ့်မည်။ သားသမီးတွေလိမ်မာလျှင် မိဘများစိတ်ချမ်း သာရသည်။ ပင်လယ်ထဲရောက်လျှင် လှိုင်းမူးတတ်သည်။ “ခြေလျင်တပ်ကို ၀င်လျှင် တောထဲသွားပြီး တောင်တက်ရမည်။” ဟထိုးမပါသည့်လျက် ကို အဘိဓာန်တွင် လျက်/ယက်/ကြိ- အရည်ပျစ်စသည်ကို လျှာဖြင့်တို့၍စားသည်။ လျက်/ လယက်၊ ယက်/သမ်-၁၊ ရှေ့ကြိယာနှင့် နောက်ကြိယာ တို့၏ အနက်ကို တစ်ပြိုင်နက်ဖြစ်ကြောင်း ပြသောစကားလုံး။ “မှောက်လျက် အိပ်သည်။” ၂၊ ရှေ့ဝါကျနှင့် နောက်ဝါကျကို ဆန့်ကျင်သောအနက်ဖြင့် ဆက်ပေးသော စကားလုံး။ “ဆုံးမပါလျက် နားမထောင်။” ဟုဖေါ်ပြထားပါသည်။ ဟထိုးပါသည့် လျှက် အသုံးကို မြန်မာအဘိဓာန်နှင့် သတ်ပုံကျမ်းတို့တွင် မတွေ့ရပါ။ ကျွန်တော်က ဟထိုးမပါသည့်လျက်ကို ကာ၊ ရင်း တို့တွင်သုံးသည့် တစ်ပြိုင်နက်ဖြစ်ပျက် မှုကိုပြသော စကားလုံးအဖြစ် အင်္ဂလိပ် စကားလုံး [v-ing, while, as,] တို့ဖြင့်လည်းကောင်း၊ သော်လည်းဆိုသည့် စကားလုံးကဲ့သို့ ဆန့်ကျင်ဘက် အနက်အဖြစ် သုံးသည့်စကားလုံးအဖြစ် [although, though, in spite of, despite, with] စသည့် စကားလုံးများဖြင့် လည်းကောင်း တွဲဖက်မှတ်သားပါသည်။ လျက်ကို တစ်ပြိုင်နက်ဖြစ်ကြောင်း ပြသောစကားလုံးအဖြစ် “သမီးလေးကိုပွေ့ပိုက်လျက် အပြေးလိုက် ရှာသည်။” “ကလေး ခါးထစ်ခွင်ချီလျက် ဈေးတောင်းခေါင်းပေါ်ရွက်ထား သည့် အမျိုးသမီး” “အမဲရိုးကိုခဲလျက် ပြေးထွက်သွားသောဂုတ်ကျား” “လယ်ကန်သင်း ရိုးဘေးတွင် မှောက်လျက်နေရာယူထားသော စစ်သားများ” စသည့် ပုဒ်စုများ၊ ၀ါကျ များတွင် အသုံးပြုသည်ကို တွေ့ရပါသည်။ ဆန့်ကျင်ဘက်အနက်အဖြစ် သုံးသည့်စကားလုံးအဖြစ် “ချစ်ပင်ချစ်လျက် အပြောခက်။” “ငွေလုံလုံ လောက်လောက်ရှိပါလျက် လိုချင်သည့် အရာကိုမ၀ယ်။” စသည့်ဝါကျများ တွင် အသုံးပြုလေ့ရှိပါသည်။ လျက်အသုံးနှင့်ပတ်သက်၍ ကျွန်တော်စိတ်တွင်စွဲနေသောဝါကျတစ်ကြောင်းမှာ သူ့ကျွန်မခံပြီ ရုပ်ရှင်ဇာတ်ကား ၏ ဇာတ်ဝင်ခန်း တစ်ခုတွင် လှေသင်းအတွင်းဝန် အဖြစ်သရုပ်ဆောင်သည့် (ဦး) ညွန့်ဝင်းပြောခဲ့သော “ခြေတွေလက်တွေ အကောင်း ပကတိ ရှိပါလျက်ကနဲ့ အသိဥာဏ်ပညာ ချို့တဲ့ညှိုးနွမ်းလို့ ငါတို့ခြေလက်တွေ ကျိုးကုန်ကြပြီကွ” ဆိုသည့် စကားဖြစ်ပါသည်။ နောက်ထပ်အမှားများသော အသုံးတစ်ခုမှာ လည်ရစ်မပါသော ဌ၀မ်းဘဲနှင့် လည်ရစ် ပါသော ဋ္ဌ၀မ်းဘဲ ဖြစ်သည်။ ကျွန်တော် ကတော့ “ရှေ့ဖြုတ်၊ နောက်ထည့်” ဟုမှတ်သား ထားပါသည်။ဌာန၊ ဌာနေ၊ ဌာပနာ၊ ဌာန်ကရိုဏ်း စသည့်စကားလုံးများတွင် လည်ရစ်မပါသော ဌ၀မ်း ဘဲကို ရှေ့ကထားသည်ကို တွေ့ရမည် ဖြစ်သည်။ ထိုသို့လည်ရစ်မပါသော ဌ၀မ်းဘဲ ကို သုံးသည့်အတွက် လည်ရစ်ဖြုတ်ထားသည့် သဘောဖြင့် “ရှေ့ဖြုတ်” ဟုမှတ်ထား ပါသည်။ ဆဋ္ဌမ၊ အဋ္ဌမ၊ ဥက္ကဋ္ဌ၊ ဒိဋ္ဌိ၊ ဓိဋ္ဌာန် တို့တွင်အသုံးပြုသည့် ဋ္ဌ၀မ်းဘဲတွင် လည်ရစ်ပါပါသည်။ ထိုသို့ အလယ်စာလုံး၊ နောက်စာလုံး များတွင် လည်ရစ်ပါသည့် ဋ္ဌ၀မ်းဘဲ အသုံးပြုသည် ကို အစွဲပြုပြီး “နောက်ထည့်” ဟု မှတ်သားထားပါသည်။ကျွန်တော့်မှတ်သားနည်းမှာ လူတိုင်းအတွက် အဆင်ပြေချင်မှပြေပါလိမ့်မည်။ သို့သော် ကျွန်တော်ကဲ့သို့ နီးစပ်ရာ သို့မဟုတ် မိမိ အားသန်ရာ တစ်ခုခုနှင့်တွဲဖက် မှတ်သားတတ် သည့် စာပေ၀ါသနာရှင်အချို့အတွက် အသုံးတည့်လျှင်မူ အကျိုးမယုတ် ဟုထင်ပါသည်။ မြန်မာစာ၊ မြန်မာစကား အသုံးပြုရာတွင် ယခုအချိန်ထိ အငြင်းပွားဖွယ်ရာ စကားလုံး တချို့တလေ ကျန်ပါသေးသည်။ လူတိုင်း ခြောက်ပစ်ကင်းသဲလဲစင် မဖြစ်နိုင်သော် လည်း တတ်နိုင်သမျှ စာလုံးပေါင်း၊ သတ်ပုံ သတ်ညွှန်း မမှားအောင် ရေးပါက ကိုယ်ရေး သည့်စာကို ဖတ်သည့် စာဖတ်သူအား လေးစားရာရောက်သည်ဟု မြင်ပါသည်။ “သပ်ပုန်ဒေ မှားလဲ အယေးမကျီးပါဗူးကွာ။ ဏားဠယ်ယင် ပျီးဒါဘာဘဲ။ ကိုယေးခြင် သလို ယေးဒေါ့ ဗာဖျစ်လဲ။” ဟုစောဒက တက်လာပါက အထွေအထူးပြောရန် မရှိပါ ခင်ဗျား။ စာပေ၊ ဘာသာစကားကို အလေးထားကြသူများ အတွက်သာ ဤဆောင်းပါး ကို ရေးခြင်းဖြစ်ပါသည်။ လွန်ခဲ့သည့် ဆယ့်လေးငါးနှစ်ခန့်က ဆရာမြင့်သန်း(သြစတေလျ) ဆောင်းပါး တစ်ပုဒ်တွင်ပြောခဲ့သည့် စကားကို သတိရမိပါသည်။ ဆရာပြောခဲ့သည့်စကားမှာ “စနစ်တကျ သင်ယူလေ့လာ ဆည်းပူးအပ်သော ပညာမှန်သမျှ လမ်းဘေးက ရွက်ကျပင်ပေါက် မဟုတ်။” ဟူ၏။ ပညာသည်သာ ကျွန်တော်တို့ ဘ၀ကို လမ်းပြပေးနိုင်သည့် မီးရှူးတန်ဆောင်မဟုတ်ပါလော။

Read More

တွေးမိတွေးရာ မြန်မာစာ (၂)

ချစ်စရာ့ သမိုင်းအမွေအနှစ် အသံများ ဘာသာစကားတိုင်း အသံပြောင်းလဲမှုရှိသည်ကို စာပေ၊ ဘာသာစကားစိတ်ဝင်စားသူတို့ သိထားပြီးသား ဖြစ်ပါသည်။ ထိုအသံပြောင်းလဲမှုတို့သည် စိတ်ဝင်စားစရာကောင်းသလို ချစ်စရာလည်းကောင်းပါသည်။ အသံပြောင်းလဲပုံများကို သဒ္ဒ ဗေဒ ပညာရှင်များက ပညာရပ်ရှုထောင့်က ချဉ်းကပ် တင်ပြလေ့ ရှိသော်လည်း လက်တွေ့ပြောဆိုနေကြသည့် ဘာသာစကားနယ်ပယ်ရှိ အသံပြောင်းလဲမှုအချို့မှာ ပညာရပ်နယ်ပယ်တွင် အက္ခရာတင်၍ မှတ်သားရန် မလွယ်ကူ ကြောင်း တွေ့ရပါလိမ့်မည်။ Pronunciation ကို မြန်မာလို အသံထွက်ဟုခေါ်ကြောင်း အများအသိဖြစ်သည်။ ဥပမာ play, eat, children, community စသည့် အင်္ဂလိပ်စာလုံးပေါင်းများအား မည်ကဲ့သို့ အသံထွက်ရမည်ကို အဘိဓာန်များတွင် phonetic symbol များ ဖြင့်ပြ ထားပါသည်။ မြန်မာစာလုံးပေါင်းများအတွက်လည်း မြန်မာအဘိဓာန်တွင် အသံထွက်နည်းကို ယှဉ်တွဲဖေါ်ပြ ထားပါသည်။ Accent ကိုလေသံ ဟုပြောရမည်ထင်သည်။ ဥပမာ ရန်ကုန်လေသံ၊ မန္တလေးလေသံ၊ မော်လမြိုင်လေသံ စသည်ဖြင့် ဒေသကိုလိုက်၍ ကွဲပြားခြားနားသော လေသံကိုဆိုလိုပါသည်။ Intonation မှာ လေယူလေသိမ်း အသံအတက်အကျဖြစ်သည်။ “ချစ်၊ ချစ်၊ ကိုဘနှစ်ရေ။ အချန်တန်တော့ သူ့အမေရင်ခွင်ထဲ ပက်ခနဲ ပြေးဝင်သွားမှာ။ အဲဒီအခါကျတော့ တစ်ခင်းလုံးကုန်တာတောင် တစ်စေ့ချိုတယ် ပြောမှာမဟုတ်ဘူး” ဆိုသည့် ၀ါကျကို ရွတ်ဆိုကြည့်ပါက Intonation အသံအတက်အကျ သဘောကိုရိပ်စားမိပါလိမ့်မည်။ မြန်မာစာပေချစ်မြတ်နိုးသူတစ်ယောက်အနေဖြင့် မြန်မာစကားသံပြောင်းလဲမှုအကြောင်းကို အနည်းငယ် ဆွေးနွေး လိုပါသည်။ International Phonetic Symbol များကိုစနစ်တကျလေ့လာခဲ့ဖူးခြင်းမရှိသဖြင့် စကားလုံးတစ်လုံး၏ အသံထွက်ကို မည်မျှ တိကျမှန်ကန်အောင် ညွှန်ပြနိုင်ခြင်း ရှိသည်ကို အကဲမဖြတ်နိုင်သော်လည်း မြန်မာအဘိဓာန်တွင် စကားလုံးများနှင့် အတူ ယှဉ်တွဲ ဖေါ်ပြထားသည့် အသံထွက်နည်းအချို့မှာ ပြင်ပတွင် မြန်မာလူမျိုးတို့ အမှန်တကယ်ထွက်သည့်အသံနှင့် ကွဲပြားခြားနား နေပါသည်။ ဤသို့ဆိုရခြင်းမှာ အပင်ပန်းခံပြီး အဘိဓာန်ပြုစုခဲ့သော ပညာရှင်များ၊ ဆရာကြီးများ ၏ စေတနာနှင့် ကြိုးစားအားထုတ်မှုများကို စော်ကားလိုသည့် အဂါရ၀စိတ်ဖြင့် ပြော ဆိုခြင်းမဟုတ်ကြောင်း ဦးစွာ မေတ္တာရပ်ခံလိုပါသည်။ အသံကို သင်္ကေတ တစ်ခုခုဖြင့် တစ်ထပ်တည်းတူအောင်ပြဆိုရေးသားရန် မလွယ်ဟု ထင်ပါသည်။ မိတ်ဆွေထားဝယ်သား များက ထားဝယ်စကားကို စာရေးပြရန် မလွယ် ကူကြောင်းပြောကြသည်။ ထားဝယ်စကား မှမဟုတ် မြန်မာစကားသံကိုလည်း စာဖြင့်အတိအကျရေးပြရန်မလွယ်ကူပါ။ အနီးစပ်ဆုံး မှန်းဆ၍ရအောင် သာ ရေးပြနေကြရခြင်းဖြစ်ပါသည်။ ဆိုလိုသည်မှာ အသံကို အသံ (နားအကြား) ဖြင့် သင်ယူခြင်းကသာ အနီးစပ်ဆုံး မှန်ကန်သောအသံကို ရနိုင်လိမ့်မည်ဟုထင်ပါသည်။ ဥပမာ၊ ပြည်ထောင်စု ကို မြန်မာအဘိဓာန်တွင် ပြည်ထောင်စု/ ပျီဒေါင်ဇု/န ဟုပြပါသည်။ သို့သော် မြန်မာစာကားသံ ပီပီသသရွတ်ဆိုတတ်သူတစ်ယောက်အနေနှင့် “ပျီဒေါင်ဇု” ဟုလည်းကောင်း စာရေးသားသည့် အတိုင်း “ပြည်ထောင်စု” ဟုလည်းကောင်း ထွက်လိမ့်မည်မဟုတ်ပါ။ မြန်မာလူမျိုးတစ်ယောက် အမှန်တကယ် ပီပီသသ ရွတ်ဆို သည့်အသံမှာ စာရေးပြရန် ခက်ပါသည်။ အဘိဓာန်တွင် ပြဆိုသည့်အတိုင်း အလယ် စာလုံးကို ဒေါင် ဟုမထွက်ပါ။ ရကောက် နှင့် ဒဒွေး ရောမွှေထားသည့် အသံဖြစ်ပြီး ရကောက်ဘက်ကို အသံပိုယိုင်သည်ဟု ထင်ပါသည်။ ထို့အတူ အိမ်တွင်းရေး၊ အိမ်ထောင်၊ တို့တွင်လည်း အဘိဓာန် က ပြသည့် အတိုင်း အိန်ဒွင်းယေး၊ အိန်ဒေါင် ဟုမထွက်ဘဲ အလယ်စာလုံးများဖြစ်သော ဒွင်း နှင့် ဒေါင်တို့ကို နငယ်နှင့် ဒဒွေး ရောထားသည့် အသံမျိုးဖြင့်သာထွက်ပါသည်။ ယင်းကဲ့သို့ပင် မသိဘူးဆိုသည့်မြန်မာစကားသံကို စကားပီသစွာပြော တတ် သည့် မြန်မာစစ်စစ်တစ်ယောက်က မသိဘူး ဟုမပြာ ဘဲ နောက်ဆုံးစကားလုံး “ဘူး” ကို “၀” သံ ပီပီသသမဟုတ်သည့် “၀ူး” နှင့်ခပ်ဆင်ဆင် အသံမျိုးဖြင့်သာ ပြောလေ့ရှိပါသည်။ တစ်ခါတစ်ရံ ရွဲ့ပြီးပြောသည့် အခါမျိုးတွင်ကျမှ မ…သိ…ဘူး…ဟု တစ်လုံးချင်း ပီပီသသပြောဆိုတတ်ပါသည်။ အစ်ကိုကြီး၊ အစ်မကြီး တို့ကိုလည်း အကိုဂျီး၊ အမဂျီး ဟု မထွက်ပါ။ အကိုရီး၊ အမရီး ဟုသာ အသံထွက်ပြောဆိုလေ့ရှိပါသည်။ ပြဿနာမရှိ ပြဿနာရှာနေခြင်းမဟုတ်ပါ၊ အသံကိုအသံဖြင့်သာ သင်ယူခြင်းက ပိုမို နီးစပ်ဖွယ်ရှိကြောင်း ပြောလိုခြင်းဖြစ်ပါသည်။ မိတ်ဆွေ ကရင်အမျိုးသမီးတစ်ယောက်က အစ်ကိုတို့ အညာသားတွေ စကားပြော လိုက်ရင် “မကျန်း၊ မာကျန်းနဲ့” အမြဲပါတာပဲ ဟုပြောပါသည်။ ကျွန်တော်က မရှင်း ၍မေးကြည့်ရာ သူက “အကိုတို့ အညာသားတွေ စကားပြောခါနီးကျရင် ဒီမှာကြည့်စမ်း ဆိုတဲ့စကားကို အမြန်ပြောတဲ့အခါ ကျွန်မတို့နားထဲမှာ မာကျန်း၊ မာကျန်း လို့ပဲကြား တယ်” ဟု ပြောပြပါသည်။ မှန်ပါသည် သူပြောမှ သတိထားကြည့်မိသောအခါ ဒီမှာကြည့်စမ်း ဆိုသည့်စကားကို အမြန်ပြောသောအခါ မာကျန်း ဟု အသံထွက် သွားသည်ကို သတိထားမိလိုက်သည်။ အင်္ဂလိပ်စကား အမြန်ပြောဆိုရာတွင် ပထမအတွဲရှိနောက်ဆုံးစာလုံးသည် consonant (ဗျည်း) ဖြစ်ပြီး ဒုတိယ အတွဲ၏ ရှေ့စာလုံးသည် vowel (သရ) ဖြစ်နေပါက ပထမ အတွဲ ရှိ အဆုံးဗျည်းသံသည် ဒုတိယတွဲရှေ့စာလုံးဖြစ်သော သရသံကို ဖုံးသွားသကဲ့ သို့ပင်ဖြစ်ပါသည်။ Look at, put up, shut up, Middle East, British Airways, all of us, I’m afraid of something အစရှိသည့် စကားလုံးများတွင် ထိုကဲ့သို့ အသံပြောင်းသွားသည့် နမူနာမျိုးကို တွေ့ရမည်ဖြစ်သည်။ မြန်မာဘာသာစကားတွင်လည်း ထိုကဲ့သို့ အသံပြောင်းလဲမှုများရှိပါသည်။ ဘာသာဗေဒ ပညာရှင် ဆရာ မောင်သာနိုးကတော့ စကားသံတစ်ခုနှင့်တစ်ခု ဆက်တိုက်ရွတ်ဆိုသည့် အခါ ပြောင်းလဲမှုဖြစ်ပေါ်သည့် သဘောကို သက္ကတသဒ္ဒါတွင် သန္ဓိ ဟု ခေါ် ကြောင်း၊ အသံတစ်သံကို ရွတ်ဆိုလိုက်ပြီးနောက် စဉ်းငယ် ရပ်တန့်နေပြီး မှ နောက်တစ်သံဆက် ရွတ်ခြင်းကို အပွင့်စပ် ဟုခေါ်ကြောင်း၊ အနည်းငယ်မျှ ရပ်တန့်ခြင်းမရှိဘဲ ဆက်တိုက်ရွတ် ဆိုသကဲ့သို့ ရွတ်ဆိုခြင်းကို အပိတ်စပ် ဟုခေါ်ကြောင်း၊ အသံ တစ်သံနှင့်တစ်သံကြား အပွင့်စပ် ရှိနေပါက အသံပြောင်းလှဲမှုမဖြစ်ဘဲ အပိတ်စပ်ရှိနေမှသာလျှင် အသံပြောင်း လဲမှုဖြစ် ပေါ်ကြောင်း “မြန်မာ့စကားနှင့်စာပေ” စာအုပ်တွင်ရှင်းပြထားပါသည်။ စကားသံအပြောင်းအလဲနှင့် ပတ်သက်၍ ကရင်တိုင်းသားမိတ်ဆွေတစ်ဦးက “မြန်မာ စကားသံ အပြောင်း အလဲကို ကြည့်ရတာ မြန်မာတွေဟာ အသံထွက်ကိုထွက်ရ လွယ်ကူအောင် ပြောင်းပြီးထွက်ကြပုံ ရတယ်” ဟုပြောပါသည်။ ကျွန်တော်ကတော့ သူ့အဆိုကိုထောက်ခံပါသည်။ ကျွန်တော်တို့၏ ဘိုး၊ဘေး၊ဘီ၊ ဘင် ရှေးမြန်မာကြီးများသည် အသံထွက်တော်တော်များများကို စာရေးသည့် အတိုင်း မထွက်ပဲ အလွန်ထွက်ရလွယ်ကူပြီး နားဝင်ချိုအောင် အပတ်တကုတ်ကြိုးစား တီထွင်ပြီး ဖေါ်ထုတ်ပေး ခဲ့ကြသည်။ ဗမာ မဟုတ်သည့် အခြားတိုင်းရင်းသားများ စကားဝဲကြသည်မှာ နားထောင်ကောင်းသော်လည်း ဗမာစစ်စစ်က မြန်မာစကားကို ပီသအောင် မပြောတတ်၊ မပြောနိုင်ခြင်းမှာ ဂုဏ်ယူစရာမဟုတ်ပါ။ ဤနေရာတွင်(Dialect) ခေါ် အသွင်ကွဲပြား မြန်မာစကားဖြစ်သည့် ထားဝယ်၊ မြိတ်၊ ယော၊ ဓနု အစရှိ သည့် ဒေသိယ စကားကိုပြောဆိုနေကြသည့် မြန်မာတိုင်းရင်းသားများ၏ စကားသံဝဲခြင်းကို မဆိုလိုပါ။ တိုင်းရင်းသူ အဆိုတော်လေး အယ်(လ်)ဆိုင်းဇီ က “မိုးရေထဲမှာ အချစ်ရယ် ခဏလေး တွေ့လိုက်မိတိုင်း” ဆိုသည့် သီချင်း စာသားကို စကားသံ ၀ဲဝဲဖြင့် သီဆိုထား သည်မှာ အလွန်နားထောင်၍ ကောင်းသော်လည်း ရုပ်သံအဆိုပြိုင်ပွဲတစ်ခုတွင် အညာ သူမ မြန်မာစစ်စစ် တစ်ယောက်က အယ်(လ်)ဆိုင်းဇီကိုတုပပြီး မတူတူအောင် အတင်း လိုက်ဝဲနေသည်မှာ အကြည့်ရ ဆိုးလှသည်။ အမေရှိသည့် အညာကို ခေတ္တပြန်ရင်း စားနေကျကွမ်းယာဆိုင်က ဆိုင်ရှင်ကို နာမည် ဘယ်လိုခေါ်သလဲဟု မေးကြည့်ရာ “ကိုသိန်းတန်” ဟု စာရေးသည့်အသံ အတိုင်းဖြေ သည်။ သူ့အသံထွက်က ကျွန်တော့်နားထဲ ထော်လော်ကန့်လန့်ကြီး ၀င်လာ သည်။ ပဲခူးတိုင်းရွှေတောင်မြို့ကိုရောက်စဉ်က မြို့ခံတွေက သူတို့မြို့ကို စာရေးသည့်အတိုင်း အသံထွက်ပြီး ပြောနေကြတာ ကြားရသည်။ တစ်ခါက စိန်သွေးပါသည့် လူငယ်တစ်ယောက် ဇာတိမာန် သီချင်းကို စပ်ဖြဲဖြဲမျက်နှာဖြင့် မပီ့တပီ သီဆိုနေပုံကို မြန်မာ့အသံက ထုတ်လွှင့်စဉ် ကြည့်လိုက်ရရာ အတော်စိတ်ပျက်မိ သည်။ ဃောသသံ၊ အဃောသသံ မမှန်ဘဲ အဆင်ပြေသလိုဆိုနေသည့် ဇာတိမာန် သီချင်းမှာ စိတ်ဓာတ်တက်ကြွပြီး ဇာတိမာန်တွေထက်သန်လာဖို့ဝေးစွ သီချင်းဆုံးအောင် အတော့်ကို သည်းခံ နားထောင်လိုက်ရသည်။ ကျွန်တော် ယခုပြောဆိုနေသည့် စကားသံမပီခြင်းဆိုသည်မှာ ဥပမာ တောင်တွင်းကြီး နယ်ဘက် ရွာအချို့မှ အညာသားများ တ နှင့် သ မကွဲခြင်းမျိုး ( ဘူးတီးနဲ့ ၀က်တား ချက်တာ တိုးလို့ တံမံတလင်းပေါ် တွန်ပစ်လိုက်ရတယ်။)၊ ပျဉ်းမနား၊ ကျည်တောင်ကန် ဘက်မှ စ/ဆ အသံကို သသံနှင့် ပြောဆိုခြင်းမျိုး ( အမြဲသပ်သု တဲ့ကောင် အခု သသုံး လုံးက ခေါ်သစ်နေတယ်။)၊ ရမည်းသင်း နယ်အချို့က ခသံကို ယ/ရ သံဖြင့်ပြောခြင်းမျိုး (ရှုံပုတ်တွေ ရှုပ်နေတော့ ရှင်တွေအရမ်းပေါတယ်။)၊ ကျွန်တော့်ဖခင်ဇာ တိ မြင်းခြံ၊ တောင်သာနယ်အချို့က အညာသူ အညာသားများ တ သံကို သ သံနှင့် ပြောခြင်းမျိုး ( ဟုတ်သယ် ဆရာမရဲ့၊ သူ့အစ်ကိုက အရမ်းအလုပ်များ သာ)၊ မော်လမြိုင်နယ်ဘက်နှင့် မြိတ်နယ်ဘက်က လူအချို့ ယ/ရ သံကို စ/ဆ သံဖြင့် ပြောခြင်းမျိုး (ဆင်နော် ဆင် ဆုပ်ဆုပ်စက်ဆက် မလုပ်နဲ့၊ ဆင့်လမ်းဆင်သွား။) စသည့် ဒေသသံဝဲနေခြင်းကို ဆိုလိုသည်မဟုတ်ပါ။ မြန်မာစကားကို ပီပီ သသ ပြောနိုင်ပါလျက် ကနဲ့ ဖြစ်သလို၊ ကြုံသလို ပြောဆိုနေကြသည့် အလေးမထားမှုကို ဆိုလိုခြင်း ဖြစ်ပါသည်။ မြန်မာစကားမပီတော့ ဘာဖြစ်သလဲဟုငေါ့လာလျှင် ဘာမှမဖြစ်ပါ၊ အလုပ်ဖြစ်ရုံပြော တတ်လျှင်လည်းရပါသည် ဟုသာဖြေလို ပါသည်။ သို့သော် မြန်မာသံသီချင်း သီဆို လျှင်လည်းကောင်း၊ မြန်မာလူထုကို မိန့်ခွန်းပြောလျှင် သော်လည်းကောင်း မြန်မာလို ပီပီ သသ ဆိုနိုင်၊ ပြောနိုင်လျှင် အတိုင်းအတာတစ်ခုအထိ ပို၍အကျိုး သက်ရောက်မှုရှိမည် မှာ မလွဲဟုဆိုချင်ပါသည်။ တစ်ခါကမြန်မာပြည်ဖွား အိန္ဒိယအမျိုးသားလူငယ်တစ်ယောက် ကိုမြကြီး၏ မိုး သီချင်းနှင့် အဆိုပြိုင်ပွဲတစ်ခုမှာ ပထမရသွားတာ ကြည့်ဖူးသည်။ သူ့ပင်ကို သံနှင့် မြန်မာသံသီချင်းကို မြန်မာတွေငေးယူရလောက်အောင် သီဆို သွားခဲ့ သည်မှာ လေးစားအားကျ ဖွယ် ကောင်းလှသည်။ မပီကလာ ပီကလာနှင့် မြန်မာ သံသီချင်း သီဆိုနေသူများ အတုယူဖွယ်ကောင်းလှသည်။ အသံတွေက ချစ်စရာကောင်းပါသည်။ ထိုချစ်စရာကောင်းသော အသံတွေကို ကရော်ကမည် နမော်နမဲ့နှင့် မတော်မတည့်တွေ ပြောဆိုပြီး မဖျက်ဆီးပစ်လိုက်သင့်ပါ။ တက္ကသိုလ်ဝင်တန်းအတွက်ပြဌာန်းထားသည့် ကဗျာ စာအုပ်ထဲမှကဗျာများကို မြန်မာသံ ပီပီ သသနှင့် ရွတ်ဆိုကြည့်ပါက အလွန်နားထောင်ကောင်းသည်ကို တွေ့ရပါလိမ့်မည်။ အကြောင်းကြောင်းကြောင့် စကားမပီသူများကို ပျက်ရယ်ပြုပြောဆိုလို၍မဟုတ်ပါ။ ပီအောင်ပြောနိုင်ပါလျှက် ဖြစ်ကတတ်ဆန်း ပြောဆိုနေကြသည့် အသံများကို နားကလော၍သာ ပြောနေရခြင်းဖြစ်ပါသည်။ တိုင်းပြည်တစ်ပြည်ထူထောင်နိုင်အောင် ကျွန်တော်တို့၏ ဘိုး၊ ဘေး၊ ဘီ၊ ဘင်များ အသက်၊ သွေး၊ ချွေး မြောက်များစွာပေး ခဲ့ရသည်။ ဒီကနေ့ ကျွန်တော်တို့ ပြောဆိုနေသော စကားလုံးများတွင် ပါဝင်သည့် အက္ခရာ တစ်လုံးတိုင်း တစ်လုံးတိုင်းသည် ကျွန်တော်တို့ ဘိုး၊ ဘေး၊ ဘီ၊ ဘင်များ ထားရစ်ခဲ့သည့် သမိုင်း အမွေအနှစ်များပင်ဖြစ်ပါသည်။

Read More

တွေးမိတွေးရာမြန်မာစာ (၁)

တ၊ နှစ်၊ သုံး၊ လေး ရဲကျော်သူရ လူမျိုးတစ်မျိုး၏ဘာသာစကားဟူသည် အချိန်ရေစီးနှင့်အတူ ပြောင်းလဲနေပါသည်။ ကျွန်တော်တို့ မိခင် ဘာသာ မြန်မာစာမှမဟုတ် တစ်ကမ္ဘာလုံးရှိ ဘာသာစကားများ သူ့ခေတ်နှင့်သူ ပြောင်းလဲလာကြသည် သာ ဖြစ်သည်။ မြန်မာစာ သတ်ပုံသတ်ညွှန်း ကိစ္စတွင် ပြဿနာအရှာခံရဆုံး စကားလုံးမှာ စသတ်ပါသည့် “တစ်” နှင့် စသတ်မပါသည့် “တ” ဖြစ်သည်။ ထိုစာလုံးပေါင်း အငြင်းပွားမှုမှာ နိုင်ငံရေးပယောဂ မကင်းဟု မြင်ပါသည်။ စသတ်ပါသည့် “တစ်” ကို ယခင် မြန်မာ့ဆိုရှယ်လစ်လမ်းစဉ်ပါတီ ဥက္ကဋ္ဌဟောင်း ဦးနေ၀င်းက ထိုကဲ့သို့ ရေးသား ရမည်ဟု အမိန့်ပေးခဲ့သဖြင့် ရေးခဲ့ရခြင်းဖြစ်ပြီး အဆိုပါရေးထုံးမှာ ရှေးစာပေများတွင် မရှိသဖြင့် မှားယွင်းကြောင်း ဆောင်းပါးရှင် အချို့က ဆိုကြသည်။ အချို့ကလည်း ဦးနေဝင်းပြောသည့်အတိုင်းဆိုလျှင် ဂန္ထ၀င်စာများကို “တစ်ပေလျဉ်း လျဉ်း၊ တစ်ညှင်းဆိုးဆိုး၊ တစ်ညှိုး လျလျ၊ တစ်တတလွမ်း” စသည်ဖြင့် တ၀မ်းပူ စသတ်ဖြင့်ရေးရမည်လောဟု ရွဲ့ကြသည်။ ရှေးစာပေများတွင် “တစ်” ဟုမသုံးဘဲ စသတ်မပါသည့် “တ” ကိုသာသုံးကြောင်း ကျမ်းကြီး၊ ကျမ်းခိုင် အကိုးအကားများဖြင့် စသတ်ပါသည့် “တစ်” ကို ထိုးနှက်ကြလေသည်။ ဦးနေ၀င်းက စသတ်ပါသည့် “တစ်” ကို သုံးရမည် သို့မဟုတ် သုံးသင့်သည် ဟု ပြောဆိုခဲ့ခြင်းမှာ နေရာတကာ “တစ်” ကို သုံးရမည်ဟု ဆိုလိုခြင်း မဟုတ်တန်ရာ။ ဂဏန်း ၁ ကို စာဖြင့်ရေးသားသည့်အခါကျမှသာ စသတ်ပါသည့် “တစ်” ကို သုံးရမည်ကြောင်း လမ်းညွှန်ခဲ့သည်ဟု ကြားဖူးပါသည်။ တွေ့သမျှ တဝမ်းပူကို စသတ်ရမည်ဟုတော့ ဦးနေဝင်း မမှာခဲ့တန်ရာဟုယူဆရပါသည်။ သတ်ပုံ သတ်ညွှန်း အလေးမထားသူတို့က နေရာတကာ စသတ် “တစ်” ကို သုံးလာ ကြသည့်အတွက် မျက်စိစပါးမွှေးစူးစရာ ဖြစ်လာခဲ့ခြင်းဖြစ်ပါသည်။ မြန်မာစာကို အလေးထားရေးသားသူတို့အဖို့မှာမူ စသတ်ပါသည့် “တစ်”နှင့် စသတ်မပါသော “တ” တို့ကို သူ့နေရာနှင့် သူ မှန်အောင်သုံးနိုင်လိမ့်မည်ဟုယူဆပါသည်။ဦးနေ၀င်းက အမိန့်ပေးခဲ့သဖြင့် ဂဏန်း ၁ ကို ကိုယ်စားပြုသည့် စကားလုံးတွင် စသတ်ပါသော “တစ်” ကို အသုံး မပြု လိုပါက “တစ်၊ နှစ်၊ သုံး၊ လေး” ကို “တ၊ နှစ်၊ သုံး၊ လေး” ဟုရေးရန်သာရှိပါတော့သည်။ ရှေးက “ဖခင်၊ အဖေ၊ ဖေဖေ” တို့ကို “ဘခင်၊ အဘေ၊ ဘေဘေ” ဟူ၍လည်းကောင်း “ဓား” ကို “ထား” ဟူ၍လည်း ကောင်း စသည်ဖြင့်ရေးသားကြပါသည်။ ယခုမည်သူမှ ထိုကဲ့သို့ သုံးနှုန်းရေးသားခြင်း မရှိတော့ပါ။ ခေတ်နှင့် မလျော် ညီတော့ သည့် ရေးထုံး များကို ကြောင်းကျိုးဆီလျော်က ပြင်ဆင်သုံစွဲကြစမြဲဖြစ်ပါသည်။ မြန်မာစာကို စိတ်ဝင်စားပြီးချစ်မြတ်နိုးသူတစ်ယောက်အဖို့ “တစ်ကျောင်း တစ်ဂါထာ၊ တစ်ရွာ တစ်ပုဒ်ဆန်း” ကဲ့သို့ ဂဏန်း ၁ ကို ကိုယ်စားပြုရေးသားရမည့်နေရာ၌ စသတ်မ ထည့်ဘဲ “တကျောင်း တဂါထာ၊ တရွာ တပုဒ်ဆန်း” ဟု ရေးသားမည်မဟုတ်သလို “တတွတ်တွတ်၊ တထောင်းထောင်း၊ တစွတ်စွတ်၊ တဖျစ်တောက်တောက်၊ တရိပ်ရိပ်” တို့ကဲ့သို့ ဂဏန်းတစ်ကို ကိုယ်စားမပြုသည့် နေရာများတွင်လည်း “တစ်တွတ်တွတ်၊ တစ်ထောင်းထောင်း၊ တစ်စွတ်စွတ်၊ တစ်ဖျစ်တောက်တောက်၊ တစ်ရိပ်ရိပ်” ဟူ၍ ရေးသားလိမ့်မည်မဟုတ်ပါ။ မြန်မာစာကို အလေးမထား သူတို့ ကြုံသလို ရေးချင်ရာရေးနေကြ၍သာ အရုပ်ဆိုးနေခြင်းဖြစ်ပါသည်။ သတ်ပုံ သတ်ညွှန်းဆိုသည်မှာ မှားတတ်ပါသည်။ သို့သော် အမှားကြီးနှင့် အမှားလေးတော့ ရှိပါလိမ့်မည်။ “ပသတ်” နှင့် ထုပ်မှာလား “တသတ်” နှင့် ထုတ်မှာလား ဆိုသည်မှာ ဇဝေဇ၀ါ ဖြစ်နိုင်သော်လည်း “စာသင်ကျောင်း” ကို တော်တန်ရုံ စာတတ်သူတစ်ယောက် အနေဖြင့် “စာသင်ကြောင်း” ဟု ရေးလိမ့်မည်မဟုတ်ပါ။ မြန်မာစာ အရေးအသားတွင် အနာဂတ်ကာလကို ရည်ညွှန်းသည့် “မည်” (သွားမည်၊ စားမည်၊ လာမည်) ကို အပြော စကားတွင် “မယ်” ဟုရေးသားသုံးနှုန်းသော်လည်း “မည်”့ အစား “မယ့်” ဟုမသုံးဘဲ ရှေးကရေးထုံးအတိုင်း “မဲ”့ ကိုသာ ရေးသားသုံးနှုန်းကြ သည်ကို တွေ့ရပါသည်။ ကျွန်တော် အပါအ၀င် စာရေးသူအချို့ကတော့ “မည်”့ အစား “မဲ”့ ကိုမသုံးဘဲ “မယ့်” ကိုသာ ရေးသားသုံးစွဲလေ့ရှိပါသည်။ မြန်မာအဘိဓာန်တွင် မဲ့ ကို “န၀ိ- မရှိသော၊ ကြိ- ၁၊ ပါးစပ်ကို တွန့်ရွဲ့သည်။ ၂၊ ပါးစပ်ကို တွန့်ရွဲ့၍ မကြည်သာသည့် သဘောကိုပြသည်။” ဟူ၍သာ တွေ့ရပြီး အနာဂတ်ကာလကို ရည်ညွှန်းသည့် အဓိပ္ပါယ်မတွေ့ရပါ။ မယ် ကိုမူ “န-၁၊ အမိ။ မိခင်။ ၂၊ ချစ်မြတ်နိုးသူ အမျိုးသမီးကို အမျိုးသားက ခေါ်သောအမည်။ ၃၊ မယ်ဘွဲ့ရသော အမျိုးသမီး။ နစ- ငယ်ရွယ်သူမိန်းမကို ရည်ညွှန်းသော စကား။ စည်း- ငယ်ရွယ်သူမိန်းမ၏ အမည်ရှေ့တပ်စကားလုံး။ ၀ိ- [အပြော] အနာဂတ်ကာလပြ စကားလုံး။ မည်။” ဟုဖေါ်ပြထားသည်ကို တွေ့ရသည်။ မယ့် ကိုမတွေ့ရပါ။ စီးပွာရေးနှင့် ကူးသန်းရောင်းဝယ်ရေးဝန်ကြီးဌာနက ထုတ်ဝေသည့် မြန်မာစာ လုံး ပေါင်းသတ်ပုံကျမ်း နှင့် ခွဲထားတွင်မူ “မဲ့ ကို မဲ့ပြုံးပြုံး၊ မဲ့ရွဲ့ ဟူ၍လည်းကောင်း မယ် ကို မယ်ညိုငှက်၊ မယ်ဒလင်၊ မယ်ဘွဲ့ မောင်ဘွဲ့၊ မယ်သီလ” ဟူ၍ လည်းကောင်း ဖေါ်ပြထားသည်ကို တွေ့ရပါသည်။ “မယ့်” ကိုမူမတွေ့ရပါ။ ကျွန်တော့်အနေဖြင့် “မည့်” ကို အပြောစကားအဖြစ်ပြန်လည်ရေးသားရာတွင် “မဲ့” ဟု မသုံးဘဲ “မယ်”့ ဟူ၍ သုံးနှုန်း ရသည့် အကြောင်းရှိပါသည်။ အနာဂတ်ကာလ အပြော စကား အသုံးအတွက် “မဲ့” ဟုသုံးပါက [without ၊ lack ၊ inability] စသည့် အဓိပ္ပာယ် ပေါက် နေသယောင်ယောင် ခံစားရပါသည်။ ဥပမာ- The donors will visit the project area soon. အလှူရှင်တွေ မကြာခင် စီမံချက်ဒေသကို သွားကြ လိမ့်မယ်။ ဆိုသည့် Sentence တွင် “will” သည် “မည် သို့မဟုတ် မယ်” ဖြစ်ပါသည်။ တစ်နည်းအားဖြင့် will visit သည် သွားမည်၊ သွားမယ် ပင်ဖြစ်ပါသည်။ The donors who will visit the project area soon are preparing for their trip. မကြာခင် စီမံချက်ဒေသကို သွားမယ့်အလှူရှင်တွေ သူတို့ခရီးစဉ်အ တွက် ပြင်ဆင်နေ ကြတယ်။ ဆိုသည့် Sentence တွင် who will သည် “မည့် သို့မဟုတ် မယ့်” ဖြစ်ပါသည်။ တစ်နည်းအားဖြင့် who will visit သည် သွားမည့်၊ သွားမယ့် ပင်ဖြစ်ပါသည်။ The donors who will visit the project area soon သည် မကြာခင် စီမံချက်ဒေသကို သွားမယ့် အလှူရှင်တွေ ပင်ဖြစ်ပါ သည်။ ယင်းကဲ့သို့ အနာဂတ်ကာလ အဓိပ္ပာယ်ဖြင့် သုံးနှုန်းသည့်နေရာတွင် အပြောစကား၌ “မဲ့” အစား “မယ့်” ကိုသုံးရ သည်မှာ ပို၍ စီးစီးပိုင်ပိုင်ရှိလှသည်ဟု ခံစားမိပါသည်။ မည်သူစတင်သုံးနှုန်းခဲ့သည်ကို မသိသော်လည်း ယခုအခါ “မယ့်” အသုံးကို တွင်တွင်ကျယ်ကျယ်သုံးနေကြသည်ကို တွေ့ရပါသည်။ အချို့ကလည်း ရှေးထုံးဖြစ်သည့် “မဲ့” ကိုသာ ဆက်လက်သုံးစွဲနေကြဆဲဖြစ်သည်။ ဘာသာစကားတိုင်း အချိန်နှင့်အမျှ ပြောင်းလဲတတ်သည့် သဘာဝရှိပါ သည်။ ပြောင်းလဲ ရသည့် အကြောင်းရင်း များရှိပါလိမ့်မည်။ ထိုသို့ပြောင်းလဲရာတွင် အများကလိုလိုလား လား လက်ခံသုံးစွဲ လာကြသည့် အခါ လူထုသုံး စကား လုံးများဖြစ်လာပါသည်။ အနုပညာ ဟူသည့်စကားလုံးကို ဆရာဒဂုန်တာရာ စတင်သုံးစွဲခဲ့သည်ဟု ကြားဖူး မှတ်ဖူးပါသည်။ ယခု လေးနက် ခိုင်ခန့်သော လူထုသုံး မြန်မာစကားလုံး ဖြစ်နေ ပြီ။ ရွှေအိုရောင် ဟူသည့်စကားလုံးမှာကား စာပေ၀ါသနာရှင် များကြားတွင်သာ အသိများပြီး လူထုသုံးစကားလုံးမဖြစ်ခဲ့။ ရုပ်မြင်သံကြား ဆိုသည့် စကားလုံး ကို မြန်မာ့အသံမှ ပညာ ရှင် အရာရှိကြီးတစ်ဦးက စတင်တီထွင်သုံးစွဲခဲ့သည်ဟု ကြားဖူးသည်။ ထိုစကားလုံးလည်း ယခုအခါ လူထုသုံး စကား ဖြစ်နေပြီ ဖြစ်သည်။ စကားလုံးတစ်လုံး လူထုသုံးစကားလုံး ဖြစ်ဖို့ဆိုသည်မှာ ယင်းစကားလုံးကို စတင်တီထွင် သုံးစွဲသူ၏ လူထုအပေါ် သြဇာသက်ရောက်မှုကလည်း အခရာကျသည်ဟုမြင်ပါသည်။ အနှစ် ၅၀ နီးပါးနေလာသည့် သက်တမ်းတစ်လျှောက် ဘန်းစကား အမျိုးမျိုးကို ကြားခဲ့ရသော်လည်း ထိုဘန်းစကား တို့မှာ လူထုသုံးစကားလုံးဖြစ်မလာခဲ့။ စကားလုံးတစ်လုံး တီထွင်သုံးစွဲသူတိုင်းတွင် မိမိတို့ဘာသာစကား ဖွံ့ဖြိုးတိုးတက်ရေးအတွက် စေတနာ တစ်ခုခု ပါမည် ဟု ကျွန်တော်ယုံကြည်ပါသည်။ ထိုစေတနာသည် မှန်ကန်သော စေတနာ ဖြစ်ဖို့သာ လိုပါသည်။ “ဆီးသီး ကို ဇီးသီး လို့အသံထွက်နေတာပဲ၊ ဒါ့ကြောင့် ဇီးသီး လို့ပဲရေးမယ်ကွာ၊ ချင်းတက် ကို ဂျင်းတက်လို့ ပြောနေ ကြတာပဲ၊ ဂျင်းတက်လို့ပဲရေးမယ်” ဆိုတာကတော့ ဆန်းသစ်တီထွင်ခြင်း မဟုတ်ဘဲ မိမိဘာသာစကားကို ဖျက်ဆီး ခြင်း သာဖြစ်ပါသည်။ ဘာသာစကားမကျွမ်းကျင်သူတို့၏ အဆင်ခြင်မဲ့လုပ်ရပ်သာဖြစ်ပါသည်။ ဆန်းသစ်တီထွင်ခြင်းကို လက်ခံပါသည်။ သို့သော် စေတနာမှန်ပြီး လူထုအပေါ်သြဇာလွှမ်းမိုးနိုင်ဖို့ ကလည်း လိုသေး သည်ဟုမြင်ပါသည်။ မြန်မာစာပေ ဖွံ့ဖြိုးတိုးတက်ရေးအတွက် မြန်မာလူမျိုးအားလုံးမှာ တာဝန်ရှိကြသည်သာဖြစ်သည်။ ဘာသာစကား ဖွံ့ဖြိုးတိုးတက်ရေး ဆောင်ရွက်ရာတွင် နိုင်ငံရေးအစွဲ၊ ပုဂ္ဂိလ်စွဲ များဖြုတ်ထားခဲ့သင့်သည် ဟုမြင်ပါသည်။ ကိုယ်တိုင်မဆောင်ရွက်နိုင်လျှင်တောင်မှ စေတနာကောင်းနှင့် တီထွင်သုံးစွဲခဲ့သည့် ဘာသာစကားတစ်ခု၏ တန်ဖိုးကို နားလည်သင့်ပါသည်။ စာပေ၊ ယဉ်ကျေးမှု၊ အနုပညာလက်ရာများ ဆိုသည်မှာ ကာလအလိုက် အမျိုးမျိုး ဆန်းသစ်တီထွင် ထုဆစ်လာရသော လူမျိုးတစ်မျိုး၏ အမျိုးသားရေး ဆိုင်ရာ နှလုံး သည်းပွတ်ဝိညဉ် ဟုဆိုသော် လွန်အံ့မထင်။

Read More

သာသနာ့ရန်စွယ် ကြောက်စရာ့အန္တရယ်

မြန်မာပြည်မှာ ခေတ်အဆက်ဆက်က ထေရဝါဒဗုဒ္ဓဘာသာကို ဖျက်ဆီးတဲ့ အဓမ္မဝါဒီဂိုဏ်းတွေ မြောက်များစွာပေါ်ပေါက်ခဲ့ဘူးပါတယ်။ အဲဒီလိုပေါ်ပေါက်ခဲ့တဲ့ ဂိုဏ်းတွေထဲမှာ နောက်အကျဆုံးနဲ့ ထေရဝါဒဗုဒ္ဓဝါဒကို အဆန့်ကျင်ဆုံး အစော်ကားဆုံးဂိုဏ်းကတော့ ဦးဥာဏတည်ထောင်ခဲ့တဲ့ မိုးပြာဂိုဏ်းပဲဖြစ်ပါတယ်။ ဦးဥာဏဟာ သူ့အရင်က အဓမ္မဝါဒီဂိုဏ်းတွေရဲ့ အယူအဆတွေရယ် သူ့ကိုယ်ပိုင်အတွေးအခေါ်တွေရယ်ပေါင်းစပ်ပြီး မိုးပြာဂိုဏ်း(သို့မဟုတ်) ဓမ္မဝိဟာရီ ဂိုဏ်းကိုတည်ထောင်ခဲ့ပါတယ်။ ဒီကနေ့ဆိုရင်ဖြင့် မိုးပြာဂိုဏ်းပေါ်ပေါက်လာတာ ၃၁နှစ်ရှိခဲ့ပြီဖြစ်ပါတယ်။ မိုးပြာဂိုဏ်းကိုတည်ထောင်ခဲ့တဲ့ ဦးဥာဏရဲ့ ကိုယ်ရေးအကျဉ်းကတော့ ဦးဥာဏကို မကွေးတိုင်း ပခုက္ကူခရိုင် မြိုင်မြို့နယ် ဂေါင်းကွဲကျေးရွာတွင် အဖဦးမြ နှင့် အမိဒေါ်လှထွန်းတို့မှ ၁၃၀၀ပြည့်နှစ် နယုန်လဆန်း၃ရက် အင်္ဂါနေ့တွင် မွေးဖွားခဲ့ပါတယ်။ လူမျိုးမှာဗမာလူမျိုးဖြစ်ပြီး အရပ် ၅ပေ၅လက်မခန့်ရှိပြီး နိုင်ငံသားစိစစ်ရေးအမှတ် ၁၂/ဥကမ(နိုင်)၁၈၂၀၀၀ကိုကိုင်ဆောင်ပါတယ်။ ၁၃၁၄ခုနှစ်တွင် ခေါင်းကွဲကျေးရွာတောင်းကျောင်းတွင် ဆရာတော်ဦးပညာကို ဥပဇ္ဇျာယ်ပြု၍ကိုရင်ဝတ်ခဲ့ပြီး ၁၃၁၉ခုနှစ်တွင် ရဟန်းခံခဲ့ပါသည်။ ထေရဝါဒ၌နေစဉ်တွင် ရှေးဘဝ ယခုဘဝ နောက်ဘဝ အယူအဆများသည် ဘုရားဘုရားဟောနှင့်မညီ၊ ဘုရားရှင်မယူသော မိစ္ဆာဒိဌိ အယူများဖြစ်နေကြောင်း နိုင်ငံတော်သံဃမဟာနာယကထံသို့ တင်ပြ၍တရားဆွဲခဲ့သည့်ကိစ္စနှင့်ပတ်သတ်၍ စစ်ကိုင်းတိုင်းသာသနာရေးဦးစီးမှူးက စတုတ္ထပါရာဇိကဖြင့် ပြန်လည်တရားဆွဲခဲ့ပြီး ဗဟိုဝိနိစ္ဆယထိ တရားရှုံးသောကြောင့် ထေရဝါဒဗုဒ္ဓဘာသာနှင့် ရဟန်းအဖြစ်ကိုစွန့်လွှတ်ခဲ့ရသည်။ ဦးဥာဏသည် မိုးပြာဂိုဏ်းကို ၁၉၈၃ခုနှစ် ဖေဖော်ဝါရီလ ၁၀ရက် ည ၁၀နာရီတွင် (၁) ဓမ္မဝိဟာရီ ရှင်ဂုဏ (၂) ဓမ္မဝိဟာရီ ရှင်ဇဋိလ (၃) ဓမ္မဝိဟာရီ ရှင်နာဂ (၄) ဓမ္မဝိဟာရီ ဒေါ်သီလနန္ဒီ (၅) အရှင် ဥာဏိန္ဒာလင်္ကာရ (၆) အရှင် ဝိစိတ္တ သာရာဘိဝံသ(မြစ်ကြီးနားမြို့ကျောင်းထိုင်ဘုန်းကြီးသင်တန်းကျောင်း)တို့ဖြင့် စတင်တည်ထောင်ခဲ့ပါသည်။ ဦးဥာဏသည် မိမိကိုယ်ကို ဓမ္မဝိဟာရီ ဦးဥာဏအဖြစ်ခေါ်ဆိုခဲ့ပါသည်။ မိုးပြာဂိုဏ်း၏ တည်နေရာများမှာ (၁) အမှတ်(၂၀) မိုးပြာခြံ သစ္စာပန်းလမ်း မြဥယျာဉ်(ဌ)ရပ်ကွက် မြောက်ဥက္ကလာပ ရန်ကုန်တိုင်း (၂) အနုပါဒယဉ်ကျေးမှု တရားဌာန မိုးပြာခြံ ရန်ကင်းတောင်ခြေ ကျီးကုန်းစု ပုသိမ်ကြီးမြို့နယ် မန္တလေးတိုင်း တို့ဖြစ်ကြပါသည်။ မိုးပြာဂိုဏ်းမှ တရားမဝင် ထုတ်ဝေဖြန့်ချိထားသည့်စာအုပ်ပေါင်း ၆၀ကျော်ရှိပြီး ၎င်းတို့ထဲမှ အချို့မှာ- (၁) ဝိမုတ္တိဒေသနာ (ခေါ်) လွတ်လပ်ရေးဒေသနာ (စာမျက်နှာ ၁၁၀၊ ၂၀၀၆ ထုတ်) (၂) ဘုရား (စာမျက်နှာ ၂၂၈) (၃) ဘာသာတရားများအကြောင်းယေဘူယျ နှိုင်းယှဉ်ချက် (စာမျက်နှာ ၅) (၄) ဓမ္မပူဇာ (စာမျက်နှာ ၂၄၇) (၅) စိတ်စိတ်ဖြာဖြာ ဥပါဒါ နက္ခန္ဓာ (စာမျက်နှာ ၁၆၃) (၆) ဓမ္မ (စာမျက်နှာ ၃၉၀၊ ၂၀၀၃ ဖေဖော်ဝါရီလ ၁၀ရက်၊ အထိမ်းအမှတ် စာအုပ်) (၇) မိုးပြာကျောင်းမှပေးစာများ (မိုးပေါက်ကျချောင်) (စာမျက်နှာ ၄၄၉၊ ၁၃၅၂ ခုနှစ်) (၈) ဘာသာတရားကပေးသောဆုလာဘ် (စာမျက်နှာ ၄၆၊ ၂၀၀၃ ဖေဖော်ဝါရီလ ၁၀ရက် အထိမ်းအမှတ် စာအုပ်) (၉) တဏှာရှင်းတမ်း ( စာမျက်နှာ ၄၀၀၊ ၁၉၉၆ခုနှစ်) (၁၀) ဓမ္မကထာ (စာမျက်နှာ ၂၃၂၊ ၂၀၀၅ခုနှစ်) (၁၁) ဓမ္မဝိဟာရီ ငွေရတုပူဇာ (စာမျက်နှာ ၂၂၄၊ ၂၀၀၈ ဖေဖော်ဝါရီလ ၁၀ရက် အထိမ်းအမှတ် စာအုပ်) (၁၂) လွတ်လပ်တဲ့သူ (စာမျက်နှာ ၃၉၉၊ ၂၀၀၆ခုနှစ်) (၁၃) ဥာဏကထာ (ပထမအုပ်) (စာမျက်နှာ ၃၅၆) (၁၄) မဟာပေါဌက (ပထမတွဲ)(စာမျက်နှာ ၃၉၄၊ ၂၀၄၊ ၃၀၂ စုစုပေါင်း သုံးအုပ်) (၁၅)အရိယဝေါဟာရ ဥယျေဓမ္မတ္တကထာ (စာမျက်နှာ ၁၁၁၊ ၂၀၀၆ခုနှစ်) (၁၆) နိဗ္ဗာန်ကိုသွားနောက်ဆုံးရထား (စာမျက်နှာ ၉၉၊ ၂၀၀၅ခုနှစ်) (၁၇) ဗုဒ္ဓဘုရား သာသနာနှင့်မြနိမာပြည် (စာမျက်နှာ ၇၁၊ ၂၀၀၆ခုနှစ်) (၁၈) အရိယ သစ္စကထာ (စာမျက်နှာ ၂၇၉၊ ၂၀၀၅ခုနှစ်) (၁၉) ဥတ္တရိမနုဿဓမ္မ ဒဿစာစဉ် (စာမျက်နှာ ၇၀၊ ၁၃၆၄ခုနှစ်၊ သက္ကာယမိစ္ဆာဒိဌိမှ သမ္မာဒိဌိ(သို့)မိစ္ဆာဒိဌိနှင့်သမာဒိဌိ ဗုဒ္ဓဘုရားရဲ့ လောကအမြင် မိတ်ဆက်) (၂၀) ဥတ္တနိ မနုဿ ဓမ္မဒဿန စာစဉ်-၂ (စာမျက်နှာ ၇၊ ၂၀၀၃ခုနှစ် ဗုဒ္ဓဘာသာကမယူသော မိစ္ဆာဒိဌိများ- ကမ္မဿကထာ သမ္မဒိဌိဥာဏ်- ရှေ့ဘဝနောက်ဘဝ- ဦးနှောက်၏ချွတ်ယွင်းဖောက်ပြန်မှုများ- လေးမျိုးစု) (၂၁) သဒ္ဓမသုံးဖြာ(ပထမတွဲ) (စာမျက်နှာ ၂၀၆၊ ၂၀၀၂ခုနှစ်) (၂၂) သဒ္ဓမသုံးဖြာ(ဒုတိယတွဲ) (စာမျက်နှာ ၃၄၇၊ ၂၀၀၂ခုနှစ်) (၂၃) ငြိမ်းချမ်းရေး သစ္စာ ဓမ္မစကြာဒေသနာ (စာမျက်နှာ ၃၉၆၊ ၁၃၅၆ခုနှစ်) (၂၄) ပစ္စုပ္ပန်ကမ္မဝါဒ ဗုဒ္ဓဘာသာလမ်းညွှန် (စာမျက်နှာ ၁၂၉၊ ၂၀၀၂ခုနှစ်) (၂၅) တောစကား တောင်စကား (စာမျက်နှာ ၃၉) (၂၆)အရိယသစ္စဓမ္မပေတံ (စာမျက်နှာ ၂၅၅၊ ၂၀၀၇ခုနှစ်) (၂၇) သက္ကာယ ဒိဌိရှင်းတမ်း (စာမျက်နှာ ၂၈၊ ၂၀၀၈ခုနှစ်) (၂၈) ဘာသာတရားဆိုတာဘာလဲနှင့် လွန်ကျူးမှုကို ဘယ်လိုနားလည်ရမလဲ (စာမျက်နှာ ၇၂၊ ၂၀၀၂ခုနှစ်) (၂၉) နိဗ္ဗာန်နှင့် သက္ကာယမိစ္ဆာဒိဌိ (စာမျက်နှာ ၈၆၊ ၂၀၀၀ခုနှစ်) (၃၀)ဓမ္မစကြာညွှန်ပြချက် (စာမျက်နှာ ၁၇၂၊ ၂၀၀၃ခုနှစ်) (၃၁) လူသားလျှောက်ရမည့်လမ်း (စာမျက်နှာ ၆၀) (၃၂) လူသားမှန်အမျှ ကျင့်ပွားဖွယ်ရာ ပုညကြိယာဝတ္ထုဆယ်ဖြာ (စာမျက်နှာ ၁၂၊ ၂၀၀၆ခုနှစ်) (၃၃) ဓမ္မဝိဟာရာမိုးပြာခြံမှ ပေးစာနှစ်ဆောင်တွဲ (စာမျက်နှာ ၃၂၊ ၂၀၀၇-၂၀၀၈) (၃၄) ဓမ္မဝိဟာရီသို့ဦးခိုက်ခြင်း (စာမျက်နှာ ၁၆) (၃၅) မိလိန္ဒပဥှာဝတ္ထုဘယ်လဲ (စာမျက်နှာ ၃၁၂၊ ၁၃၆၄ခုနှစ်) (၃၆) ဝိသုဒ္ဓိမဂ်ဘယ်လဲ (စာမျက်နှာ ၄၀၈၊ ၁၃၆၄ခုနှစ်) (၃၇) နိဗ္ဗာနဒီပနီ ဘယ်လဲ (စာမျက်နှာ ၂၃၀၊ ၁၃၆၄ခုနှစ် တို့ဖြစ်ကြပါတယ်။ ဦးဥာဏစာရေးတဲ့ ကလောင်ခွဲတွေကတော့ သျှင်မိုးပြာ(ခ) ရှင်မိုးပြာ(ခ) အရှင်ဥာဏ(ခ) ဥာဏ(ခ) ဓမ္မဝိဟာရီ(ခ) ဓမ္မဝိဟာရီရှင်ဥာဏ(ခ) ဓမ္မဝိဟာရီအရှင်ဥာဏ(ခ) ဓမ္မဝိဟာရီဥာဏ(ခ) ဓမ္မဝိဟာရီရှင်မိုးပြာ(ခ) ဘကြီးဝိဟာရီ(ခ) အနုပါဒ(ခ) ဗောဓိဥာဏ(ခ) မောင်ဥာဏ်ထက်(ခ) ပစ္စုပ္ပန်ကမ္မဝါဒဗုဒ္ဓဘာသာပုရုသျှ(ဘုရား)(ခ) ခေါင်းဆောင်ကြီးတို့ဖစ်ပါတယ်။ ဦးဥာဏ၏ဟောပြောချက်များထဲမှ အချို့မှာ ဗုဒ္ဓဘာသာတို့ရဲ့အရင်းအကျဆုံး လမ်းညွှန်ဆရာဟာ ဘုရားပဲဖြစ်တယ်။ ဘုရားဟာ လောကအားလွတ်လပ်မှုကိုဖော်ထုတ်ပေးခဲ့တယ်။ လွတ်လပ်မှုကိုလိုလားတဲ့ ဗုဒ္ဓဘာသာဝင်များဟာ ဘုရားရဲ့ဖော်ထုတ်ချက်တွေကို ဆည်းကပ်ကြရတယ်။ လွတ်လပ်မှုဖော်ထုတ်ချက်တွေဟာ ဆည်းကပ်သူနှင့် အချိန်ကာလ နေရာဒေသနှင့်ဟောပြောသူလူမျိုးအားဖြင့်အများကြီး ခြားနာခဲ့ပြီုဖြစ်လို့ ဖော်ထုတ်ချက်ကို ပြည့်စုံအောင်နားလည်ဖို့ အတော်အတန်အထိ ပြည့်စုံအောင်လေ့လာရဖို့ရှိတယ်။ ဘုရားသက်ရှိထင်ရှားရှိစဉ်က တရားမြင်မှသူ့ကိုမြင်တယ်လို့ပြောခဲ့တယ်။ ဘုရားမရှိတာကြာပြီဖြစ်တဲ့ အခုအချိန်မှာ တရားသိဖို့အခက်အခဲဖြစ်နေခဲ့ပြီ။ တရားကိုမှန်းကြည့်ပြီးသိနေခဲ့ပြီ။ ဒီနေ့တော့ တရားကိုလဲ မှန်းကြည့်ပြီးမှပဲ သိနေခဲ့ရပြီ။ ဒါကြောင့်ဘုရားပုံဟာ မှုံဝါးပြီး အမှားမှားအယွင်းယွင်း အချွတ်ချွတ်အချော်ချော်တွေဖြစ်တယ်။ ဘုရားကခေါင်းပေါ်မှာလဲ ဆံထုံးကြီးနဲ့။ တချို့ဘုရားကျတော့ ဥသျှောင်တွေ၊စလွယ်တွေ၊ လက်ကျပ်တွေ၊ ခါးစည်းတွေ ဝတ်ထားလို့။ဘုရားကိုက ရောင်ခြည်တန်းတွေကလဲ တဝင်းဝင်း တလျပ်လျပ်ထွက်နေတယ်။ မြေလျှိုးမိုးပျံတွေလဲ ဘုရားကလုပ်လို့ရနေတယ်။ ဘုရားအရပ်အမောင်းကလဲ ၁၈တောင် ရှိတဲ့အထိဖြစ်တယ်။ ဘုရားဟာတန်ခိုးမပြရဘူးဆိုတဲ့ စည်းကမ်းကို သူကိုယ်တိုင်မလိုက်နာပဲ တန်ခိုးပြပြီး နတ်ပြည်လည်းတက် အဘိဓမ္မာလည်းဟောတဲ့အထိရှိနေပြီ။ ဘုရားဟာ သတ္တဝါတွေကိုချွတ်လွှတ်ဖို့ရန် ခွေးတွေ နွားတွေ ဝက်တွေလည်းဖြစိခဲ့ဘူးတယ်။ သူတောင်းစား အလုပ်သမား မင်း အမတ်တွေအဖြစ်လည်း တပြောင်းတပြန်ပြုလုပ်နေသူဖြစ်တယ်။ ဒီလိုအစစတွေပေါင်းလိုက်ရင် ဘုရားဟာသူသိဖူးတာနဲ့ ဆက်စပ်မရရင် ဘာသိလို့ရမှာလဲ။ ဘုရားဆီမှာ လူအသိနဲ့ဆက်စပ်မရတာတွေ ရှိနေတယ်လို့သိကြတာဟာ လူတွေတရားမှာ မှုံဝါးရာက ဖြစ်လာတဲ့ မှုံဝါးတဲ့ဘုရားပုံတွေပဲဖြစ်တယ်။ ဒီနေ့တော့ဒီပုံတွေဟာ လူတွေကို လွှမ်းမိုးနေကြပြီ။ မှုံဝါးဝါးဘုရားပုံတွေဟာ တရားလေ့လာသူတွေကို တရားအမှန်သိဖို့ရာယအနှောက်အယှက်တွေဖြစ်စေလိမ့်မယ်။ မှုံဝါးဝါးဘုရားရဲ့ ဟောကြားချက်ဟာ မှုံဝါးဝါး တရားပဲဖြစ်နေမှာပဲ။ မှုံဝါးဝါးတရားဟာ လူတွေကို လွတ်လပ်ရာဆီ ဘယ်လိုသယ်မှာလဲ။ ဒါကြောင့်လူတွေလွတ်လပ်ဖို့ တရားကိုပြောရမှာဖြစ်ပေမယ့် မှုံဝါးဝါးတရား ပြောလို့မဖြစ်ဘူး။ မှုံဝါးဝါးတရားမပြောရင် လူတွေသိတဲ့ မှုံဝါးဝါး ဘုရားကကန့်ကွက်လိမ့်မယ်။ ဒါကြောင့်ဘုရားမပြောခင် မှုံဝါးဝါးမဟုတ်တဲ့ ဘုရားကိုလက်ဦးပြောရမှာဖြစ်တယ်။ ဘုရားအကြောင်းပြောတဲ့အခါမှာ ဘုရားဆိုတဲ့ အခေါ်ကနေစပြီးပြောရမယ်။ ဘုရားကို ဘုရားလို့လော်တာဟာ မြန်မာတွေကခေါ်တာပဲ။ ကျန်တဲ့ဗုဒ္ဓဘာသာတွေက ဘုရားကို ဘုရားလို့မခေါ်ဘူး။ ပါဠိအဘိဓာန်မှာလာတဲ့ ဘုရားရဲ့ ပရိယာယ်တွေထဲမှာ ဘုရားဆိုတာမပါဘူး။ ဗမာတွေဟာရှေး အခါက ဘုရင်တွေကို ဘုရားလို့ခေါ်ခဲ့ကြပုံရှိတယ်။ အဓိပ္ပါယ်ကတော့ ခေါင်းဆောင်ရှေ့သွားသူဖြစ်လို့ နေမှာပေါ့။ ဘုကင်ဟာသူတို့ရဲ့ရှေ့သွားခေါင်းဆောင်ဆိုတော့ ဘုရင်ကိုဘုရားလို့ခေါ်တာ မသင့်မြတ်တာ မဟုတ်ဘူး။ ဘုရားဟာ ဘုရင်တွေရဲ့ရှေ့သွားခေါင်းဆောင်ဖြစ်တာကြောင့် ဘုရားကိုလဲ ဘုရားလို့ပဲ ခေါ်တော့တာပေါ့။ ဒီဝေါဟာရဟာ ဟိန္ဒူတွေဆီက ရကြတာထင်ပါတယ်။ ပုဂံကျောက်စာတွေ ထဲမှာ ဘုရားကိုဒီနေ့အသံနဲ့ခေါ်တာမဟုတ်ဘူး။ ပုရှားလို့ခေါ်တယ်။ ပုရုရှာက ပြောင်းလာတဲ့စကားဖြစ်တယ်။ ပုရုရှာဟာ ပုရိသနဲ့ အနက်တူ သဒ္ဓါပဲ။ ပုရုရှက ဘုရားဖြစ်လာတယ်။ ဘုရားလက်ထက်ကဝေါဟာရ ဘုရားကတော့ ဘုရားကို ရဟန်းတွေက သတ္ထာတို့ ဘဂဝါတို့နဲ့ခေါ်ကြပုံရှိတယ်။ သာသနာပက ပုဂ္ဂိုလ်တွေကတော့ သာမဏဂေါတမလို့ ခေါ်ကြတယ်။ ဒီနေ့ကမ္ဘာအနှံ့က နိုင်ငံတကာမှာတော့ ဗုဒ္ဓတို့ သကျမုနိတို့ ခေါ်ကြတယ်လို့ သိရတယ်။ ဦးဥာဏရဲ့ဘုရားဆိုတဲ့ စာအုပ်ထဲကဖော်ပြချက်အချို့ကို ဖော်ပြရရင် ဘုရားရဲ့ သမာတဲ့အပြုအမူထဲက အသက်ရှောင်မှုဆိုတာ လူ့အသက်သက်တာ ရှောင်မှုလို့ အဓိပ္ပါယ်ထင်ရှားတယ်။ ဘုရားဟောတဲ့အသက်ရဲ့ အနက်ဟာ ရောဟိတသကို ဟောချက် လူမှုဆက်ဆံရေးနယ်ပယ် ဟောချက် ဒီအချက်တွေကြောင့် လူ့အသက်ပဲဟောတာဖြစ်တယ်။ လူကတခြားဖြစ်သူတွေရဲ့ အသက် မဟုတ်ပါဘူး။ (ဘုရားစာအုပ်-စာ ၁၃၀) ဒါနဲ့စပ်လို့တွေးစရာရှိပါတယ်။ ဘုရားဟောဒီလိုမဟုတ်ဘူးထင်တယ်လို့ပါပဲ။ လူသိများတာက ဘုရားဟာသတ်မှုရှောင်ရမယ်။ အသက်ကို အားလုံးရဲ့အသက် အဖြစ်ဟောတာလို့ သိနေကြတယ်။ ဒီလိုသိမှားတာကတော့ ဟိန္ဒူနဲ့ နွယ်ပြီးသိမိလို့ပါပဲ။ ဟိန္ဒူကမသတ်ရတဲ့ အရာဟာ အားလုံးရဲ့အသက်ပါပဲ။ သစ်ပင်လောက်ပဲကျန်ပါတယ်။ (ဘုရားစာအုပ်-စာ ၁၃၁) ဒါတွေကြောင့် ဘုရားရဲ့မသတ်ရမယ့် အချက်ရဲ့ အနက်ဟာ လူ့အသက်ပဲဖြစ်တယ်။ အခြားအကောင်ပလောင်တွေရဲ့အသက်မဟုတ်ဘူး။ (ဘုရားစာအုပ်-စာ ၁၃၅) ဒါကြောင့်ဒီနေ့ဗုဒ္ဓဘာသာဝင်တွေရဲ့ အသားစားရှောင်နေမှုဟာ ဘုရားနဲ့လားလားမျှမသက်ဆိုင်ဘူး။ဘုရားက အသားစားတာကိုခွင့်ပြုခဲ့တယ်။ ဒါကိုထောက်ရင် ရှောင်ရမယ့် အသက်ဟာ အသက်အားလုံးမဟုတ်ဘူးလို့ ပေါ်လွင်တယ်။ စားတာစာသတ်တာမဟုတ်ပေမဲ့ သတ်တာကိုသွယ်ဝိုက်အားပေးတာပဲ။ မသတ်သင့်ဘူးဆိုရင် မစားသင့်ဘူးလို့ ပညတ်ရမှာဖြစ်တယ်။ မပညတ်တာကိုထောက်ရင် မသတ်ရမယ့်အသက်ဟာ အားလုံးမဟုတ်လို့ပဲ။အဲဒီအချက်တွေအရ ဘုရားရဲ့ သတ်မှုကရှောင်ကြဉ်ရမယ့်အသက်ဟာ လူ့အသက်ပဲဆိုတာထင်ရှားတယ်။ (ဘုရားစာအုပ်-စာ ၁၃၉) ဒါကြောင့် ဓမ္မမှာ ဘုရားရဲ့ မသတ်ကောင်းတဲ့ အသက်ဟောချက်က လူ့အသက်ဖြစ်တယ်။ ဒါကြောင့် ဘုရားဟောတဲ့ သီလမှာပါတဲ့ မသတ်ရဘူးဆိုတဲ့အသက်ဟာ လူ့အသက်ပဲ။ တခြားအကောင်ပလောင်တွေရဲ့ အသက်တွေ အကြုံးမဝင်ပါဘူး။ လူမဟုတ်သူတွေရဲ့ အသက်သတ်ဖြတ်မှုဟာ ဓမ္မအရာမဝင်တဲ့ အမှုသာဖြစ်တယ်။ မပြောပလောက်တဲ့အမှုပေါ့။ သို့မဟုတ် အမှုမမြောက်တဲ့ အမှုဖြစ်တယ်။ (ဘုရားစာအုပ်-စာ ၁၄၂) ကာမဂုဏ်မှားယွင်းရှောင်ကြဉ်မှုဟာ ကိုယ့်ကာမပိုင်မဟုတ်သူကို မေထုန်ပြုမှုလို့ အဓိပ္ပါယ်ရမှာမဟုတ်ဘူး။ ပစ္စည်းအငုံးအဆောင်အားလုံးမှာ အကြောင်းမဲ့ သုံးဆောင်မှု တွေဖြစ်လာမယ်။ လိုအပ်တာထက် ပိုပြီးဝတ်တာ စားတာ သုံးဆောင်တာတွေဟာ ကာမဂုဏ်မှားယွင်းကျက်စားမှုပဲ။ ကာမပိုင်ဖိုမဖြစ်ပါစေ အကြောင်းမဲ့ လိင်ဆက်ဆံမှုဖြစ်ရင် ကာမဂုဏ်မှားယွင်းကျက်စားမှုပဲ။ (ဘုရားစာအုပ်-စာ ၁၅၄) ဘယ်သူ့အာရုံငါးပါးဖြစ်ဖြစ် မှားယွင်းကျက်စားက ကာမေသုမိစ္ဆာစာရပဲ။ အလှအပတစ်ခုကိုအပျော်သက်သက်ကြည့်ရင်လဲ ကာမဂုဏ်မှားယွင်းမှုပဲ။ ကိုယ်မွေးထားတဲ့ကလေးကို ပွေ့ဖက်နမ်းရှုံ့တာလဲကာမဂုဏ်မှားယွင်းကျက်စားမှုပဲ။ကာမပိုင်လင်မယးလဲ ဒီအတိုင်းပဲ။ကာမပိုင်ဖြစ်ပေမဲ့ အပျော်သက်သက် နမ်းရှုံ့ ပွေ့ဖက်ရင် အမှားပဲ။တစ်စုံတစ်ခုကိုတွေ့သိဖို့ နမ်းရှုံ့ပွေ့ဖက်မှ ကာမဂုဏ်ကလွတ်မယ်။ (ဘုရားစာအုပ်-စာ ၁၅၅) ဂရုဓမ္မသီလထဲက မခိုးရသိက္ခာပုဒ်ရဲ့ အနက်မှာ နဲနဲပါးပါးခိုးယူမှုမပါဝင်ဘူး။ ဒါကိုသ်ိဖို့လိုတယ်။ ဒါကလေးလောက်တောင်လိုက်နာဖို့လို့ရင် ဒီသီလဟာ လူတွေမလိုက်နာနိုင်ဖြစ်လာမယ်။ လူမလိုက်နာနိုင်မယ့်ဟာက်ို ဘုရားကတရားလို့ မလုပ်ဘူး။ (ဘုရားစာအုပ်-စာ ၁၄၇) မဂ်သီလဖြစ်တဲ့ ဂရုဓမ္မသီလ မခိုးရသိက္ခာပုဒ်မှာ လူပိုင်မဟုတ်တဲ့ ပစ္စည်းအများအပြားခိုးယူခြင်းမပါဘူး။ သူပိုင်မဟုတ်တဲ့ ပစ္စည်း အများအပြားခိုးယူပေမယ့် ခိုးရင် သီိလမပျက်ဘူးလို့. ဆိုလိုတယ်။ဒါကိုတော်တော်ကြီးသိဖို့ကောင်းတယ်။ (ဘုရားစာအုပ်-စာ ၁၄၇) နိုင်ငံပိုင်ပစ္စည်းခိုးတာဟာ ဂရုဓမ္မသိက္ခာပုဒ် မပျက်ဘူး။ ပစ္စည်းပိုင်သူဟာ ပုဂ္ဂလိကမဟုတ်ပဲ နိုင်ငံတော်ဖြစ်နေလို့ပဲ။ မြို့ပိုင် ရွာပိုင် ဌာနဆိုင်ရာပိုင် အဖွဲ့အစည်းပိုင် သမဝါယမပိုင် ပစ္စည်းတွေကိုခိုးတာဟာလည်း ဂရုဓမ္မသီလ(မခိုးရသိက္ခာပုဒ်အရ) အခိုးမမြောက်ဘူး။ ဒါတွေကတော့ မိုးပြာဂိုဏ်းချုပ် ဦးဥာဏရဲ့ ဟောပြောရေးသားချက်ထဲက အချို့ပါ။ အားလုံးပဲ အဓမ္မဝါဒီ မိုးပြာဂိုဏ်းရဲ့ ထေရဝါဒ ဗုဒ္ဓသာသနာကို ဖျက်ဆီးနေတဲ့ရန်ကနေ ကာကွယ်နိုင်ကြပါစေ။

Read More

ကြိမ်လုံးသံ တရွှမ်းရွှမ်း နှလုံးသားမှာ မြားတွေမစူးတမ်း

ဇူလိုင်လ (၃) ရက်နေ့က ကချင်ပြည်နယ်၊ မြစ်ကြီးနားမြို့ရှိ ကျောင်းတစ်ကျောင်းတွင် အင်္ဂလိပ်စာ ဆရာမက မောင်ဆိုင်းလတ် အောင်ဆိုသည့် ကျောင်းသားကို စာသင်နေစဉ် စာအုပ်တွင် ပုံဆွဲနေသည်ဟုဆိုကာ ဦးခေါင်းကို တုတ်ဖြင့် အချက်ပေါင်းများစွာ ရိုက်နှက်ခဲ့သည့် သတင်းကိုဖတ်လိုက်ရသည်။ သတင်းဖတ်ပြီးအတော်စိတ်မကောင်းဖြစ်မိကာ ကျွန်တော်ငယ်စဉ်ကျောင်းသားဘ၀က အဖြစ်အပျက် တို့ကို သတိရမိသည်။ ကျွန်တော်ငယ်ငယ်က ထင်းရှူးနံ့တွေသင်းပျံ့နေသောတောင်ပေါ်မြို့လေးတစ်မြို့တွင်ကြီးပြင်းခဲ့သည်။ ကျွန်တော်တို့ငယ်စဉ်က ကျောင်းတွင်ရိုက်နှက်ဆုံးမသည့် အလေ့အထမှာ ယခုခေတ်ထက် ပိုခေတ်စားမည်ဟုထင်သည်။ မိဘတွေကိုယ်တိုင်က ကိုယ့်သား၊ သမီးကျောင်းအပ်သည့် အခါ “ဆိုးလို့ကတော့ ရိုက်သာရိုက် ဆရာမ၊ မကျိုးမပဲ့ရင်ပြီးရော” ဟု ပြောပြီး ကျောင်းအပ်လေ့ရှိသည်။ ဆရာ/ဆရာမကို ယုံယုံကြည်ကြည်နှင့် ပုံအပ်လိုက်သည့် သဘောပင်ဖြစ်သည်။ ကိုယ့်ကလေးကို ဂရုမစိုက်မှာ စိုး၍ လည်း ဖြစ်နိုင်ပါသည်။ ငါးတန်းကျောင်းသား အရွယ်လောက်ကထင်သည်။ ကာယချိန်တွင် ဆရာမ ဒေါ်သူဇာနွယ်က အခန်းအပြင်ဘက်က ချယ်ရီပင် အောက်တွင် ပုံပြင်တစ်ပုဒ်ပြောပြနေသည်။ ထိုစဉ် ကျွန်တော်တို့ အုပ်စုနှင့် မလှမ်းမကမ်းတွင် ရုတ်ရုတ်သဲသဲ လူအုံနေတာ တွေ့လိုက်ကြရသည်။ ကျောင်းသားတစ်ယောက်နှစ်ယောက်သွားစုံစမ်းပြီးပြန်လာတော့ ဆရာမ ဒေါ်သူဇာနွယ်က “ဘာမှ မဟုတ်ပါဘူး၊ ဆရာမ ဒေါ်ချယ်ရီ မူးလဲလို့ပါ။” ဟု ပြောပါသည်။ ဆရာမ ဒေါ်သူဇာနွယ်စကားက ဤမျှနှင့်ရပ်သွားသော် ဘာပြဿနာမှ ဖြစ်လာ မည်မဟုတ်။ သို့သော် “အင်း… သူ့ခမျာနေမကောင်းရတဲ့ အထဲ အကြွေးတွေကလည်းများပြီး အဟာရပြည့်အောင် မစားနိုင် ရှာတော့ မူးလဲတာနေမှာပေါ့။” ဟု ဒေါ်သူဇာနွယ်က ဆက်ပြောပါသည်။ ထိုစဉ်က ဆရာမပြောသည့်စကားကို ကျွန်တော် အပါ အ၀င် အတန်းသားအားလုံးမည်သူမှ သိပ်စိတ်မ၀င်စားကြပါ။ ကလေးဘာသာဘာဝ ဆော့ဖို့သာ အားသန် ကြပါသည်။ နောက်တစ်နေ့ ကျောင်းပိတ်ရက်မို့ ကိုယ့်အိမ်ဝန်းကျင် အနီးအနားက ကလေးများနှင့် ကျွန်တော် ကစားနေပါသည်။ ထိုစဉ် ကျောင်းသားကြီး ၂ ယောက်ရောက်လာပြီး “ဟေ့ကောင်ကျော်ဇင်ထွန်း မင်းကို အတန်းပိုင်ဆရာမ ခေါ်ခိုင်းလိုက်တယ်။ မင်းတော်တော်ပြဿနာရှာတဲ့ကောင်ပဲ။ ဆရာမ ဒေါ်ချယ်ရီ မူးလဲတာကို အကြွေးတွေများပြီး အဟာရ ပြည့်အောင် မစားနိုင်လို့မူးလဲတာလို့ ဆရာမ ဒေါ်သူဇာနွယ်ကပြောတယ်ဆိုပြီး မင်းကလျှောက်ပြောလို့ အခု ကျောင်းမှာ ဆရာမတွေ အကြီး အကျယ်ပြဿနာတက်နေတယ်။ မင်းကလည်းမင်းပဲ၊ ဘာလို့လျှောက်ပြောတာလဲ။” ဟု ဘုမသိဘမသိ စွဲချက်တင်ပြီး ကျောင်းက ခေါ်ခိုင်းသည်ဟုဆိုကာ ကျွန်တော့်ကို လာခေါ်ပါသည်။ ကျောင်းရောက်တော့ အတန်းပိုင်ဆရာမနှင့် အခြားဆရာမ သုံးလေးယောက်ကိုတွေ့ရသည်။ ဆရာမက “သား၊ ကျောင်းမှာ ဆရာမ ဒေါ်သူဇာနွယ်နဲ့ ဒေါ်ချယ်ရီတို့ ပြဿနာတက်နေကြတယ်။ ဒေါ်ချယ်ရီ မူးလဲတာကို အကြွေးတွေများပြီး အဟာရ ပြည့်အောင်မစားနိုင်လို့မူးလဲတာ လို့ ဒေါ်သူဇာနွယ်က ပြောတယ်ဆိုပြီး သားကလျှောက်ပြောနေတယ်လို့ ဆရာမတို့ကြားရတယ်။ အဲဒါ ဟုတ်လား။” ဟု အတန်းပိုင်ဆရာမကမေးပါသည်။ ကျွန်တော်က “ဆရာမ ဒေါ်သူဇာနွယ် အဲဒီလိုပြောတာ ဟုတ်တယ် ဆရာမ၊ ဒါပေမဲ့ ကျွန်တော် လျှောက်ပြောနေတယ် ဆိုတာ မဟုတ်ဘူး။” ဟု ပြန်ပြောပါသည်။ “သေသေချာချာစဉ်းစားပါဦးသားရယ်၊ သားများနားကြားလွဲနေတာလား။ အခု ဆရာမနှစ်ယောက်က ပြဿနာဖြစ်နေကြပြီ။” ဟု ဆရာမကပြောသည်။ “ဟင့်အင်း…ကျွန်တော်နားကြားမလွဲပါဘူး ဆရာမ၊ ဆရာမ ဒေါ်သူဇာနွယ် အဲဒီလိုပြောတာ တစ်တန်းလုံး ကြားပါတယ်။” ဟု ကျွန်တော်ကပြန်ပြောရာ အတန်းပိုင်ဆရာမ သက်ပြင်းခိုးချလိုက်တာကို သတိပြုလိုက်မိသည်။ ထိုနေ့ကအိမ်ပြန်ရောက်တော့ အဖေ့ကို ကျောင်းမှာပြဿနာဖြစ်တဲ့ကိစ္စပြောပြဖြစ်သည်။ အဖေက အဲဒီလိုပြောတယ်ဆိုတာ သေချာလို့လား ဟုမေးသည်။ ကျွန်တော်က သေချာကြောင်းပြောပြီး ကျောင်းဖွင့်တဲ့နေ့ကျရင် ဘယ်လိုပြောရမလဲဟု အဖေ့ ကိုမေးသည်။ အဖေက ခေတ္တစဉ်းစားပြီး “အေး…မှန်တယ်ဆိုရင်လည်း အမှန်အတိုင်းပဲ ပြောပြလိုက်ပေါ့ကွာ။” ဟုပြောပါသည်။ အဖေသည် ကျွန်တော်တို့မောင်နှစ်မအားလုံးကို လိမ်ညာမပြောရန် ငယ်စဉ်ကတည်းက သင်ကြား ထားပါသည်။ ပြီးတော့ မှန်ရာ ပြောရန် မကြောက်ဖို့ကိုလည်း အမြဲဆုံးမတတ်ပါသည်။ ကျွန်တော်တို့ မောင်နှစ်မအားလုံး ဘာလုပ်လုပ် အဖေ့ကိုမလိမ်ဝံ့ပါ။ ကျောင်းပြန်ဖွင့်သည့်နေ့ ပထမဦးဆုံးစာသင်ချိန်တွင် အတန်းပိုင်ဆရာမနှင့်အတူ အရိုက်ကြမ်းသည်ဟု ကျောင်းတွင် နာမည်ကြီး သည့် ဆရာတစ်ယောက်ပါ ကျွန်တော်တို့အတန်းထဲတွင်ရောက်နေသည်ကို တွေ့ရသည်။ ဆရာ့လက်ထဲမှာ ကြိမ်လုံးတစ်လုံး။ ဆရာက ထိုကြိမ်လုံးကို တရွှမ်းရွှမ်းနှင့်ဆပြနေသည်။ သတ္တိရှိလျှင် စမ်းကြည့်ပေါ့ကွာ ဆိုသည့် အမူအရာနှင့်…။ တအောင့်ကြာတော့ ပြဿနာ ဓါတ်ပြားဟောင်းကြီးကိုပြန်ဖွင့်ပါသည်။ ဆရာမက တစ်တန်းလုံး ကြားအောင် အသံမြှင့်၍ “သားတို့၊ သမီးတို့၊ ပြီးခဲ့တဲ့ အပတ် …..နေ့က ကာယချိန်မှာ ဆရာမ ဒေါ်ချယ်ရီ မူးလဲသွားတာကို အကြွေးတွေများပြီး အဟာရ ပြည့်အောင် ၀ယ်မစားနိုင်လို့ မူးလဲသွားတာပါလို့ ဆရာမဒေါ်သူဇာနွယ်က ပြောတယ်ဆိုပြီး မောင်ကျော်ဇင်ထွန်းက ပြောခဲ့တယ်။ ဆရာမဒေါ်သူဇာနွယ် အဲဒီလိုပြောခဲ့တယ်ဆိုတာ ဟုတ်သလား။” ဟုမေးရာ တစ်တန်းလုံး ဇာတ်တိုက်ထားသည့်အလား “မဟုတ်ပါဘူး ဆရာမ” ဟု သံပြိုင်ဖြေကြပါသည်။ ဆရာမက ထိုမေးခွန်းကို အတန်းထဲရှိ ကျောင်းသူ/ကျောင်းသားများအား သုံးခါတိတိမေးရာ သုံးကြိမ်လုံး “မဟုတ်ပါဘူး ဆရာမ” ဟုသာဖြေကြပါသည်။ တစ်တန်းလုံးက “မဟုတ်ပါဘူး ဆရာမ” ဟု ဖြေသံကြားလိုက်တိုင်း ကျွန်တော့်မှာ အင်အားမဲ့မဲ့သွားသလို ခံစားလိုက်ရပြီး မျက်ရည်များ ၀ဲလာပါသည်။ အတန်းကို တစ်ခါမေးပြီးတိုင်း ကျွန်တော့်ဘက်သို့ တစ်ခါလှည့်ကာ ဘယ်လိုလဲဆိုသည့် အကြည့်ဖြင့် “မောင်ကျော်ဇင်ထွန်း၊ သားများနားကြားလွဲသလား၊” ဟုမေးပါသည်။ ကျွန်တော်ကလည်း ယခင်ဖြေဆိုခဲ့သည့်အတိုင်းသာ ပြန်ဖြေပါသည်။ ကြိမ်လုံးကိုင်ထားသော ဆရာက မျက်ထောင့်နီကြီးနှင့် ကြည့်ပြီး ကြိမ်လုံးကို လေထဲတွင် တရွှမ်းရွှမ်းဝှေ့ယမ်းပြပါသည်။ သုံးကြိမ်မေးပြီး အကြောင်းမထူးသောအခါ ဆရာ/ဆရာမများပြန်ထွက်သွားပါသည်။ အတန်းရှိ ကျောင်းသူ/ကျောင်းသား အတော်များများက ကျွန်တော့်ကို ပြဿနာကောင် ဆိုသည့် အမြင်မျိုးဖြင့် ကြည့်ကြပါသည်။ အထူးသဖြင့် မိန်းကလေးများက ပိုကြည့်သည်ဟုထင်ပါသည်။ ကျွန်တော်ကလည်း မည်သူ့ကိုမှ စကားပြောချင်စိတ်မရှိတော့ပါ။ ထိုကိစ္စဖြစ်ခဲ့သည်မှာ မှန်သော်လည်း ကျွန်တော် လျှောက်ပြောသည်ဆိုတာကတော့ မမှန်ပါ။ ကလေးသဘာဝ အိမ်ရောက်တာနှင့် ကစားဖို့သာ အာရုံရောက်နေတာကများပါသည်။ ကံမကောင်းချင်တော့ ကျွန်တော်ပြောလို့ ထိုသတင်းပျံ့နှံ့သွား သည်ဆိုပြီး ပြဿနာမြားဦးက ကျွန်တော့်ဘက်လှည့်လာခြင်းဖြစ်သည်။ ကာယချိန်တွင် ကလေးအသီးသီး ဆော့ကစားနေကြသော်လည်း ကျွန်တော် တစ်ယောက် တည်း ချယ်ရီပင်အောက်တွင် ထိုင် နေပါသည်။ မည်သူနှင့်မှ စကားပြောချင်စိတ်၊ ကစားချင်စိတ်မရှိ။ ထိုအချိန်တွင် ကျွန်တော်နှင့် ကစားနေကြ ကူးမား ရောက်လာ ပြီး “ကျော်ဇင်ထွန်း ကစားရအောင်လေ” ဟုလာခေါ်ပါသည်။ ကျွန်တော်ငယ်စဉ်က ခေါင်းနှင့် ကင်းမြီးကောက်ထောင်လျှင် အကြာကြီး ထောင်နိုင်၍ သူငယ်ချင်းများက သဘောကျကြသည်။ ကျွန်တော်က မကစားချင်ကြောင်း ပြန်ပြောရာ ကူးမားက တစ်ချက်ကြည့်ပြီး “ဆရာမဒေါ်သူဇာနွယ် ဒေါ်ချယ်ရီကို အကြွေးတွေ များလို့ မူးလဲသွားတယ်လို့ပြောတာ ဟုတ်တယ်လေကွာ။ ငါကကြောက်လို့ မပြောရဲတာ။” ဟု ခပ်တိုးတိုးပြောပါသည်။ ကျွန်တော် ရုတ်တရက် အံ့အားသင့်ပြီး ကူးမားကို ကြည့်လိုက်သည်။ သူက “လာပါကွာ၊ စိတ်ညစ်မနေပါနဲ့၊ ကစားရအောင်” ဟုဆိုကာ အတင်းဆွဲခေါ်ပါသည်။ ကူးမား၏၀န်ခံစကားက ကျွန်တော့်စိတ်ဓာတ်ကို မြှင့်တင်ပေးလိုက်သည်။ ဘာပဲဖြစ်ဖြစ် ကျွန်တော် ကူးမားကို ကျေးဇူးတင်ပါသည်။ ထိုနေ့က ကျွန်တော် ကူးမားနှင့် နှစ်ယောက်တည်း ကင်းမြီးကောက်ထောင် တမ်း ကစားကြ သည်။ ထုံးစံအတိုင်း ကျွန်တော်က ပို၍အချိန်ကြာကြာထောင်နိုင်ပါသည်။ လက်ထဲက ကြိမ်လုံးကို တရွှမ်းရွှမ်းဆပြီး မျက်ထောင့်နီကြီးနှင့် ကြည့်ခဲ့သော်လည်း မရိုက်ခဲ့သည့် ဆရာ့ကိုလည်း ကျေးဇူးတင် ပါသည်။ (ရိုက်လျှင်လည်း ကျွန်တော့်အဖေနှင့် ပြဿနာအကြီးအကျယ်တက်ပါလိမ့်မည်။) ရှစ်တန်းကျောင်းသားအရွယ်တွင် ကျွန်တော် အညာမြိုကလေးတစ်မြို့သို့ရောက်နေပြီဖြစ်သည်။ ကျွန်တော်လည်း မောင်ဆိုင်း လတ်အောင် လို ပုံဆွဲဝါသနာပါသူဖြစ်ရာ တွေ့ရာသင်ခန်းစာ စာအုပ်များတွင် ကြုံသလိုဆွဲလေ့ရှိပါသည်။ တစ်ရက်သား မြန်မာစာဆရာက စာအုပ်စစ်ရင်း ကျွန်တော်ပုံဆွဲထားသည်ကိုတွေ့သွားပါသည်။ စစ်သားသားသမီး ဖြစ်သည့် အလျောက် ကျွန်တော်ဆွဲသည့်ပုံများမှာ သေနတ်ပုံကအများစုဖြစ်သည်။ စာရွက်တစ်ရွက်လှန်လိုက်၍ သေနတ်ပုံတစ်ပုံတွေ့လျှင် ဆရာက ဟ…သေနတ်ပုံတွေပါလားဟုဆိုကာ “ဒိုင်း” ဟုပါးစပ်ကရွတ်ပြီး ခေါင်းကို လက်ဆစ်ဖြင့်ခေါက်သည်။ စက်လတ် ပုံဆွဲထားသည်ကို တွေ့သောအခါ ဟား…စက်သေနတ်ကြီးပါလား “ဒက်..ဒက်..ဒက်..ဒက်..ဒက်” ဟုရွတ်ပြီး ငါးချက်လောက် ဆက်တိုက်ခေါက်ရာ အတော် အီစလံဝေသွားပါသည်။ ကျွန်တော် ဆရာ့ကို စိတ်မဆိုးသော်လည်း ကျွန်တော်တို့အိမ်တွင် သားသမီးများ၏ ခေါင်းကို ရိုက်နှက်ဆုံးမသည့် အလေ့အထမရှိပါ။ ကျွန်တော်ငယ်စဉ်က အလွန်ဆိုး၍ မကြာခဏ အရိုက်ခံရလေ့ရှိသော်လည်း ကျွန်တော့်ဖခင်သည် စနစ်တကျ ရိုက်နှက် ဆုံးမပါသည်။ ထိုသို့ရိုက်နှက်အပြစ်ပေးရာတွင် ကျွန်တော်ကျူးလွန်ခဲ့သည့် ပြစ်မှုကို ကျေကျနပ်နပ်ဝန်ခံပြီး ရိုက်သင့်/မရိုက်သင့် မေးမြန်းပြီး ကျွန်တော်ကိုယ်တိုင်က ရိုက်သင့်သည်ဟုဆိုပါမှ စနစ်တကျရိုက်နှက်ဆုံးမပါသည်။ ထိုသို့အရိုက်ခံရလောက်အောင် ပြစ်မှုတစ်ခုခု ကျူးလွန်ထားသော်လည်း ထမင်းစားချိန်နီးပါက အပြစ်ပေးလေ့မရှိသလို ဦးခေါင်းကို လည်း မည်သည့်အခါမှ ရိုက်နှက်လေ့မရှိပါ။ ကျွန်တော်တို့ငယ်စဉ်က ကျောင်းအပ်သည့်အခါ “ဆိုးလို့ကတော့ ရိုက်သာရိုက် ဆရာမ၊ မကျိုးမပဲ့ရင်ပြီးရော” ဟု ပြောပြီး ကျောင်းအပ်လေ့ရှိသော်လည်း တကယ်တမ်းကျတော့ ဘယ်မိဘမှ ကိုယ့်သာားသမီးကို ရိုက်တာကြိုက်မည်မဟုတ်ပါ။ သို့ဆိုလျှင် ကျောင်းတွင် လုံးဝမရိုက်ရတော့ပြီလော ဟု မေးလာပါက အတော်အဖြေရခက်သည်ဟု ဆိုရပါမည်။ ကျောင်းသားများ ဆိုသည် ကလည်း လူစုံ၊ စရိုက်စုံပင်ဖြစ်ပါသည်။ မရိုက်ရဆိုပြီး ပြဿနာဖြစ်တိုင်း ကျောင်းစည်းကမ်းနှင့် အရေးယူပါက ထိုကျောင်းသား နစ်နာပါလိမ့်မည်။ ထိုကိစ္စကို မည်ကဲ့သို့ဖြေရှင်းကြမည်နည်း။ ကျွန်တော်သည် ကျောင်းဆရာတစ်ဦးမဟုတ်သလို ကလေးစိတ်ပညာနှင့်ပတ်သက်၍လည်း နကန်း တစ်လုံးမျှ သိသူမဟုတ်ပါ။ သို့သော် လူတိုင်းကလေးဘ၀ကို ဖြတ်သန်းလာခဲ့ကြသည့်အလျောက် ကလေးတို့သဘာဝကို ကိုယ်ချင်းစာနားလည်နိုင်ပါသည်။ လောကတွင် ရှိရှိသမျှသတ္တ၀ါတိုင်း အသိအမှတ်ပြုခံချင်ကြသည်။ မြစ်ကြီးနားက မောင်ဆိုင်းလတ်အောင်လို ကျွန်တော်လည်း ငယ်စဉ်ကပုံဆွဲ၍ အရိုက်ခံခဲ့ရသည်။ သို့သော် ကျွန်တော့် မြန်မာစာဆရာသည် ခေါင်းခေါက်ပြီးသည်နှင့် “မင်းပုံတွေက ကောင်းသားပဲကွ။ ဒီလိုလုပ်ပါလား၊ မင်းပုံဆွဲစာအုပ်တစ်အုပ် သပ်သပ်ထား။ ပန်းချီဆရာ လုပ်မယ်ဆိုရင် ရန်ကုန်ကိုဆင်း၊ အဲဒီမှာ ငါ့သားတစ်ယောက် ပန်းချီရာမဆီမှာဆွဲနေတယ်။ အခုလောလောဆယ်တော့ စာပဲကြိုးစားပါဦးကွာ” ဟု ပြောပါသည်။ ထိုစဉ်က ခေါင်းအခေါက်ခံရ၍ ထူပူနေသည်ကိုပင်မေ့သွားပါသည်။ ဆရာက ငါဆွဲထားတဲ့ပုံတွေကို အသိအမှတ်တော့ပြုတာ ပဲဟု လည်း ကျေနပ်သွားသည်ထင်ပါသည်။ ယခုပြန်စဉ်းစားကြည့်လိုက်တော့ ထိုပထမဆုံးအကြိမ်အတွက် ခေါင်းခေါက်ဆုံးမခြင်း မလုပ်ဘဲ အသိအမှတ်ပြု သတိပေးပြီး နောက်တစ်ကြိမ်အပြစ်လုပ်မှသာ သင့်တော်သလို ဆုံးမလျှင် ပိုမကောင်းပါလားဟု တွေးမိပါသည်။ သို့သော် ကျွန်တော်အခေါက်ခံရသည့် အဖြစ်က မောင်ဆိုင်းလတ်အောင် ဦးခေါင်းအရိုက်ခံရ သလောက် မဆိုးဟုထင်သည်။ မည်သို့ဆိုစေ ကလေးဦးခေါင်းကို မရိုက်သင့်ဟုသာမြင်ပါသည်။ ကလေးတို့မှာ ကိုယ်ခန္ဓာသာ နုနယ်သည်မဟုတ်၊ စိတ်ခံစားမှု ကလည်း နုနယ်သေးသည်သာ ဖြစ်သည်။ ဆရာ/ဆရာမကို ကြောက်ရွံ့ပြီး ကျောင်းစာသင်ရမှာမပျော်ပိုက်တော့လျှင် ထိုကျောင်း သား အတွက် အလွန်နစ်နာပါသည်။ ကိုယ့်သားသမီးလို သဘောမထားဟု ဆိုရအောင်ကလည်း အချို့မိဘများမှာ အသိဥာဏ်နိမ့်ပါး၍ ကိုယ့်သားသမီးကိုပင် ကျွဲရိုက်နွားရိုက် ရိုက်သည့်မိဘမျိုးလည်းရှိပါသည်။ အချို့ ခန္ဓာကိုယ် ကျိုး/ကန်းသွားသည်အထိ ရိုက်နှက်ဆုံးမသော မိဘမျိုး ကိုလည်း တွေ့ဖူးကြပါလိမ့်မည်။ ကျွန်တော်ကတော့ မကောင်းမြစ်တား၊ ကောင်းရာညွှန်လတ် ဆိုသည့်အတိုင်း သားသမီး/တပည့်တို့ကို သဘောပေါက် နားလည်အောင် ကြိုတင်၍ နုတ်ဖြင့် ဆုံးမပဲ့ပြင်ပြီး အပြစ်ကျူးလွန်သည့်အခါကျမှသာ ကာယကံရှင်က လိုလိုလားလားဝန်ခံပြီး ထိုက်သင့်သည့် အပြစ်ဒဏ်အား စနစ်တကျ ပေးသည့် မိဘ/ဆရာသမားများ များများပေါ်ထွက်လာပါစေဟု ဆုတောင်းမိပါသည်။ ဆရာ/ဆရာမများဆိုသည်ကလည်း ပုထုဇဉ်လူသားများဖြစ်သည့်အတွက် ၄င်းတို့၏အိမ်တွင်းရေး အဆင်မပြေမှုများ၊ လောကဓံအထုအထောင်းများ များစွာကြုံတွေ့ရပြီး တပည့်ဆိုးများနှင့် ကြုံရသောအခါ မိမိကိုယ်တိုင် သတိမထားလိုက်မိဘဲ နည်းလမ်းမမှန်သည့် ဆုံးမမှုမျိုးနှင့် သတိလက်လွတ် တုံ့ပြန်လိုက်မိသည်များလည်း ရှိနိုင်ပါသည်။ သို့သော် ဆရာ/ဆရာမများဆိုသည်မှာ စစ်သားတွေကိုအုပ်ချုပ်ရသော တပ်မှူးတစ်ယောက် မဟုတ်သလို ကုမ္ပဏီဝန်ထမ်း တွေ ကို အုပ်ချုပ်ရသော မန်နေဂျာတစ်ယောက်၊ သို့မဟုတ် လုပ်သားပေါင်းများစွာကို ကြီးကြပ်အုပ်ချုပ် နေရသော စက်ရုံမှုး တစ်ယောက်လည်းမဟုတ်ပါ။ နုနယ်လှသောနှလုံးသားပေါင်းများစွာက မိမိတို့၏ အပြောအဆို ၊အနေအထိုင် ၊အပြုအမူများ ကို စံနမူနာယူ ကြည့်ရှုနေကြပြီး ပညာရင်နို့သောက်စို့ရန် ငံ့လင့်နေကြသည့် ကျောင်းသားပေါင်း မြောက်များစွာအား ပညာနှင့် မေတ္တာပေးဝေရမည့် အာစရိယများပင်ဖြစ်ပါသည်။ ကြိမ်လုံးကို လေထဲတွင် တရွှမ်းရွှမ်းဝှေ့ယမ်းပြရင်း မျက်ထောင့်နီကြီးနှင့်ကြည့်ပြီး မရိုက်ခဲ့သော တောင်ပေါ်မြို့ကလေးက ဆရာ ကိုလည်းကျေးဇူးတင်ပါသည်။ ခေါင်းကို တဒိုင်းဒိုင်းခေါက်ပြီး ကျွန်တော့် မတောက်တခေါက် ပန်းချီ လက်ရာများကို အသိအမှတ် ပြုပေးခဲ့သည့် အညာက မြန်မာစာဆရာကိုလည်း ကျေးဇူးတင်မိပါသည်။ ကျွန်တော်ဆိုးလွန်းသဖြင့် မလွှဲမရှောင်သာ ရိုက်နှက် အပြစ်ပေးဆုံးမရသည့်အခါတိုင်း စည်းမဲ့ကမ်းမဲ့ တွေ့ရာနေရာကို ကြုံသလိုရိုက်လေ့မရှိသော ကျွန်တော့်ဖခင်ကိုလည်း ကျေးဇူး တင်ပါသည်။ ကလေးငယ်တို့၏ နှလုံးသားနုနုမှာ မြားတွေ စူးမ၀င်စတမ်း ကျွန်တော်တို့မှန်ကန်သောနည်းဖြင့် လမ်းပြနိုင်အောင် ကြိုးစားဖို့ အများကြီးလိုသေးသည်ဟုထင်ပါသည်။

Read More

ဓါးသွားပေါ်ကပျားရည်စက်

ဖွဲ့စည်းပုံအခြေခံဥပဒေပြင်ဆင်ရေးနဲ့ပတ်သက်ပြီး အမျိုးသားရေးဝါဒီတွေနဲ့ တစ်ဖက်က လစ်ဘရယ်ဒီမိုသမားတွေ မကြာခဏ စကားများကြတာတွေ့ရမှာပါ။

အခြေခံဥပဒေ ပြင်ဆင်ရေးကို ကျွန်တော်မကန့်ကွက်ပါဘူး။ ဒီလိုပဲ အမျိုးသားရေး ဝါဒီတွေကလည်း အခြေခံဥပဒေ ပြင်ဆင်ရေးကို ကန့်ကွက်နေတာတော့ မဟုတ်ပါဘူး။ အမျိုးသားရေးဝါဒီတွေ အပြင်းအထန်ကန့်ကွက်နေတာက ပုဒ်မ ၅၉ (စ) ပြင်ဆင်ရေး ကိုပါ။

အခြေခံဥပဒေ ပြင်ဆင်ရေးနဲ့ပတ်သက်ပြီး ပထမဦးဆုံးတရားဝင်ထုတ်ဖေါ်ပြောကြားလာ တာ လက်ရှိအာဏာရ ပြည်ခိုင်ဖြိုး ပါတီ က စပြီးပြောလာတာပါ။ ထားတော့ ဘယ်သူ စပြောပြော ပြင်စရာရှိရင်ပြင်ရမှာပ။

ဆရာကျော်ဝင်းရဲ့ မြန်မာ့နိုင်ငံရေး နှင်းခဲပျော်ချိန် စာအုပ်ထဲမှာတော့ လာရီဒိုင်းမွန်း Larry Diamond အလိုအရ ပြန်လည်ညှိနှိုင်း ဆွေးနွေးသင့်တယ်လို့ ယူဆရ တဲ့ ပြဌာန်း ချက်တွေကို အခုလိုဖေါ်ပြထားပါတယ်။ ဒါတွေကတော့ ပုဒ်မ ၂၀ (ခ)၊ ပုဒ်မ ၄၀ (ဂ)၊ ပုဒ်မ ၅၉၊ ပုဒ်မ ၆၀၊ ပုဒ်မ ၁၀၉ (ခ)၊ ပုဒ်မ ၂၀၁၊ ပုဒ်မ ၂၃၂ (ခ) နဲ့ အခန်း ၈ တို့ပဲ ဖြစ်ပါတယ်။

ကျွန်တော်ကတော့ ဒီထဲမှာပါတဲ့ ပုဒ်မ ၅၉ နဲ့ ဒီထဲမှာမပါတဲ့ ပုဒ်မ ၄၃၆ အကြောင်းကို နည်းနည်းလောက်ပြောချင်ပါတယ်။

နောက်ပိုင်းတော့ အတိုက်အခံပါတီတွေနဲ့ နိုင်ငံရေးအင်အားစုတွေကြားမှာ အခန်း (၁၂ ) ဖွဲ့စည်းပုံအခြေခံဥပဒေပြင်ဆင်ခြင်းမှာ ပါပြီးအချုပ်ဖြစ်တဲ့ ပုဒ်မ ၄၃၆ ကိုပြင်ဆင်ရမယ်လို့ ပြောသံတွေကြားရပြန်ပါတယ်။

ပုဒ်မ ၄၃၆ (က) ကိုလေ့လာကြည့်တဲ့အခါ အဲဒီ အပိုဒ် (က) မှာဖေါ်ပြထားတဲ့ အခြေခံ ဥပဒေမှာပါတဲ့ ပြဌာန်းချက်တွေကို ပြင်ချင်ရင် ပြည်ထောင်စု လွှတ်တော်ကိုယ်စားလှယ် အားလုံးရဲ့ ၇၅ ရာခိုင်နှုန်းကျော်က လက်ခံ သဘောတူပြီးနောက် ပြည်လုံးကျွတ် ဆန္ဒခံယူ ပွဲကျင်းပပြီး ဆန္ဒမဲပေးပိုင်ခွင့်ရှိသူ အား လုံးရဲ့ ထက်ဝက်ကျော်မဲ (၅၁%) နဲ့သာ ပြင်ရ မယ်လို့တွေ့ရပါတယ်။

ပုဒ်မ ၄၃၆ (ခ) မှာတော့ အထက် ပုဒ်မ ၄၃၆ (က) မှာဖေါ်ပြထားတဲ့ ပြဌာန်းချက်တွေ ကလွဲလို့ တခြားပြဌာန်းချက်တွေကို ပြည် ထောင်စုလွှတ်တော်ကိုယ်စားလှယ် ၇၅ ရာခိုင်နှုန်းကျော်ရဲ့ ထောက်ခံဆန္ဒမဲနဲ့သာ ပြင်ရမယ်လို့ ပြဌာန်းထားတာ တွေ့ရမှာ ဖြစ် ပါတယ်။

ပုဒ်မ ၄၃၆ ကိုပြင်ဆင်ချင်တာက ပြည်ထောင်စု လွှတ်တော်ကိုယ်စားလှယ် အားလုံးရဲ့ ၇၅ ရာခိုင်နှုန်းကျော်က လက်ခံ သဘော တူရမယ်ဆိုတဲ့ အချက်ကို အဓိကထားပြင်ဆင် ချင် တာလို့ယူဆရပါတယ်။ သဘောကတော့ တပ်မတော်သား ကိုယ်စားလှယ် ၂၅ ရာခိုင်နှုန်းရဲ့ ဆန္ဒသဘောထားကို ယူစရာမလိုဘူးဆိုတဲ့ အဓိပ္ပာယ်လို့ထင်ပါတယ်။

၂၀၀၈ ဖွဲ့စည်းပုံအခြေခံဥပဒေနဲ့ တိုင်းပြည်အာဏာကိုအရပ်ဘက်ကိုလွှဲပေးတဲ့အခါ အတိုက်အခံတွေကို စစ်တပ်ကအပြည့်အဝ ယုံကြည်မှုမရှိသေးတဲ့အတွက် တပ်မတော် သားကိုယ်စားလှယ် ၂၅ ရာခိုင်နှုန်းကို လွှတ်တော်ထဲမှာထည့်ထားတာဖြစ်ပါတယ်။ ဒီတော့ တပ်မတော်ရဲ့ ဆန္ဒသဘောထားကို ကိုယ်စားလှယ် ၂၅ ရာခိုင်နှုန်းကနေ တဆင့်ပြောချင်လို့ ထည့်ထားပါတယ်ဆိုမှ အဲဒီ ၂၅% ကိုဖြုတ်ပြီး ၅၀% ကျော်နဲ့ ဆုံးဖြတ်ဖို့ဆိုတာ လက်ရှိအခြေအနေအရ ဖြစ်နိုင်ခြေရှိမရှိ စဉ်းစားဖို့လိုပါတယ်။

လက်ရှိနိုင်ငံရေးအခင်းအကျင်းဟာ တပ်မတော်က ခင်းပေးလိုက်တဲ့ လမ်းကြောင်း အတိုင်းလျှောက်လှမ်းနေရတယ်ဆိုတာကို ကျွန်တော်တို့အားလုံးသိထားပြီး သား ဖြစ်ပါတယ်။ “ဟေ့…ဒီမိုကရေစီဆိုတာ စစ်တပ်ကပေးမှရတာမဟုတ်ဘူး။ ငါတို့ဘာသာ သွေးခင်းပြီးယူလာတာကွ…” လို့ ဇွတ်မျက်စိမှိတ်အော်ချင် အော်ခွင့်ရှိပေမဲ့ အဲဒီလိုဇွတ်မှိတ်အော်မယ့် ပုဂ္ဂိုလ်များကို ၂၀၁၀ ရွေးကောက်ပွဲမတိုင်ခင် စစ်အုပ်ချုပ်ရေးကာလကို ပြန်ကြည့်ပါလို့ပဲ ပြောချင်ပါတယ်။

ကျွန်တော် စစ်တပ်ကောင်းပါတယ်လို့ မျက်စိမှိတ်အော်နေတာမဟုတ်ပါဘူး။ ဝန်ထမ်းတွေကို ဆန္ဒတောင်းခံပြီး ဖြုတ်ပစ်ခဲ့တဲ့ စစ်တပ်လုပ်ရပ်ကို အဲဒီတုန်းကတည်းက မထောက်ခံသလို အခုလည်းမထောက်ခံပါဘူး။ အခုကိစ္စက စစ်တပ်လုပ်တာ မှန်တယ်၊ မမှန်ဘူး၊ ကောင်းတယ်၊ မကောင်းဘူး အငြင်းပွားနေတာမဟုတ်ပါ ဘူး။ ဖြစ်နိုင်ခြေရှိ တာကို ဘယ်လိုလုပ်ရင်ကောင်းမလဲလို့ စဉ်းစားဖို့ပြောတာပါ။

ဆိုခဲ့တဲ့အတိုင်း စစ်တပ်က သူတို့ဆန္ဒကိုပြောချင်လို့ထည့်ထားတဲ့ ၂၅% ကိုဖြုတ်ပစ်မယ် ဆိုရင် (လူကိုမဖြုတ်ပစ်ဘဲ ဆန္ဒမဲကို ဖြုတ်ပစ်တာလည်း လူကိုဖြုတ်ပစ်တာနဲ့ အတူတူ ပါပဲ။) စစ်တပ်နဲ့ ထိပ်တိုက်ရင်ဆိုင်သလိုဖြစ်သွားမှာပါ။ မြန်မာ့နိုင်ငံရေးသမိုင်း သင်ခန်း စာများအရ စစ်တပ်နဲ့ထိပ်တိုက်ရင်ဆိုင်လို့ ဘာအကျိုးကျေးဇူးမှမရပါဘူး။ လက်ရှိ အခြေအနေက ပိုလို့တောင် အလေးဂရု မူရမယ့်အချိန်ဖြစ်ပါတယ်။

ဟုတ်ကဲ့….အခြေခံဥပဒေပါ ပြဌာန်းချက်များကိုပြင်ဆင်ရာမှာ ပြည်ထောင်စု လွှတ်တော် ကိုယ်စားလှယ် အားလုံးရဲ့ ၇၅ ရာခိုင်နှုန်း ကျော်ရဲ့ ထောက်ခံ မဲနဲ့ပြင်ရမယ် ဆိုတဲ့ ပြဌာန်းချက်ကို ပယ်ဖျက်ပြီး ပြည်ထောင်စု လွှတ်တော်ကိုယ်စားလှယ် အားလုံးရဲ့ ၅၀ ရာခိုင်နှုန်းကျော်ရဲ့ ထောက်ခံမဲနဲ့ပြင်ရမယ်လို့ ပြင်ဆင်ချင်တာဆိုရင်တော့ ဒါဟာ စစ်တပ်ကိုစိန်ခေါ်လိုက်တာနဲ့ အတူတူပါပဲ။

လုပ်သင့်၊ မလုပ်သင့်၊ ဖြစ်နိုင်၊ မဖြစ်နိုင် စဉ်းစားကြပေါ့ခင်ဗျာ။ တစ်ခုခုဖြစ်လို့ခံရရင် တစ်တိုင်းပြည်လုံးခံရမှာပါ။ တိုင်းပြည်ကို ဒီမိုကရေစီစနစ်နဲ့ ဦးဆောင်သွားချင်ပါ တယ်ဆိုတဲ့ နိုင်ငံရေးသမားများရဲ့ အမြော်အမြင်ကြီးမှုကို ကျွန်တော်ကတော့စောင့် ကြည့် ချင်ပါတယ်။

နောက်တစ်ခုကတော့ အများသိ ပုဒ်မ ၅၉ (စ) ပဲဖြစ်ပါတယ်။ ကိုင်း…ကြည့်ရအောင်….။ “မိမိကိုယ်တိုင်သော်လည်းကောင်း၊ မိမိ ၏ မိဘ တစ်ပါးပါးသော်လည်းကောင်း၊ မိမိ၏ ဇနီး သို့မဟုတ် ခင်ပွန်းသော်လည်းကောင်း၊ မိမိ၏ တရားဝင်သားသမီး တစ်ဦးဦး သော် လည်းကောင်း၊ ထိုတရားဝင်သားသမီး တစ်ဦးဦး၏ ဇနီး သို့မဟုတ် ခင်ပွန်းသော် လည်းကောင်း နိုင်ငံခြားအစိုးရ၏ ကျေးဇူး သစ္စာတော်ကို ခံယူစောင့်ရှောက်ရိုသေသူ သို့မဟုတ် နိုင်ငံခြားအစိုးရ၏ လက်အောက်ခံဖြစ်သူ သို့မဟုတ် တိုင်းတစ်ပါး၏ နိုင်ငံ သားဖြစ်သူများ မဖြစ်စေရ၊ ထိုသူများသည် နိုင်ငံခြားအစိုးရ၏ လက်အောက်ခံဖြစ် သူသော်လည်းကောင်း၊ တိုင်းတစ်ပါး၏ နိုင်ငံ သားသော်လည်းကောင်း ခံစားရသော အခွင့်အရေးများနှင့် ကျေးဇူးခံစားခွင့်များကို ခံစားနိုင်ခွင့်ရှိသူများ မဖြစ်စေရ” လို့ ပုဒ်မ ၅၉ (စ)မှာ ဖေါ်ပြထားတာ တွေ့ရပါတယ်။

အတိုက်အခံအဖွဲ့ဘက်က ဒီပုဒ်မဟာ ဒေါ်အောင်ဆန်းစုကြည် သမ္မတမဖြစ်အောင်လို့ စစ်တပ်ကရည်ရွယ်ပြီးရေးထားတာလို့ စွပ်စွဲ ပါတယ်။ ဒါ့အပြင် သူတို့ရဲ့အကြောင်းပြ ချက် နောက်တစ်ခုက အရင်ရှိခဲ့တဲ့ အခြေခံဥပဒေတွေမှာတောင် ဒီလိုပြဌာန်းချက်တွေ မပါဘူး ဆိုတာပဲဖြစ်ပါတယ်။

ဟုတ်ကဲ့ အရင်တုန်းက အချိန်မရလို့သော်လည်းကောင်း၊ မလိုသေးလို့သော် လည်းကောင်း ထည့်မဆွဲခဲ့တာနေမှာပါ။ ၁၉၈၂ နိုင်ငံသားဖြစ်ခွင့်ဥပဒေတောင် ၁၉၈၂ မှဆွဲရတာလေ။ လိုအပ်တဲ့အချိန်ဆွဲမှာပေါ့။ ၁၉၄၇ အခြေခံဥပဒေဆွဲတုန်းက လူဦးရေ သန်း ၂၀ တောင်မပြည့်သေးပါဘူး။ ဒီလိုပဲ ၁၉၇၄ အခြေခံဥပဒေဆွဲတော့လည်း လူဦးရေ သန်း၃၀ မကျော်သေးပါဘူး။ အခု လူဦးရေ သန်း ၆၀ ဝန်းကျင်လေ။ ဘယ်တူပါ့မလဲ။

ပုဒ်မ ၅၉ (စ) ကို ပြင်လိုက်ရင် ဒေါ်အောင်ဆန်းစုကြည်သာမက နောင်မှာ တရုတ်၊ ကုလားနဲ့ တခြားနိုင်ငံခြားသွေးပါသူတွေဟာ မြန်မာနိုင်ငံရဲ့ သမ္မတဖြစ်လာနိုင်ပါတယ်။ ပုဒ်မ ၅၉ (စ) ဟာ ဒီလိုမဖြစ်အောင်ကာကွယ်ထားတာပါ။ ဒေါ်အောင်ဆန်းစုကြည် တစ်ယောက်တည်းကို ရည်ရွယ်ပြီးရေးဆွဲထားတာလို့ ကျွန်တော်တော့မယုံကြည်ပါဘူး။

အေဒီ ၂ ရာစုကပဲ စစ၊ အေဒီ ၁၁ ရာစုကပဲ စစ မြန်မာပြည်ကို ဗမာမင်းနဲ့ ရှမ်းဗမာ ကပြားမင်း (ငါးစီးရှင်ကျော်စွာတို့ ညီအစ်ကို တစ်သိုက်) တွေက အုပ်ချုပ်ခဲ့ကြတာပါ။ ဘယ်သူပဲ အုပ်ချုပ်ခဲ့ အုပ်ချုပ်ခဲ့ မင်းတိုင်းဟာ ဗုဒ္ဓဘာသာဝင် မင်းတွေချည်းဖြစ်ပါတယ်။

အမေရိကန်ပြည်ထောင်စုကတော့ လွတ်လပ်ရေးကြေညာစာတမ်း Independence Declaration မှာကိုက All men are created equal နဲ့စတာပါ။ နိုင်ငံတော်ဆောင် ပုဒ်က ဒေါ်လာငွေမှာထည့်သွင်းပုံနှိပ်ထားတဲ့ In God We Trust ပါ။

စကားစပ်လို့ ပြောရရင် လူသားကို အင်္ဂလိပ်လို Human Being လို့ခေါ်တာ သိကြမှာပါ။ ဘာဖြစ်လို့အဲဒီလိုခေါ်တယ်ဆိုတာလေး Sharing လုပ်ချင်ပါတယ်။ Being ဆိုတာ Be လို့အလွယ်ခေါ်ကြတဲ့ Verb to be ရဲ့ V+ing ပုံစံပါ။ အင်္ဂလိပ်ဝါကျမှာ Passive Voice ရေးတဲ့အခါ Verb to be နဲ့ V3 လို့အလွယ်ခေါ်ကြတဲ့ Past Participle တို့ကို တွဲရေးရပါတယ်။ အဓိပ္ပာယ်ကတော့ တစ်စုံ တစ်ခု ပြုလုပ်တာကိုခံရတဲ့ အဓိပ္ပာယ်ပါ။ ဒီတော့ Human Being ဆိုတာ ဖန်ဆင်းခံလူသားလို့အဓိပ္ပာယ်ရပါတယ်။ ဒါက ခရစ် ယာန် ဘာသာရေးစာအုပ်တစ်အုပ်ကနေ ဖတ်ခဲ့ဖူးတာပါ။ Human Doing မဟုတ် Human Being လို့ဆိုပါတယ်။

ပြန်ကောက်ရရင် ဒီမိုကရေစီစနစ်နဲ့သွားမယ်ဆိုပေမဲ့ ကျွန်တော်တို့နိုင်ငံဟာ အမေရိကန်၊ သြစတေးလျ၊ ဟောင်ကောင်၊ ကိုးရီး ယား တို့လိုနိုင်ငံမျိုးတော့ မဖြစ်နိုင်ပါဘူး။ အများစုဖြစ်တဲ့ ဗုဒ္ဓဘာသာဝင်ဗမာတွေကလည်း လက်ခံမှာ မဟုတ်ပါဘူး။ တိုင်းပြည် ကံကြမ္မာအရ ဆင်းရဲခဲ့ရပေမဲ့ ဗမာတွေဟာ သူတို့ဘိုးဘေးတွေရဲ့အမွေဖြစ်တဲ့ ဗုဒ္ဓဘာသာက သင်ကြားပေးထားတဲ့လွတ်လပ်မှုကို အင်မတန်မြတ်နိုးပါတယ်။

မြတ်စွာဘုရားရဲ့ ကာလာမသုတ်ထဲမှာပါတဲ့ “ မိမိကိုးကွယ်ကြည်ညိုတဲ့ ပုဂ္ဂိုလ်ကပြော တဲ့စကားကိုလည်း မယုံကြည်လေနဲ့ဦး” ဆိုတဲ့ အဆုံးအမကို ဗမာတွေဟာ အင်မတန် တန်ဖိုးထားပါတယ်။ ဗကပ ကော် ၈၁၅ ရဲ့ ရင်းနိုင်ငံရေးမှူးဟောင်း ဆရာသန်းစိုးနိုင် တော်ဝင်နှင်းဆီ မှာပြောသွားတာလေး ကျွန်တော့်နားထဲ အမြဲလိုလိုစွဲနေပါတယ်။ “ဘာ Critical Thinking လဲ၊ ဘာတွေများ ထူးဆန်းလို့လဲ၊ ဘာများဆန်းသစ်လို့လဲ၊ လွန်ခဲ့တဲ့ နှစ်ပေါင်း ၂၅၀၀ ကျော်က ဗုဒ္ဓမြတ်စွာဘုရား က ဟောသွားခဲ့ပြီးပြီ ဝိဘဇ္ဇဝါဒတဲ့။ ” အဲဒီတုန်းက ကျွန်တော်ဆရာသန်းစိုးနိုင် ကိုငေးကြည့်နေမိတယ်၊ ဒါ ကော် ၈၁၅ ရဲ့ ရင်းနိုင်ငံရေးမှူးလုပ်ခဲ့တဲ့ ကွန်မြူနစ်ကြီး တစ်ယောက်တဲ့လား။

ပြောရမယ်ဆိုရင် ဆင်းရဲလွန်းလို့ မာနတွေကျိုးပဲ့သွားတဲ့သူတချို့တလေနဲ့ Sex Worker တွေကလွဲရင် ဗမာတွေဟာ တိုင်းရင်း သား အချင်းချင်းကလွဲလို့ ကျန်တဲ့ လူမျိုးခြားနဲ့သွေးနှောဖို့ကိစ္စကို အင်မတန်စက်ဆုပ်ပါတယ်။ ဒီတော့ သူတို့ တိုင်းပြည်ကို အုပ်ချုပ် မင်းလုပ်မယ့် နိုင်ငံတော်သမ္မတကိုလည်း မုတ်ဆိတ်ကြီးတွေ၊ မျက်ပေါက်မှေးကြီးတွေ၊ ငတက်ပြားနှာခေါင်းကြီးတွေကို မလိုချင် ကြပါဘူး။

တချို့ကပြောတယ် ဘယ်မြန်မာနိုင်ငံသားက နိုင်ငံခြားသားကို သမ္မတအဖြစ် တင်မြှောက်မှာလဲတဲ့။ ဟုတ်ကဲ့ တံခါးမပွင့်သေး လို့ ပါ။ တံခါးဖွင့်လိုက်ရင် ဝုန်းခနဲ ဝင်လာကြမှာပါ။ တချို့များဆို ဆိုးတဲ့နိုင်ငံသားထက် ကောင်းတဲ့နိုင်ငံခြားသား အုပ်ချုပ် တာ ပိုမ ကောင်းဘူးလားတဲ့။ ဘုရား ဘုရား ရုတ်တရက်ကြည့်လိုက်ရင် ဟုတ်သလိုလိုနဲ့ ထွက်ရဲလိုက်တာ၊ ပြောရဲလိုက်တာ။ ကာကွယ် ရေးဦးစီးချုပ်ဟာ သမ္မတ ရဲ့အောက်မှာရှိရမယ်လို့ တဖွဖွပြောနေတဲ့သူတို့ဟာ ကျွန်တော်တို့ တပ်မတော်ကြီး တစ်ခုလုံးကို တရုတ်၊ ကုလား၊ ငတက်ပြားတွေရဲ့လက်အောက်ကို သွပ်သွင်းနေ တာပါကလား။ မြန်မာ့တပ်မတော်ကြီးဟာ တရုတ်၊ ကုလား၊ ငတက်ပြား တွေရဲ့အမိန့်ကို နာခံရမယ့်ကိန်းပါလား။

နိုင်ငံခြားသားတို့၊ နိုင်ငံခြားသွေးပါတာတို့၊ နိုင်ငံခြားကျေးဇူးသစ္စာစောင့်သိတဲ့သူတို့မပြောနဲ့ တပ်မတော်ထဲမှာ အလံကိုင်သစ္စာ ဆို ခဲ့တဲ့ အောင်လင်းထွဋ်တို့ စိုင်းသိန်းဝင်း တို့တောင် နိုင်ငံတော်ကို သစ္စာဖေါက်သွားကြသေးတာကလား။

သူတို့ကတော့ပြောမှာပါ။ သူတို့နိုင်ငံတော်ကို သစ္စာဖေါက်တာမဟုတ်ပါဘူး။ စစ်အာဏာရှင်ကိုသာ သစ္စာဖေါက်တာပါလို့ပြောကြ မှာပေါ့။

စစ်အာဏာရှင်ဆိုလို့ပြောရဦးမယ်။ အများပြောသလို စစ်အာဏာရှင်ဆိုတဲ့ ဗိုလ်ချုပ်မှူးကြီးသန်းရွှေဟာ အခုဆို အသက် ၈၅ ဝန်းကျင်လောက်ရောက်နေပါပြီ။ လွန်ခဲ့တဲ့ ၁၀ နှစ်ကျော်လောက်ကဆို ၇၅ နှစ်ပေါ့ဗျာ။ အဲဒီတုန်းက ၇၅ နှစ်လောက် ရှိတဲ့ အဖိုးအိုကြီးတစ်ယောက်ကို အားကောင်းမောင်းသန်စစ်ဗိုလ်ချုပ်ကြီးတွေက အာဏာရှင်ကြီးသဖွယ်ကြောက်နေကြတယ်ဆိုတာ ဟုတ်ကောဟုတ်ရဲ့လားလို့ ကျွန်တော်တော့စဉ်းစာမိတယ်။

လူတိုင်းခါးမှာ ဗြောက်အကောင်းစားတွေချိတ်ထားကြတာဗျာ၊ ကန်တော့ပါရဲ့ ငါတို့ကို နိစ္စဓူဝ ညှင်းဆဲ နေတဲ့ အဖိုးကြီးဆိုပြီး ရှင်း ပစ်လိုက်လို့မရဘူးလား။ သူကတစ်လက်ထဲ ဗျာ။ ဘေးနားက စစ်ဗိုလ်ချုပ်တွေရဲ့ခါးမှာ အလက် ၂၀ ကျော်လောက်ရှိတာ။ ပြီး တော့ ဗိုလ်ချုပ်မှူးကြီးက ကောင်းဘွိုင်မင်းသား ကလင့်အိဝုဒ်လည်း မဟုတ်သ လို ဟောင်ကောင်က ဂျက်လီလည်းမဟုတ်ဘူး၊ စပိုက်ဒါမန်းလည်းမဟုတ်ဘူး၊ လုပ်လို့ မရဘူးလား။ သိပ်ရတာပေါ့။ ရရင်ဘာလို့အဲဒီလိုမလုပ်သလဲ။ ဦးနှောက်ရှိရင် စဉ်းစား ကြည့်ပေါ့ဗျာ။

ကိုယ်လိုရာကိုယ်ဆွဲတွေးပြီးရောကြိတ်ရင်လည်းမတတ်နိုင်ဘူး။ ကျွန်တော်က ဗိုလ်ချုပ်မှူးကြီးတပည့်ရင်းမဟုတ်သလို ဖိုးလပြည့် နဲ့လည်းမရင်းနှီးပါဘူး။ စစ်တပ်ကထွက်လာတော့ လုပ်သက်ဆုကြေးကလွဲလို့ ပင်စင်တောင်မရဘူး။ အခုထိမြေတစ်ကွက်မရှိပါ ဘူး။ အဲ…စားစရာမရှိပေမဲ့ ဦးနှောက်ကိုတော့ အလကားမထားတတ်ဘူး။ ဒီလိုပဲတွေးကြည့်ကြတာပေါ့။

အော်…ဗိုလ်ချုပ်မှူးကြီးသန်းရွှေလုပ်သမျှ အကုန်ကောင်းတယ်ပြောနေတာ မဟုတ် ဘူးနော်။ သူလည်းလူပဲ မှားတာတွေရှိမှာပေါ့။ လောကကြီးမှာ တစ်ခါမှ မမှားဖူးဘူး ဆိုတဲ့သူပြစမ်းပါဦး။ ခင်ဗျားတို့တွေက စစ်အာဏာရှင်ဆိုလို့သာ အာဏာရှင်လိုက်ရတာ၊ ကျွန်တော်ကတော့ စစ်အုပ်ချုပ်ရေးဆိုတာကိုလက်ခံတယ်၊ စစ်အာဏာရှင်ဆိုတာ လက်မခံပါဘူး။ ဗိုလ်ချုပ်မှူးကြီးသန်းရွှေက အာဏာရှင်ဆက်ဒမ်ဟူစိန်လို သူ့အမိန့် မနာခံတဲ့ စစ်ဗိုလ်ချုပ်ကိုအခန်းထဲခေါ်ပြီး ပစ္စတိုနဲ့ပစ်သတ်လိုက်တယ်လို့လည်း တစ်ခါမှ မကြားဖူးပါဘူး။

စိန်စီသောညအခွေကြည့်ဖူးပါတယ်။ တိုင်းပြည်ကဆင်းရဲပြီး သူ့သမီးတော်တွေ ဒီလိုဝတ်စားပြတာတော့ မကောင်းဘူးပေါ့ဗျာ။ ဒါပေမဲ့ ထိုင်းကရှပ်နီတွေပြော သလိုပြောရရင် “ဘယ်ကောင်တက်တက် သူခိုးချည်းပဲ၊ အေး ဒါပေမဲ့ သက်ဆင်က ငါတို့ဆင်းရဲ သားတွေကို ကြည့်သေးတယ်…” တဲ့။ အော်… ဗိုလ်ချုပ်မှူးကြီး ဆင်းရဲ သားတွေကိုကြည့်သေးတယ်လို့ပြောတာမဟုတ်ဘူးနော်၊ ဘယ်သူမှမကင်းဘူး လို့ပြောတာပါ။

ကိုင်း ပြောရင်းဆိုရင်း လမ်းကချော်သွားပြန်ပြီ။ ပြန်ဆက်ရအောင် ပုဒ်မ ၅၉ (စ) ဆိုတာ အမျိုး၊ ဘာသာ၊ သာသနာနဲ့ ဆက်နွယ် နေပါတယ်။ စစ်အုပ်ချုပ်ရေးကို မုန်းလို့ရပါတယ်။ ကျွန်တော်လည်းမကြိုက်ပါဘူး။ ဒါပေမဲ့ စစ်အုပ်ချုပ်ရေးမုန်းတယ် ဆိုပြီး နိုင်ငံ တော်ကာ ကွယ်ရေးအတွက်ထားထားတဲ့ ဒုံးကျည်တွေပင်လယ်ထဲသွားလွှင့်ပစ် လို့တော့ ဖြစ်ဘူးလေ။ ဒီလိုပဲ စစ်အစိုးရ လက် ထက်မှာ ဆွဲခဲ့တဲ့ ဥပဒေထဲက ပြဌာန်း ချက်ဆိုပြီး အကုန်လျှောက်ဖျက်လို့တော့ ဘယ်ဖြစ်ပါ့မလဲ။ ဒီဥပဒေဟာ ငါတို့နိုင်ငံ သားတွေ အကျိုးစီးပွားကို ကာကွယ်တဲ့ ဥပဒေလား၊ အကျိုးယုတ်စေတဲ့ ဥပဒေလားဆိုတာတော့ လေ့လာဦးမှပေါ့။

သမ္မတကိစ္စအသာထားပါဦး။ လောလောဆယ် ထင်သာမြင်သာရှိတဲ့ ဘူးသီးတောင် -မောင်းတောကိုကြည့်။ ကျွန်တော်တို့ ခင်ဗျား တို့ မနည်းပြန်တည်ဆောက်ရဦးမယ်။ အခုအချိန်က သွေးတိုးတွေ၊ နှလုံးတွေစမ်းနေတဲ့အချိန်ဗျ။ တလောက ဘင်္ဂလားဒေ့ရ်ှက ဂျာနယ်လစ် ပေါက်ကရပြောတော့ ဦးကိုနီတို့၊ ကိုမြအေးတို့ ဘာတွေထပြောကြသ လဲ၊ ပြည်ထောင်စုကိုမထိနဲ့ အသက်ပေးပြီး ကာကွယ်သွားမတဲ့။ ဟင်း…ဟင်း လှစ်လှစ်ကလေးနော်။ ခင်ဗျားတို့ ဝူးဝါးဝူးဝါးသမားတွေလောက်တော့ သနားတယ်။

စကားစပ်လို့ အမျိုးသားရေးဝါဒီတွေကို ပြောချင်သေး တယ်။ ဒေါ်စုကိုလည်းရမ်းပြီး အပြစ်မတင်ပါနဲ့၊ အိုဘားမားကိုလည်း အပြစ်တင် မစောပါနဲ့။ သူတို့ ဇာတ်ရုပ်က ဒီနေရာမှာ ဒီစကားပဲပြောရမှာလေ။ ပြောသမျှစကားတိုင်းဟာ သူတို့ရင်ဘတ်ထဲက စကား တွေပါလို့ ခင်ဗျားတို့ အပ်ချမတ်ချပြောနိုင်လို့လား။

ဒီလိုပဲ လစ်ဘရယ်သမားတွေကိုလည်းပြောချင်ပါတယ်။ ခင်ဗျားတို့က လစ်ဘရယ်ဆိုရင် ကျွန်တော်တို့က ကွန်ဆာဗေးတစ်တွေပဲ ထားလိုက်ပါတော့။ ကျွန်တော်တို့ ၅၉ (စ) မပြင်ချင်ဘူးဆိုတာ ဒေါ်အောင်ဆန်းစုကြည်ကို သမ္မတ မဖြစ်စေ့ချင်လို့ လုံးဝ (လုံးဝ) မဟုတ်ဘူး။

ဆရာတော်ဦးဝီရသူပြောသလိုပဲ ၅၉ (စ) ကို ဒေါ်အောင်ဆန်းစုကြည်တစ်ယောက်တည်း အတွက်ပဲ ပြင်လို့ရမယ်ဆိုလို့ကတော့ အိုး…ဘယ်ပြောကောင်းမလဲ ။ ကောင်းလှောင့်တေး …ကောင်းလှောင့်တေးပေါ့ဗျာ။ ဒါမှမဟုတ်လည်း နိုင်ငံတော်၏အကျိုးငှာ အမျိုးသားခေါင်းဆောင်ကြီး ဗိုလ်ချုပ်အောင် ဆန်း ၏ သမီးဖြစ်သူ ဒေါ်အောင်ဆန်းစုကြည်တစ်ဦးတည်းအတွက် ပုဒ်မ ၅၉ (စ) ကင်း လွတ်ခွင့်ပြုရန် ပြည်ထောင်စုလွှတ်တော်၏ အထူးအစည်းအဝေးတွင် မဲခွဲဆုံးဖြတ်လိုက်သည် ဆိုလည်းလက်ခံပါတယ်။

အသိဉာဏ်အမြော်အမြင်ရှိရင် မြန်မာတိုင်းရင်းသားမှန်သမျှ (ဗမာအပါအဝင် တိုင်းရင်းသားအားလုံးကို ဆိုလိုပါတယ်။) ၅၉ (စ) ဘာ့ကြောင့်ပြဌာန်းထားတယ် ဆိုတာ မြင်နိုင်ပါတယ်။ ဒါဟာ လူတစ်ဦးတစ်ယောက်တည်း အတွက် ရေးဆွဲပြဌာန်း ထားတာ မဟုတ်ပါဘူးဗျာ။ ကျွန်တော်တို့တစ်မျိုးသားလုံးရဲ့ National Identity အမျိုးသားရေးသွင်ပြင်လက္ခဏာတွေ ပျောက်ပျက်သွားမှာ စိုးလို့ပါ။

၅၉ (စ) ကို ပြင်ချင်တဲ့သူတွေကို ကျွန်တော်မကြာခဏမေးဖူးပါတယ်၊ ၅၉ (စ) ဖြုတ်လိုက်လို့ဒေါ်စုသမ္မတဖြစ်သွားတယ်ထားဦး၊ ဒေါ်စုသက်တမ်းကုန်လို့ တစ်ချိန်ချိန်မှာ နောင်တက်လာမယ့်သမ္မတလောင်းတွေထဲက တစ်ယောက်ယောက် ဟာ နိုင်ငံခြားသား တွေနဲ့ တစ်နည်းမဟုတ်တစ်နည်း ဆက်စပ်ပတ်သက်နေတယ်ဆိုရင် ခင်ဗျားတို့ဘယ်လိုကာကွယ်ကြမှာလဲဆိုတော့ တစ်ယောက် မှ ရှင်းရှင်းလင်းလင်း မဖြေနိုင်ကြဘူး။

ဒေါ်စုကိုသမ္မတဖြစ်စေချင်တဲ့ သူတို့ဆန္ဒကိုကျွန်တော်နားလည်ပါတယ်။ ဒါပေမဲ့ ဒါက ခံစားချက်ပါ။ ခံစားချက်တွေဟာ တစ်ခါ တလေ လက်တွေ့ဘဝမှာ ကောင်အထည်ဖေါ်ဖို့ ခက်တယ်ဆိုတာ တွေ့ရမှာပါ။

ဆယ်စုနှစ်တစ်ခုစာလောက် ကျွန်တော်တို့ပျော်ရွှင်ပြီး ကျွန်တော်တို့ခင်ဗျားတို့ သားသမီးမြေးမြစ်တွေကို တစ်ချိန်ချိန်မှာ တရုတ်၊ ကုလား၊ ငတက်ပြားတွေ လက်ထဲ ထိုးအပ်ခဲ့မလို့လား။ မျက်တောင်မွေးတစ်ဆုံးမကြည့်ကြပါနဲ့ဗျာ၊ မျက်စိတစ်ဆုံးကြည့်ကြစေချင် ပါတယ်။

ကျွန်တော်တို့ဒေါ်စုကို မမုန်းပါဘူး။ ဗိုလ်ချုပ်သမီးဗျာ။ ဘယ့်နှယ်မုန်းရမှာ လဲ။ ဒေါ်စုအတွက်ဆိုပြီး ဖွင့်လိုက်တဲ့ အမျိုးသား ကာကွယ်ရေး ခံတပ်တံခါး ကနေ နောက်ဆက်တွဲဝင်လာမယ့် အန္တရာယ်တွေကို ကာကွယ်နေတာပါဗျာ။

အဲဒီအန္တရယ်က လောင်းကြေးထပ်လို့မရဘူး၊ ရှုံးရင် ခင်ဗျားတို့ ကျွန်တော်တို့ပေးလိုက် ရမှာက တိုင်းပြည်နဲ့လူမျိုးလေ…၊ ပျားရည်ကချိုပါတယ်၊ ဒါပေမဲ့ လျက်ရမှာက အရောင်တလက်လက်ထနေတဲ့ ဓားသွားပေါ်မှာ…..။ ။

(၁၃၅ မျိုးသော တိုင်းရင်းသားညီအစ်ကိုမောင်နှမအားလုံးကိုရည်ညွှန်းပြီး ဒီစာကိုရေးပါတယ်။)

Read More

အလုပ်လျှောက်ထားတဲ့ Media တွေ Company တွေထဲက တော်လှန်ရေးပန်းခြံ ထိပ်နားမှာရှိတဲ့ ACK & Co Services Co., Ltd က ဒီနေ့ မေ ၁၁ ရက်နေ့မှာ ကျွန်တော်လျှောက်ထားတဲ့အလုပ်ကို အခြားတစ်ယောက်ကိုခန့်ထားလိုက်ပြီဆိုတာ ဖုန်း ဆက်ပြီး အကြောင်းကြားပါတယ်။ အလုပ်ရခြင်းမရခြင်းထက် ကိုယ့်ကုမ္ပဏီအလုပ်လာလျှောက်တဲ့သူကို အခုလို တလေး တစား အရေးထားပြီးအကြောင်း ပြန်ပေးတာဟာ အင်မတန် လူကြီး လူကောင်း ဆန်ပြီး ရည်မွန်တဲ့သူတွေသာ လုပ်လေ့လုပ်ထရှိတဲ့ အလေ့အထဖြစ်ပါတယ်။ အလုပ်ရှင်တစ်ယောက်အနေနဲ့ ခင်ဗျားတို့ အဲဒီလို ဘယ်နှခါလောက် အကြောင်းပြန်ပေး ဖူးပါသလဲ။ ကျွန်တော်တော့ ဒီတစ်ခါပဲကြုံဖူးသေးတာပါ။ အလုပ်လုပ်ခွင့်မရပေမဲ့ အဲဒီကုမ္ပဏီကို ကျွန်တော်အထင်ကြီးလေးစားပါတယ်။ “ကိုရဲကျော်ရဲ့ CV Form ကို ကျွန်တော်တို့သိမ်းထားပါတယ်။ လုပ်ငန်းလိုအပ်ချက်အရ လိုအပ်တဲ့အခါမှာ ထပ်ခေါ်ပါ့ မယ်” လို့တောင်ပြောလိုက်ပါသေး တယ်။ မြန်မာ ဆန်ဆန်တွေးရင် “ခင်ဗျားအစား တခြားတစ်ယောက်ကို ခန့်လိုက်ပြီဗျာ” ဆိုလည်း ပြီးတာပါပဲ။ အခုတော့ ဒီလိုမဟုတ်ပါဘူး။ အလုပ်လျှောက်တဲ့ ဝန်ထမ်း စိတ်ဓါတ်ကျမသွားအောင် Encouragement ပါ တစ်ခါတည်း လုပ်ပေးလိုက်သေးတာပါ။ အဓိပ္ပာယ်ကတော့ “ခင်ဗျားကို အလုပ်မခန့်တာ ခင်ဗျားအရည်အချင်းတွေကို မယုံကြည်လို့၊ မကြိုက် လို့ မဟုတ်ပါဘူးဗျာ။ တခြားအကြောင်းကြောင်းတွေကြောင့် ခင်ဗျားလျှောက်တဲ့နေရာကို တခြားလူကိုခန့်လိုက်တာပါ။” လို့လည်း သွယ်ဝိုက်ပြီး ညွှန်းဆိုရာရောက်ပါတယ်။ ဘာပဲဖြစ်ဖြစ် ACK & Co Services Co., Ltd ကို ကျွန်တော်ကျေးဇူး အများကြီး တင်ပါတယ်။ မြန်မာနိုင်ငံက ကုမ္ပဏီတွေ ဒီကုမ္ပဏီကို အတုယူနိုင်ကြပါစေလို့လည်း ဆုတောင်းပါတယ်။ လူကို လူလိုသဘောထားမှသာ လူ့လောကကြီး ပိုပြီးသာယာလာမှာပါ။ ကျွန်တော်တို့ဆီက ကုမ္ပဏီတချို့ဟာ ကိုယ်က သူများဝန်ထမ်းကိုလိုချင်ရင်တော့ နည်းအမျိုးမျိုးနဲ့ ရအောင်ယူတတ် ပါ တယ်။ ကိုးရီးယားကားထဲက ညစ်ပတ်နည်းတွေလောက်တော့ သနားတာပေါ့။ အဲ…ကိုယ်မလိုချင်တော့တဲ့ဝန်ထမ်း၊ ဒါမှမဟုတ် သာမန်ဝန်ထမ်းတစ်ယောက် ကိုယ့်ဆီကထွက်တော့မယ်ဆိုရင် တခြားအလုပ်လျှောက်ရာမှာ အဆင်မပြေဘဲ ကမောက်ကမ ဖြစ်အောင် လစာကို အကုန်ထုတ်မပေးတာတို့၊ လကုန်ပြီး လေးငါးရက်ကြာမှ လစာပေးတာတို့ လုပ်လေ့ရှိပါတယ်။ ဒီကနေ့ ကမ္ဘာပေါ်မှာမေဒေးနေ့ရယ်လို့ဖြစ်လာမယ့် မေလ ၁ ရက်နေ့ဟာ အမေရိကန်တစ်နိုင်ငံလုံးမှာရှိတဲ့ အလုပ်သမား တွေအားလုံး တစ်ရက်အလုပ်ချိန် ၈ နာရီဆိုတဲ့ အခွင့်အရေး ရအောင် အမေရိကန်ပြည်ထောင်စု ဖို့ဒ်ကားကုမ္ပဏီ ပိုင်ရှင် မစ္စတာ ဖို့ဒ်က သူ့အလုပ်သမားတွေကို ဆန္ဒပြခိုင်းတာကနေ စပြီးပေါ်ပေါက်လာတာပါ။ အခုဆို တစ်ကမ္ဘာလုံးက လိုက်နာကျင့်သုံးနေတဲ့ စံတစ်ခု ဒါမှမဟုတ် ဥပဒေ တစ်ရပ် ဖြစ်သွားပါပြီ။ ဒါတောင် ကျွန်တော်တို့နိုင်ငံမှာ အလုပ်ချိန်ခေါင်းပုံဖြတ်တဲ့ ကုမ္ပဏီတွေရှိဆဲပါပဲ။ အလုပ်သမားတွေအမြဲမှန်တယ်လို့ ကျွန်တော်မဆိုလိုပါဘူး။ အလုပ်သမားတွေ ဘက်ကလည်းမှားနိုင်ပါတယ်။ ဒါပေမဲ့ တစ်နေ့ကို ထန်းလျက်ခဲ သုံးလေးလုံး ထမင်းချိုင့်ထဲထည့်ပြီး အလုပ်ဆင်းနေရတဲ့ စက်ရုံအလုပ်သမတွေကို ခင်ဗျားတို့တွေ့ဖူး၊ ကြားဖူးကြလား။ လမ်းဘေးက အပေါဆုံးဟင်းလျာတစ်မျိုးမျိုးကိုတောင် ဝယ်ချက် မစားနိုင်လို့ ထန်းလျက်ခဲ သုံးလေးလုံးနဲ့ ထမင်းချိုင့်ထည့်ပြီး အလုပ်ဆင်းနေရတယ် ဆိုတာ ပုံပြင်မဟုတ်ပါဘူး။ လှိုင်သာယာဘက်က စက်ရုံတွေကိုသွားလေ့လာကြည့် ရင် တွေ့ရပါလိမ့်မယ်။ ဆင်းရဲတွင်းကနက်လွန်းတော့ တောင့်ခံထားရတဲ့ စာရိတ္တတွေလည်း နွားဝင်တိုးတာ မခံနိုင်တော့တဲ့ ခြံစည်းရိုးအဆွေးလို ဟိုကပေါက် ဒီကပြဲနဲ့ပေါ့။ မှတ်မှတ်ရရ ၂၀၀၃-၂၀၀၄ ဝန်းကျင်လောက်ဖြစ်မယ်ထင်တယ်၊ ကျွန်တော်ကော့သောင်းက INGO တစ်ခုမှာလုပ်နေတုန်း အမေရိကန်အစိုးရက စီးပွားရေးပိတ်ဆို့မှုတွေ ထပ်ပြီး တိုးမြှင့်လိုက်တော့ ရန်ကုန်က အထည်ချုပ်စက်ရုံတွေ ပိတ်လိုက်ရတယ်။ ရလဒ်ကတော့ အထည်ချုပ်စက်ရုံပေါင်းများစွာကို မှီခိုပြီး အသက်ရှင်နေရတဲ့ မိသားစုဘဝလေးတွေ ပြိုကွဲပျက်စီးသွား တယ်။ မိန်းကလေးတချို့ ကော့သောင်းက Restaurant လို့အမည်ခံထားတဲ့ Brothel တွေဆီကိုရောက်လာကြတယ်။ အဲဒီအထဲ မှာ အလုပ်တစ်ဖက်နဲ့ အဝေးသင်တက္ကသိုလ်တက်နေတဲ့ မိန်းကလေးတချို့တောင်ပါတယ်။ အဲဒီအချိန်က ကျွန်တော့်ခံစားချက်ကိုပြောရရင် အစိုးရကိုရော အမေရိကန်ကိုရော အတော်လေးစိတ်ပျက်မိတယ်။မြန်မာ အစိုးရကလည်းခေါင်းမာ၊ အမေရိကန်ကလည်း သူ့လက်နက် သူထုတ်သုံးနဲ့ ကြားထဲက ပြည်သူကဓါးစာခံပေါ့။ Sanction ကို ထောက်ခံတဲ့သူဆိုရင် အဲဒီအချိန်က ကျွန်တော် အင်မတန်မုန်းပါတယ်။ မြန်မာအကြောင်းရေးတဲ့ နိုင်ငံခြားသားတွေထဲမှာ Georgetown University က ပါမောက္ခ David I Steinberg ကို ကျွန်တော်သဘောကျတယ်။ သူ့အတွေးအမြင်ဟာ တခြားအနောက်နိုင်ငံသားတွေနဲ့မတူပါဘူး။ မြန်မာ့နိုင်ငံရေးကို သုံးသပ်ရာမှာ ကျန်တဲ့သူတွေနဲ့စာရင် သူက နည်းနည်းသမာသမတ်ကျတယ်လို့ ကျွန်တော်မြင်တယ်။ အောက်ကစာဟာ အင်တာဗြူးတစ်ခုမှာ သူပြောခဲ့တဲ့စကားတွေပါ။ “So we imposed sanctions to try and enforce this in a series of three steps. That was basically unsound, because _ I was against the sanctions from the very beginning because I know enough about these people to know that they won’t give into sanctions _ this is a highly nationalistic, patriotic country. They cannot be seen to be subservient to foreigners.” “အေးဗျာ… နိုင်ငံတကာကချမှတ်ထားတဲ့ဥပဒေတွေကို မြန်မာအစိုးရ လိုက်နာအောင်လို့ ကျွန်တော်တို့ (အမေရိကန်)က အရေးယူ ပိတ်ဆို့မှုတွေကို ပြဌာန်းခဲ့ တယ်။ ပြောရမယ် ဆိုရင် ခါးတောင်းကြိုက်တခြား ဟိုဟာတခြားလိုဖြစ်နေတာဗျ။ မြန်မာ လူမျိုးတွေဟာ အဲဒီအရေးယူပိတ်ဆို့မှုတွေအောက်မှာ အရှုံးပေးမှာမဟုတ်ဘူးဆိုတာ ကျွန်တော်ကောင်းကောင်းသိနေတယ်လေ။ ဒါ့ကြောင့် အရေးယူပိတ်ဆို့မှုတွေကို ကနဦးကတည်းက ကျွန်တော်မထောက်ခံခဲ့ဘူး။ မြန်မာဆိုတာ အမျိုးသားရေးစိတ်၊ မျိုးချစ်စိတ် အင်မတန်ပြင်းထန်တဲ့ နိုင်ငံတစ်ခုလေ ဗျာ။ မြန်မာလူမျိုးတွေ ဟာ နိုင်ငံခြားသားကိုအလွယ်တကူ ခယဝပ်တွား အောက်ကျို့ ခံလိမ့်မယ်လို့ မထင်လေနဲ့။” မှန်ပါတယ်။ ဒေးဗစ်စတိန်းဘာ့ဂ် ပြောတာမမှားပါဘူး။ မြန်မာတွေဟာ ဘယ်တုန်းကမှ အလွယ်တကူအောက်ကျို့ အရှုံး ပေးခဲ့တယ်ဆိုတာ မရှိဘူး။ တတိယ အင်္ဂလိပ်-မြန်မာ စစ်ပွဲ တုန်း က မန္တလေးနန်းတော်ကို အမြောက်တစ်ချက်မဖေါက်လိုက်ရဘဲ အသိမ်းခံလိုက်ရတယ်ဆိုတာ ကင်းဝန်မင်းကြီး အတတ်ကျူးသွားလို့ပါ။ မခုခံရ၊ ခုခံလျှင်သူပုန်ဆိုတဲ့ နန်းတော်က အမိန့်ကြောင့် ဗမာတွေ တောက်ခေါက်ပြီး ဧရာဝတီမြစ်ထဲ ဓါးတွေးပစ်ချပြီးမှ ရှောင်ထွက်သွားကြတယ်လေ။ ဒါပေမဲ့ ဒီကနေ့ IT ခေတ်က ၁၈၈၅ ခုနှစ် မဟုတ်တော့ဘူး။ လိုရင်းပြောရရင် အစိုးရရော ကိုယ့်နိုင်ငံတွင်းက ကုမ္ပဏီတွေကိုပါ ဆင်းရဲသားတွေကို ညှာတာဖို့ ကျွန်တော် အနူး အညွတ် မေတ္တာရပ်ခံချင်ပါတယ်။ အဲဒီဘွန်ဆိုင်းသစ်ပင်တွေဟာ ခင်ဗျားတို့ရှင်သန်ခွင့်ပေးမှု အသက်ရှင်ရတဲ့ဘဝပါဗျာ။ မဆင်းရဲဖူးတဲ့သူတွေက ဆင်းရဲသားတွေရဲ့ အာဝေဏိက ဒုက္ခကို မခံစားဖူးကြဘူး မဟုတ်လား။ လင်ယောက်ကျား ပင်လယ်ထဲသွားနေတုန်း မီးဖွားဖို့ ငွေမရှိလို့ အရပ်လက်သည်က အကြွေးလာမွေးပေးတယ်။ သားဖွား ဆရာမ (Midwife) တောင် မခေါ်နိုင်ဘူးနော်။ ဆရာဝန်ဆိုတာ ဝေလာဝေးပေါ့။ ဒါတောင် မီးဖွားဖို့ ဖယောင်းတိုင်ဖိုးမရှိလို့ ရပ် ကွက်ထဲက အိမ်ဆိုင်လေးမှာ ဖယောင်းတိုင်အကြွေးသွားဝယ်ရတယ်။ ဒါ INGO မှာလုပ်တုန်းက ကျွန်တော့် Volunteer တွေပြော ပြတာ။ နောက်တစ်ယောက်ကျတော့ ယောက်ကျားပင်လယ်ထွက်နေတုန်း မီးမဖွားနိုင် ဘဲ သွေးတွေသွန်တယ်၊ Volunteer တွေက အကူအညီလာတောင်းတယ်၊ ကယ်ပါ ဆရာရယ်၊ မကယ်ရင် သေလိမ့်မယ်တဲ့။ ကျွန်တော်လုပ်နေတဲ့ Project ထဲမှာ မိခင်နဲ့ကလေးစောင့်ရှောက်ရေးအတွက်မပါဘူး။ ကျွန်တော်ဘာလုပ်ရမလဲ…။ ကျွန်တော့် မှာလည်း ကိုယ်ပိုင် ဖွတ်ကလိဒင်္ဂါးက ပါးလျားနေတဲ့အချိန်။ ဒီတော့ Volunteer တွေကို တိုင်ပင်ပြီး ကျွန်တော်တို့အပတ်စဉ် Meeting လုပ်ရင် Refreshment သုံးလို့ ရတဲ့အထဲက ငွေကြေးကိုထုတ်နုတ်ပြီး ကူညီလိုက်တယ်။ သူတို့အားလုံး ကျေးဇူးတင်ပါတယ်ဆရာလို့ တဖွဖွပြောတဲ့အချိန်မှာ ကျွန်တော့်ကို တင်စရာ မလိုပါဘူး။ ခင်ဗျားတို့ကို ကျွန်တော်က တင်ရမှာ။ ခင်ဗျားတို့အတွက် သုံးမယ့်ငွေထဲကနေ လှူလိုက်တာ ခင်ဗျားတို့ကောင်းမှုပါဗျာလို့ ပြောလိုက်ပါတယ်။ ကျွန်တော်မဏ္ဍပ်တိုင်တက်ပြနေတာ မဟုတ်ပါဘူး။ လူတစ်ယောက်ကို ကူညီချင်တဲ့ စိတ်ရှိရင် ကူညီလို့ရတယ်ဆိုတာကို ပြောချင်တာပါ။ အဲ…စည်းမျဉ်း၊ စည်းကမ်းနဲ့တော့ မညီဘူးပေါ့ဗျာ။ သူ့ကံနဲ့သူပဲဆိုပြီး ပစ်ထားလိုက်လို့ကတော့ ဘာသာရေး၊ လူမျိုးရေးအရ လွှမ်းမိုးစိမ့်ဝင်ဖို့ကြိုးစားနေတဲ့သူတွေအတွက် ဖိုးကြိုင်းတုတ်ဖြစ်သွားမှာပဲ။ စဉ်းစားကြပေါ့ဗျာ။ ခင်ဗျားတို့၊ ကျွန်တော်တို့ မျိုးဆက်တွေကို ဘယ်လိုပုံစံနဲ့ ထားခဲ့ကြမှာလဲ။ ကျွန်တော် ကျွန်တော်တို့လူမျိုးတွေကို တစ်ယောက်နဲ့တစ်ယောက်ချစ်စေချင်တယ်။ ကူညီစေ့ချင်တယ်။ စိတ်ပိုင်း၊ ရုပ်ပိုင်း မြှင့်တင်ပေးစေ့ချင်တယ်။ အစိုးရရော၊ တပ်မတော်ရော၊ အတိုက်အခံတွေရော၊ တိုင်းရင်းသားလက်နက်ကိုင်တွေ အားလုံး ကိုရော ပြေလည်စေ့ချင်တယ်။ စစ်ဘေးရှောင်စခန်းက ကလေးတွေ ထမင်းနှစ်နပ်ကို ဟင်းရွက်ပြုတ်နဲ့ မဝရေစာ စားနေရတဲ့အချိန်မှာ တခြားကလေး တွေလို တစ်လုတ်ကယ်ဝဝ စားလိုက်ရရင်ဖြင့်လို့ တမ်းတမိကြရှာမှာပါပဲ။ ဒီလိုပဲ စစ်ဒါဏ်မခံရပေမဲ့ အညာကကလေးတွေ၊ မြစ်ဝ ကျွန်းပေါ်က ကလေးတွေလည်း ဆင်းရဲနာစွဲကပ်တာကို လှိမ့်ခံနေကြရတာပါပဲ။ ဒီကလေးတွေ၊ ဒီဆင်းရဲသားတွေဟာ စစ်ဘေး၊ စစ်ဒါဏ်အပြင် ကျွန်တော်တို့လူမျိုးအချင်းချင်းရဲ့ ခေါင်းပုံဖြတ်တဲ့ဒါဏ်ကို လည်း ခံနေကြရတာပါပဲ။ ဆင်းရဲသားပပျောက်ရေးအတွက် စီမံချက်တွေချမှတ်ဆောင်ရွက်တဲ့နေရာမှာ ရပ်ရွာအုပ်ချုပ်ရေးပိုင်းကစလို့ တာဝန်ရှိသူ တွေ မဟုတ်တာလုပ်နေလား။ ကိုယ်နဲ့မဆိုင်ဘူးဆိုပြီး ခင်ဗျားတို့ကြည့်မနေကြပါနဲ့။ မသမာမှုကိုဖေါ်ထုတ်ဖို့ကြိုးစားပါ။ ဝိုင်းဝန်း ဆောင်ရွက်ပါ။ ဖေါ်ထုတ်ပြီး အရေးယူဆောင်ရွက်နိုင်အောင် အထက်ဌာန အဆင့်ဆင့်အထိ တင်ပြပါ။ ခင်ဗျားတို့ ဆင်းရဲလို့ ငွေကြေး မထည့်ဝင်နိုင်ဘူး ဆိုရင်တောင် ခင်ဗျားတို့လုပ်နိုင်တဲ့အလုပ်တွေအများကြီးရှိပါတယ်။ ခါးဝတ်ခါးစားတောင်မပါဘဲ ရေနစ်နေတဲ့ကလေးတစ်ယောက်အတွက် ခင်ဗျား အဝတ်အစားဝယ်ပေးဖို့ တတ်နိုင်ချင်မှ တတ်နိုင်ပါလိမ့်မယ်။ ဒါပေမဲ့ ခင်ဗျား က မြစ်ဘေးမှာနေပြီး ရေကူးကျွမ်းကျင်တော့ အဲဒီကလေးကို ခင်ဗျားကယ်နိုင်ပါတယ်။ အပေါ်ရောက်တဲ့အခါ တတ်နိုင်တဲ့နောက်တစ်ယောက်က အဝတ်အစားပေးလိမ့်မပေါ့ဗျာ။ လူကိုလူလိုမြင်ပြီး ကရုဏာစိတ်အပြည့်နဲ့ ကမ်းလင့်နိုင်တဲ့ ခင်ဗျားတို့လက်တစ်စုံကြောင့် ဒီကလေးတွေ၊ ဆင်းရဲသားတွေ ရဲ့ ဘဝပေါင်းများစွာ ပြောင်းလဲသွားစေနိုင်ပါတယ်။ ထိုက်တန်တဲ့ (ထိုက်တန်တဲ့) အခကြေးငွေလုပ်ခနဲ့ အလုပ်အကိုင် အခွင့် အလမ်းတွေ ဖန်တီးပေးမယ်ဆိုရင်၊ ပညာသင်ကြားခွင့်တွေ ဖန်တီးပေးမယ်ဆိုရင် ဒီနင်းပြားတွေ ရဲ့ဘဝပြောင်းလဲလာနိုင်ပါတယ်။ တကယ်တော့ မထင်မှတ်ဘဲ အဲဒီကလေးတွေ၊ ဆင်းရဲသားတွေကိုကမ်းလိုက်တဲ့ ခင်ဗျားရဲ့လက်တစ်စုံဟာ ကိုယ့်တိုင်း ပြည်ကိုယ် တည်ဆောက်လိုက်တာပဲ မဟုတ်ဘူး လားဗျာ။ လူကို လူလိုသဘောထားမှသာ လူ့လောကကြီး ပိုပြီးသာယာလာမှာပါ။ အတွေးတွေ ဆန့်ထွက်လာအောင်တွန်းအားပေးခဲ့တဲ့ ACK & Co Services Co., Ltd ကိုကျေးဇူးတင်ပါတယ်။ ရဲကျော်သူရ မေ ၁၁ ရက်

Read More