ပြစ်မှုနဲ့ ပြစ်ဒဏ်
မနေ့ကရုံးပြန်နောက်ကျလို့တက္ကစီနဲ့ပြန်သွားတယ်။ကားပေါ်မှာကိုယ့်အရွယ်အမျိုးသမီးတစ်ယောက်ပါလာတာကြည့်ပြီး
စီးလို့ရမလားလို့ ဒရိုင်ဘာကို ညှိလိုက်တော့ အိုကေတာနဲ့ sharing လုပ်ပြီး စီးလာတယ်။
ဒါနဲ့ ကားပေါ်မှာ ဒရိုင်ဘာနဲ့
လက်ရှိအိမ်ထောင်ရေး တည်နေသမျှ နောက်အိမ်ထောင်ပြုရင် ထောင်ဒဏ်၁၀နှစ်ဆိုတော့ မိန်းမတွေကတော့
သဘောကျမယ်ဗျလို့ ပြောလိုက်တော့ သူကလည်း ဟုတ်တယ်လို့ ထောက်ခံတယ်။ ဒီအချိန်မှာ ကားပေါ်မှာပါလာတဲ့
အမျိုးသမီးက " ကျွန်မ မထောက်ခံဘူး။ ဒီဥပဒေဟာ ရက်စက်လွန်းတယ်၊ ပြင်းထန်လွန်းတယ်"
တဲ့။
ကျွန်တော်က"ဘာဖြစ်လို့လဲအစ်မ"လို့မေးတော့"အစ်ကိုရယ်၊ဒီဥပဒေဟာကျွန်မတို့အမျိုးသမီးတွေအတွက်အဓိကရည်စူးပြီး
အကာအကွယ်ရအောင် ထုတ်ထားတယ်ဆိုတသိပါတယ်။ဒါပေမဲ့စဉ်းစားကြည့်လေ။လူသတ်မှုတောင် ထောင် ၇
နှစ်ကနေ ၁၀ နှစ်အထိပဲ ချတာလေ။ နောက်အိမ်ထောင်ပြုလိုက်တာ အဲဒီလောက် အပြစ်ကြီးသလား။မသကာတစ်နှစ်၊
နှစ်နှစ်၊ လွန်ရောကျွံရော ၃ နှစ် အမြင့်ဆုံးဆို တော်ပြီပေါ့" တဲ့။
တစ်ခါတလေCommonSenseဆိုတဲ့သာမန်အမြင်တွေဟာလောကမှာအရေးပါပါတယ်။အခုလွှတ်တော်ကိုယ်စားလှယ်ကြီးတွေဟာသာမန်အရပ်သူတစ်ယောက်တွေးသလောက်တောင်တွေးကြရဲ့လား။လူဦးရေကမိန်းမတွေများတော့အမျိုးသမီးတွေဆီကမဲရဖို့များရည်ရွယ်ပြီး၁၀နှစ်ချစေလို့ထုတ်လိုက်လေသလားလို့တွေးမိတယ်။တကယ်ကနောက်အိမ်ထောင်မပြုဘဲ
ရှုပ်ချင်တဲ့သူအဖို့ ရှုပ်လို့ရတာပါပဲ။ မယူဘူးလေ။
တရားဝင်မယူဘူး။ လက်မထပ်ဘူး။ ဟိုတယ်မှာ
သွားအိပ်တယ်။ ကဲ ဘာပြောမလဲ။ ကျွန်တော်ကတော့ ဒီ ၁၀ နှစ်ကိစ္စ ရိုးမှရိုးရဲ့လားလို့ တွေးနေမိတယ်။ဒီလိုပါပဲ
(.....) မှာ အိုကြီးအိုမဒုအရာခံဗိုလ်ဆရာကြီးကိုအပြင်ထွက်တာဘိနပ်မစီးလို့
ဆိုပြီး ခြေလျင်တပ်ကိုပို့လိုက်သတဲ့။ဒါရောပြစ်မှုနဲ့ပြစ်ဒဏ်ထိုက်တန်ပါရဲ့လား။တစ်ခါတလေစဉ်းစားမိတယ်။လောကမှာ
မတရားမှုတွေက အတော်လေး ခေါင်းထောင်နိုင်တာပဲလို့။ Activist စိတ်ညစ်တယ်။
.jpg)
0 comments:
Post a Comment